紅豆餐室

營業中

休息中

紅豆餐廳一到地鐵站A2出口直入商場門口就係地理位置十分方便餐廳都多人食由於趕時間冇考慮咁多就直接入去食早餐餐牌選擇唔算多價錢範圍大概$44左右香煎魚柳，火腿奄列，牛油多士，沙律，茄汁豆份量都唔會偏細 魚柳好大塊炸皮唔會好厚 熱辣辣新鮮整好 魚肉都好食喜歡食魚柳做早餐，值得一試一份就轉做煎雞扒，其他餸就一樣嘅可以唔要奄列轉做腸仔煎蛋等等煎雞扒同平時出面嘅口感煮法都唔同呢塊雞扒比較香口唔算好細塊醬汁係平時焗豬扒嘅蕃茄汁味火腿奄列內餡好多火腿蛋蛋就煎得比較熟，冇我想像中好食嗰種滑滑質感十分普通

碟嘢一到，我有少少嚇親，第一啲燒肉好明顯係亂砍同搭到一堆山，第二，多左兩塊叉燒，好似廚餘，我同侍應講，佢答我可能因為唔夠燒肉，所以俾叉燒我，一係比多幾舊叉燒我。結果，我就食左白飯+咸蛋+2塊叉燒=$61

之前呢叫外賣成日都會叫呢一間早餐食嘅，因為呢個早餐真係幾出色，最近返屋企嘅時候夜晚諗唔到食咩就決定都試吓呢一間茶餐廳，估唔到都幾出色喎第一啦佢呢一個茶餐廳呢有好多唔同嘅款式可以揀啦，我想講我係有選擇困難症，最終呢揀咗自己最鍾意食嘅米線，佢呢係有一個系列呢係米線嘅，佢有唔同嘅款式嘅湯底啦，我自己呢就揀咗麻辣湯底少少辣，另外呢有兩個category嘅餸可以揀咁，我自己就揀咗雞翼同埋午餐肉，估唔到呢個湯底都幾出色，但係略嫌呢都係有啲辣，下次呢會再揀少辣嘅

最近叫外賣呢都見到呢一間茶餐廳，於是呢就叫外賣啦叫個早餐嚟食吓，佢嘅選擇呢同平時嘅茶餐廳都差唔多嘅，都係一啲沙嗲牛肉啊雪菜肉絲啊等等都多選擇嘅。今次呢選擇咗沙嗲牛肉米線，都好surprise因為好少茶餐廳會有米線呢一個選擇，而佢嘅質地呢都係非常之可以接受嘅範圍，唔會話太硬啦，亦都唔會話太腍嘅，保持到米線應有嘅質感，而佢嘅沙嗲呢係非常之入味，亦都好多醬，令到加埋落成個面度呢係好夠味嘅，配料方面呢就揀咗太陽蛋同埋午餐肉啦，兩個都非常之出色嘅

今日幫襯呢間餐室，叫左個時菜肉片飯，結果拿到來發覺好多黑色啲嘢，我同樓面黑色衣服男的（應該係經理）反應，佢回應我可能係鑊屎，後來勉強話換一個比我，之後我等左成半個鐘頭都未出，等我追單的時候，樓面經理同我講廚房洗緊鑊，啲態度非常惡劣我都怕左啦，費事比人整蠱，最後都係轉左個沙爹牛肉蛋面穩陣啲，以後絕對不會再來幫襯。

原本諗住簡單食個早餐就返工，叫左個菠蘿油、熱齋啡，結果個菠蘿油啲皮係淋既！好似蒸過個包咁，淋晒！第一次食咁既菠蘿包，睇到都無晒食慾！同員工反應，佢地竟然話佢地啲菠蘿包係咁，無得換。極度無奈！最後我都係堅持唔食，錢照俾！其實附近有好多餐廳，諗住都係簡單食，隨便一間都係一樣，結果原來越簡單既野，都會中招。

紅豆餐室，位於鑽石山彩虹道235號啟鑽商場地下G01號舖。 星期六中午用餐超級多人， 所以都要以搭枱形式。午餐📌 ～ 鮮茄焗豬扒飯+茶走$61、茶走$21。 鮮茄焗豬扒飯味道正常發揮， 豬扒份量偏少， 反而豬骨好大舊。 茶走非常淡味， 完全飲唔到煉奶味🥲， 欠缺了靈魂所在。 整體味道普通， 款式唔算多選擇。🏷️溫馨提示～ 整個用餐體驗均屬個人分享意見， 只作參考😊。     紅豆餐室地址: 鑽石山彩虹道235號啟鑽商場地下G01號舖

燶味炒河？入到去見佢d卡位全部寫留座！就問店員有冇位啦？店員就指一指坐嗰度囉！態度麻麻…咁叫野食啦，價錢茶記黎講算貴！但都唔緊要，最後叫左個炒肉片河睇落已經覺得唔對路，顏色好深！聞落仲有d燶味！之後食落唔係炒燶左，係本身d油燶…即係估計咩炒野都會有呢個燶味……呢個價錢，呢個服務，呢個味道…比個負評…一路食都諗，間餐廳有冇野係做得好呢？結論係完全冇囉如果真係要搵佢好既野，只能夠這佢門面做得好！餐牌做得好靚！同埋有多樣收款方式！同埋其實好多人幫襯！大慨係因為好似冇乜選擇！同埋啟鑽苑新入伙,大家收左屋或跟裝修就落去食吧！

