影片
港鐵樂富站 A 出口, 步行約3分鐘
繼續閱讀
營業時間
星期一至日
07:30 - 22:30
以上資料只供參考, 請與餐廳確認詳情
早排疫情嚴峻嘅時候發現左一間好抵食嘅茶記盒飯嘅份量好大 如果係女仔食可以2個人share 一盒添😂但係都只係$38 （外賣盒加$2）仲有餐飲附送☕️.🌟時菜排骨炒河粉 ($38)呢個粉河粉比較似濕炒所以冇咁乾身同有汁而且都幾足料 有足夠嘅菜🥬同排骨個人覺得味道唔錯.🌟菠蘿海鮮炒飯 ($38)呢個炒飯就係用左西炒飯做底 所以食落多d蕃茄味🍅而且亦都有幾多料不過略嫌唔係好夠鑊氣但係呢個價錢同份量我已經會收貨😌
繼續閱讀
午餐叫左個「日式海鮮炒烏冬」，連埋杯熱檸茶，$54先講個烏冬，我等左20 mins 先黎，食左一啖，發覺竟然有一條包裝袋的膠條喺碟野度，嚇一嚇，好噁心，原來我叫左「日式海鮮膠袋炒烏冬」，跟住叫佢換其他野比我食，我揀左另一碟野$57，佢要我補錢，算，我比！杯熱檸茶難飲到不得了，又苦又澀，衰過飲涼茶！哩間野我已經比左幾次機會佢，之前黎，又滴水又熱，而家黎，啲卡位張張都好多不明嘅碎，好污糟食物差，衞生差！
繼續閱讀
住係附近 去過幾次 只有焗飯可接受 其他食物質素奇差 雞扒雪味濃郁 豬扒硬度十足 牛扒味道清淡 唔知自己食緊咩 飯麵經常乾過木乃伊 野飲幾次試左奶茶 華田 咖啡, 奶茶咖啡有莫名奇妙既奶味 華田同水一樣 唔知樣咁簡單既野先可以搞成咁重點係 職員大部份都串串共 無禮拜 寫野講快d聽唔到 講慢d嫌你慢 其中一個貌似男經理既呀叔最差 仲有大半個鐘先收舖入去既話 呀叔會望住你 唉唉聲 表示你阻住佢收工咁 食幾次都係咁 仲有未收舖早早用漂白水拖地 聞住漂白水味食飯 全新享受.
繼續閱讀
80年代銀禧小食店形式嘅雞髀沙律豉油雞髀滷水完再炸 隻雞髀有冇偷棄舊肉 比較有良心沙律畀死咁多沙律醬同煉奶只係得雜菜菠蘿同埋椰果 好明顯係地滿嗰罐椰果再加啲雜菜落去撈埋一堆屋邨地方冇得要求
繼續閱讀
今日晏晝，好肚餓行去樂富商場，去咗紅蜻蜓買咗個外賣，買咗個星洲炒米，買返嚟食咗幾啖真係好友鑊氣啊，賣相當不錯呢，辣都有夠喎，價錢相當便宜呢，份量又唔少喎，都幾抵，值得推介
繼續閱讀