紅茶館 (已搬遷) 新店位置

好怕夜晚經過呢度，個招牌光管係紅色，照到有D陰森嘅感覺，尤其是附近有大酒店，不過日頭嚟就唔同，好光猛兼窗明几淨，落地玻璃窗望到街外感覺唔錯。午、睌餐嘅菜單都好似係一樣，選擇唔多以西式為主，只得鴨腿湯飯係中式，叫咗黑椒牛仔骨配天使麵（$58）、德國咸豬手配天使麵（$68）同紐西蘭羊扒配薯菜（$78）。餐湯有雜菜湯同粟米忌廉湯，雜菜湯味道淡無乜肉味而忌廉湯味道較好，蒜茸包係熱嘅仲好香。牛仔骨有兩大塊但有梳打味，咸豬手皮不脆而D肉又咸又硬，羊扒有三大塊，煎得唔錯肉嫩又有少少羶味，兼且配薯茸，真係一分錢一分貨，最後加$15要咗藍梅芝士蛋糕，味道唔差不過唔夠新鮮。餐茶嘅奶茶相當濃與茶餐廳無異而食物質素其實亦差唔多。呢間餐廳嘅裝修擺設都想扮高級，例如放D朱古力響檯面任人食，周圍都係酒柜，想走高格調路線但係又不倫不類，邊度有高級餐廳會將D餐酒擺響俾太陽晒到嘅柜度，呃吓D自由行就可能得。

對於紅茶館的印像,究竟係老人院?自由行酒店?月租式服務住宅?抑或是時鐘酒店?小弟對她們的定位,一直也弄不清楚.但因為其名字,總會聯想起陳慧嫻的名曲"紅茶館",可能幕後老闆,是她的忠實歌迷.晚市永遠好像沒有生意,周末早上來吃個早餐,店內的情侶未一早擠滿,陳慧嫻,你是否"老點"我?其實,她們的早餐,是很便宜得發笑.$22一位,全自助形式.平過上去茶餐廳.收得那麼平,是否沒有甚麼可吃?有雜菜湯同銀杏白粥,熱食有蝴蝶粉,腸仔茄汁豆.沒有蛋吃?有,鹽焗蛋,亦有菠蘿包,白麵包,麥包,芝士等等.另外橙汁,咖啡茶任添.好有身處外國的青年旅舍飯堂感覺.一清早吃銀杏,對我這個馬迷來說就絕非"老黎",雜菜湯材料都足,味道酸酸地.熱盤的蝴蝶粉一早煮好,煮到過淋.再溝些茄汁豆,腸仔同吃便可.鹽焗蛋似是普通蛋,沒有吃到咸味,但一樣連吃三隻.菠蘿包當然是外來貨色,普普通通.芝士味道是人人都吃到的那一種,沒有騷味或臭味.記得這個是$22的自助早餐,沒有可能供應一些又臭又騷的芝士來奉客吧.環境比那些茶記好,反正吃來吃去,也是千篇一律的甲乙丙丁麵餐,不如轉來這處任吃一番,最低限度,吃得你飽.看報紙看到入神,突然,有名陌生

平安夜同女朋友一齊呢間氣氛唔錯o既餐廳食聖誕大餐,晨早book o左位,我地去到竟然話無我地個record,真係唔係好掂,重要入面大把位無人座都話我地聽得番中間o個張二人枱, 真係啞o左...服務認真要改善一下!食物方面:頭盤-焗蟹蓋: 都幾有蟹味, 不過咸o左少少o者餐湯有青豆湯同意大利濃湯, 同女友一人要o左一款黎試下: 意大利濃湯幾好, 女友要o既青豆湯我覺得就麻麻地,味道有少少怪(送個蒜泥飽都幾有水準)主菜: 有三款簡-1)焗"蘇"皮法國野兔2)焗牛尾3)白汁火雞貪新鮮要o左法國野兔,個汁麻麻地,d 兔肉亦都唔係幾好食,類似d瘦肉湯渣咁,好彩入面d薯仔都okay...(有d後悔貪新鮮,早知要焗牛尾啦...)女友要o左白汁火雞,本來味道唔錯o既,唯份量太少,而且火雞唔熱又唔凍咁, 可以改善一下,若果可以加埋個焗薯就perfect 喇甜品-apple pie一件: 唔知係咪d apple茸浸過什果糖水,好有o個隻味道, 個人唔係幾鐘意。個皮亦都唔香脆,係淋淋地o既皮。總括黎講,水準一般啦。平日想少d人同氣氛好o既話,都可以一試o既。今次聖誕大餐咁o既價錢咁o既食物同服務,就唔係幾值

每次經過都比呢度紅色燈光吸引, 今晚終於試過晚餐...雜菜湯- 用大湯杯盛載. 味道唔錯, 入面有好多菜!黑椒西冷扒- 剛好好7成熟...比想像中腍! 配菜有翠玉瓜好薯仔片.粟米汁龍利柳- 龍利柳煎得好香口, 肉質彈牙! 但白汁唔夠味!服務唔錯! 整晚客人唔算多, 環境又較靜, 情侶一邊食蠋光晚餐, 一邊談心, 簡直一流!