肥牛蘿蔔酸辣米線 加檸檬茶 腐皮不會很淋，肥牛也不會太肥蘿蔔小小生，不過不會很大影響，米線幼過譚仔， 好吃，湯很溫和的酸辣口味上餐快米線幾彈牙，有紙巾提供，$50 晚餐也是好ok對女仔份量有小小大、不過整體而言也很好

因為Honey要我替他辦事，所以我就要到新蒲崗；既然屯馬線通車，鑽石山站一出就可以到新蒲崗，所以才會來到啟鑽苑。一出地鐵，就見到紅豆冰室，幾企理…看看早餐，價錢好合理，所以就入來了。侍應服務幾好，地方幾乾淨，可能新開張吧。我就點雞翼公仔麵、配大紅腸煎蛋、牛油多士，每樣都好食。兩隻雞翼是新鮮炸起，脆卜卜熱辣辣。公仔麵呢……現在越來越多茶餐廳，為了快捷，是「泡定先」，公仔麵食到滿口鞋颯颯。但是紅豆餐廳，公仔麵是「煮」出來的，熟透的公仔麵，才會滑。奶茶正常。整個早餐$41，不貴，性價比正常。

要去新蒲崗有d嘢做，去左鑽石山站落，一出去有個商場仔，直接食個晏。商場下面地底一層有街市有d食店，但我有次食完肚痛，不過我唔知我咁岩肚痛定點喇....唔敢再食街市食店.....食返呢度就咁行入去間紅豆。入到去已經係2點下午茶時間，叫左兩個餐，一個係窩蛋牛飯，一個係炒飯，我唔鍾意蔥叫佢走蔥都ok, 兩個都好食，唔會太咸又唔會炒到油淋淋，同埋佢呢度可能個名叫紅豆，襯返個主題跟餐加3蚊已經有紅豆冰，幾吸引。

8月6日唔想行咁遠及試新嘢心態，揾食肥華和靚媽，就揾咗呢間在肥華住處附近新屋村内，開業不久嘅茶記食晚飯，試一試此店嘅港式鐵板扒餐，首先此店先奉上兩碗，稀如開水，似用辣椒仔醬汁，溝成嘅紅湯，無論賣相和味道，都係F級系列，而靚媽點嘅什扒餐及肥華嗰個西冷牛扒餐，都係坊間快餐店質素，不過此店舖内座位，相比快餐店舒服，冷氣十足，亦有基本侍應服務，及佔盡鑽石山港鐵站地利優勢，加上價錢，在此店用膳，係勝過一般快餐店

經過新開茶餐廳。下午茶食咗雞翼餐。 雞翼炸得硬𠝹口😩。雞翼應該沒有醃過。有一陣雪味😓😓😓。 沙律只是一個醬😩😩😩不過員工好人。 地方整潔😁😁😁😁下次望清楚先再決定

鍾意食茶仔嘅我，行過新蒲崗呢個新屋苑，當然會入去搵下有冇茶仔。商場入面最方便個間，又大大地就行咗入去。下午茶時間，當然直接叫個下午茶餐。見到佢咁有信心寫咗個＂澳門豬扒包＂，就叫個黎試吓有冇澳門嘅風味。呢個澳門豬扒包已預先切好，外表上就平平無奇，不過記得食過某啲茶仔做嘅豬扒包，連豬骨都無切走，扮到好似好大塊。呢個就好啲，本身就係無骨都咁大塊。另外佢個包身就唔係硬脆個種，如果烘一下就似澳門個隻，不過咁樣都好，食落無咁乾。朱扒味道差少少，如果加多啲炒洋蔥可能我會更加鍾意，整體上未算特別出色。由於新開張，地方仍然乾淨，下午茶時間相對無咁多人，不過由於我坐喺比較入嘅位置，電話收得唔好，所以都無坐太耐，後來同呀姐講開先知原來有wifi。跟住我又問埋佢收幾點，無記錯last order係2300。點解我咁問，事關佢呢個下午茶餐，佢夜晚九點後又會出現，真係無限輪迴。

今日準備去新蒲崗做野，一出鑽石山地鐵站入商場就見到呢間餐廳，望到午餐牌有個皇牌焗豬扒飯，於是入來試下.侍應話焗飯要等20分鐘左右，問我如果急時間建議叫其他餐會快d,我話要試下你們的焗飯先入來，跟住侍應馬上幫我落單了，服務都算唔錯，因為無人知焗飯係焗定還是即焗，所以佢地落單前問聲是最好的，值得一讚焗左大概18分鐘就來了，唔算太耐，即焗熱辣辣，色澤均勻，真係好吸引，炒飯底唔錯，粒粒均勻，茄汁有新鮮蕃茄，加上芝士口感一流，豬扒都好香口，很滿足中午午餐$59，凍飲加$3，仲有湯送，合理價錢，食完先睇到紅豆冰原來都係加$3，後悔無睇哂餐牌先叫，下次有經過來食一定要加紅豆冰