影片
營業時間
今日營業
12:00 - 22:00
星期一至日
12:00 - 22:00
*Last Order 21:20
以上資料只供參考, 請與餐廳確認詳情
今日約咗中學同學食tea。你知女人最重要嘅終身事業就係減肥，屯門係佢地膽，梗係由佢發辦。佢介紹咗純壽司：下午茶套餐。有四款48至58元，勁抵食。最重要係健康。我哋兩個都揀咗最平嘅熱壽司餐：有四件壽司、一個湯烏冬。另外有個炸物。我哋揀咗炸雞同炸餃子。純壽司不嬲有水準，估唔到下午茶都保持佢一貫嘅水準；埋單連加一$106，超抵。
繼續閱讀
今日又去屯門做嘢，經過屯門市中心；見到純壽司竟然有下午茶，仲要勁抵。一個set都係五十零蚊：有壽司、炸物同埋烏冬。純壽司出名好食。之前多數去元朗嗰間；唔知道屯門都有；三點幾冇乜人。食物豐富、服務有禮、坐得舒服。百零蚊兩個人勁抵。
繼續閱讀
一直都未食過純壽司，滿心期待排咗半小時食吓，可惜店舖衛生未如理想。無論係杯口位，抑或係碗、匙羹，都有崩口情況。對於食魚生嚟講，崩口餐具係唔應該攞出嚟，一嚟崩口難清理，容易積藏細菌，二來比食客觀感都唔好。我哋叫咗：茶碗蒸佢係俾咗急凍蝦，仲要係無味，蛋有啲水汪汪熊本拉麵 基本拉麵配菜都有，以壽司舖嚟講碗拉麵味道都唔錯豚肉鍋配白飯呢個配菜都算多，有蔥、大白芽、娃娃菜、椰菜，8塊豚肉，佢個湯好入味，配飯一流總結/ 雖然食物質素一般還可以，但店舖衛生有待改善，明白人手不足，但收拾碗碟車仔也不應長期推來推去，搞到好似酒樓咁🤣話晒都叫做食緊日本嘢🥲🥲
繼續閱讀
係壽司舖嗌炸雞的確係我問題，但係唯一碟會唔會太過份呢，唔知炸咗幾耐先可以炸成咁。去買豬肉乾都仲juicy過佢，又咸又乾食咗幾舊吞都吞唔落。壽司中規中矩，唔特別評價。
繼續閱讀
純壽司開咗一段時間，今日午餐時段終於去試吓，點知感覺非常失望，我哋叫了兩份限定午市套餐：1） 滑蛋鰻魚定食 （HK$128），滑蛋鰻魚需要自己烹煮，鰻魚質素一般，其餘伴碟小菜有點求其，麵豉湯總算熱辣辣，但米飯煮時相信水份太多，導致太軟腍的口感。2）滑蛋豬扒定食 （HK$128)，豬扒賣相不吸引，肉的質素亦一般。食物份量還可以，但性價比不高，餐廳服務亦不錯，可惜食物水準令人有點失望。
繼續閱讀