影片
港鐵油麻地站 A2 出口, 步行約5分鐘
繼續閱讀
開飯介紹
由泰國人經營的紅辣椒, 菜式以咖喱及沙嗲為主。
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
行過旺角見間野有位好似坐得幾舒服抱住試新野既心態入黎試試佢。食緊野其間不得不獻出我在open rice既第一次食評。各位，呢餐係我人生入面食過第二最難食泰國菜。（第一間在元朗，已關門大吉）淡而無味海鮮炒粉絲，臭味炒蜆，糖水味炸雞扒椰汁湯。（詳情請參閱圖解）好好既食材比佢地攪到不倫不類。平時好小食淨咁多野，攪到要浪費哂d食物。劣質！唔明點解咁樣既廚藝夠膽出來開鋪做生意。唔好出來行騙啦。好好一餐晚飯攪到我好嬲！
繼續閱讀
旺角呢道咩菜都有,今次試呢間,見印尼海鮮炒飯,炒飯有2串串燒送,就揀呢個試下。凍飲唔駛加錢。炒飯粒粒分明,又幾多飯,如果多d蕃茄會fresh d,口感豐富d,可惜只得2片。海鮮唔算多,都係小小鮮魷。串燒不過不失,沙嗲汁多d話再好d。朋友叫左個,蠔餅飯,好乾,蛋好老,蠔唔新鮮,當便飯都可以接受。另叫左蝦餅,炸得好脆,唔算厚粉,ok
繼續閱讀
今天我和同事又去女人街找餐廳吃午餐，同事想吃泰國菜，於是我們便去這間餐廳吃午餐。餐廳的午市套餐十分便宜，全部都只是$38-$42左右，送熱飲。我叫了泰式炒金邊粉（走芽菜），飲品叫了熱檸茶。泰式炒金邊粉方面，配料包括豆腐干，蝦干，八爪魚粒，雞蛋碎，花生碎和蔥。味道方面，八爪魚粒和蝦干都是淡而無味，豆腐干比較硬了一點，3款配菜都是凍的。不過，炒金邊粉和雞蛋碎酸酸甜甜的，而且熱騰騰的，十分開胃，味道不錯。熱檸茶方面，熱檸茶只得2塊檸檬，不過味道都不錯。價錢方面，泰式炒金邊粉$40，熱檸茶免費，餐廳午市不用加一，總共$40，十分便宜！總結來說，這間餐廳的食物雖然不是太美味，而且不太算是正宗泰國菜，不過勝在夠便宜，午餐十分抵吃！平日的中午，都是求其填飽肚便算了。
繼續閱讀
行完街後, 總係想快d搵間餐廳可以入去好好休息下..紅辣椒已經食過幾次, 今日一行3位, 其中有位未食過呢間, 價錢方面佢都算抵食, 如果套餐岩大家口味既價錢更平!每樣野食都好想食, 估唔到我地3個女仔叫到成枱都係~~哈哈哈!😂😂😂生蝦 蝦都幾大隻而且肉質都幾厚實, 不過個人感覺唔夠凍! 如果凍d會更好食!😁炸蝦餅&春卷 炸蝦餅食落好脆卜卜, 熱辣辣! 點埋雞醬食真係冇得輸!!❤️春卷炸既幅度冇蝦餅咁透徹, 而且內裡既材料味道一般般, 不過不失~👌🏻炸雞翼 又一邪惡之作呀!!!! 😍😍😍炸雞翼既粉都幾薄, 香脆可口既口感實在令人難以抗拒! 雞翼唔會炸到好干, 食落都keep到水分, 唔錯唔錯!❤️椰菜苗 因為叫得太多肉同炸野喇! 當然要食返個菜平衡一下, 味道ok! 不過炒椰菜苗既份量略少😢冬陰公湯 可以話係每一餐飯既靈魂! 冬陰公湯入面有海鮮同菇菌, 湯品個味道唔算好濃厚, 酸同辣個比重有d唔平均, 酸味較少, 辣既度指數個人認為比較強烈! 對我黎講有d辣! 整體味道都ok👌🏻飲品方面之前飲過覺得沙冰比較甜, 所以今次都冇叫整體味道唔算好有驚喜, 不過價錢方面的確幾抵~😊如果黎到旺角想食泰國菜既, 紅辣椒係個唔算既選擇👍🏻👍🏻👍🏻
繼續閱讀
叫左個豬頸肉凍檬，點知俾左個雞扒凍檬都算啦...啲雞扒一咬落口又乾又硬檬粉又係，好似擺左好耐....最極品係個凍檬醋，又甜又好重彊味，啲味好怪！未食過咁難食既檬粉！呢間野！無下次！！
繼續閱讀