素街 (已結業)

上星期經過見到觀塘開左間素食餐廳，於是決定星期日帶埋媽媽去食呢間素食自助餐餐廳舖頭位置唔算好近地鐵站，但而家觀塘開多左好多outlet，相信大家都對觀塘都好熟一去到等左幾分鐘就可以入去收銀，佢會比個枱號你坐😊眼利嘅我一入門口就見到有2張感謝狀放係收銀后面，其實舖頭除左做生意賺錢外，仲熱心公益，真係抵讚👍🏻👍🏻👍🏻舖頭食物種類很多，真係眼花撩亂😆😆我特別推介麻辣口水雞，無論外型同味道都10分似真嘅口水雞，yummy仲有沙拉骨，好正！炸過後嘅蓮藕口感好似炸肉絲，就咁食都好香口，點埋秘製嘅沙拉醬，像真度極高，忍唔住食完又拎過😋😋

近年興起素食。有自助餐，套餐及散叫。我今晚就選了公司附近海日昇中心的“素街”。新開不是太耐。之前好想試午餐的。但book了好耐都沒有位。今晚試晚餐自助餐。素街裝修簡潔，大廳中央放了很多款不同種類食物。有沙律，咖喱角，春卷，煎堆，炸秋葵，蝦多士，凍豆腐，雲耳，青瓜，炒麵，紫薯粥，黃薑飯，茄子，炒什菜，荷葉飯，腸粉，卥水豆腐，卥水蛋，芋頭糕……甜品: 椰汁芋頭西米露， 老薑蕃薯糖水，叉燒包，黑松露蛋包，朱古力蛋糕， 紫米馬豆糕， 白糖糕， 砵仔糕……應有盡有。仲有飲品任飲: 水果茶， 羅漢果茶…….真係好多好多選擇. 仲有生果. 晚餐只係$108 (不需要加10%服務費)，絕對超抵. ， 食物質素都可以的。而我最喜歡是黑松露蛋包，黑松露好香，包又軟綿綿. 茄子，  茄子釀了芋頭，特別好食。炒麵炒得好乾身，唔油，又夠香。蝦多士夠脆, 唔油。 特別一提, 餐廳是自己把用完的食具放在回收車的。

平日(週一)的自助素食午餐($68無須加一)，甫開門便排隊入場(am11:45開門)，由入座計限時一粒鐘(到了pm12:30，食客的人潮開始出現！)。一。未食：貼心一) 可以Whatsapp 訂座，不多久便獲得回覆確認；貼心二) 有面壁(但不必思過)的高凳座位，最合天煞孤星；貼心三) 滿桌子美食(素菜也可以給烹調得色香味俱全)，琳瑯滿目，目不暇給，垂涎三尺。二。食ing：先旨說明，由涼拌冷盤，以至熱盤小菜和甜品，由於款式繁多，每樣只拿少量，每樣只試菜一、兩口，已經飽到嘔(不提倡不鼓勵)。涼拌冷盤類，eg. 青瓜、雲耳、雪耳、沙律等等，新鮮可口。小菜熱盤類，eg. 白菜、津白、翠玉瓜、麻婆豆腐、蕃茄炒蛋、白汁西蘭花椰菜花、偽裝的焗豬扒飯、烚蛋、炒米粉......，不勝枚舉。素菜也可以多款式，又巧食(肯定沒有加討厭的MSG，吃完沒有口渴感，我的敏感味蕾可以佐證)。炸物類，eg. 蝦多士、藕片、薯角 ......，炸物太上火，所以沒有多留意。甜品及時果類，eg. 雲呢嗱餡puff(中心冰點的cream咬下去很有層次感，人家食客彈，我卻讚，不過，太飽了，只拿了兩大個試味)、麵包布甸、雜果涼粉、

今晚去到觀塘工廠區搵食，就在中海日升中心一樓搵食期間，見到一間新開的素食店有晚市自助餐供應，每位只係$108，咁抵諗住支持下啦！ 餐廳裏面都有唔少人食緊，但好彩餐枱上面嘅食物都唔會話好混亂，亦唔會畀人攞晒啲嘢食。基本上長長的枱上，食物常有，refill嘅速度唔算慢。 食之前，我先行咗一圈， 睇咗有咩嘢食先，其實食物種類都好多，有成幾十款，有沙律、前菜、湯、雜物、熱葷、水果、甜品、粥粉面飯、飲料，樣樣都有， 而且每個category都有兩款以上讓你選擇。 食物嘅質素以呢個價錢來講我覺得完全收貨，當中我最喜歡吃的，就是碗仔翅、蝦多士和炸秋葵。蝦多士同炸秋葵炸到熱辣辣，又脆又好味。碗仔翅就非常足料，我飲咗兩大碗。另外黑松露炒蛋刈包同甜品都唔錯。

一向中意食肉既我，素食對我黎講，都只會係聯想到羅漢齋、素麵、酸齋等等。經朋友邀請，我地一齊去左觀塘「素街」依間自助式既素食餐廳食午飯，打破左我對素食的觀念。素街一開鋪，已經有唔少人係店外排隊等緊。店麵幾大，座位好闊落，放食物既地方都好闊，一d都唔迫。食物款式都好多，熱食冷盤，主食甜品水果樣樣齊，仲有四款飲品俾食客揀。咁多款食物當中，我最中意就係沙拉蓮藕骨、黑松露炒蛋刈包、酥炸南瓜片、同埋麻辣口水雞。 沙拉蓮藕骨加埋個沙拉醬，真係好似沙拉骨；而麻辣口水雞，辣味又夠，口水雞雖然係素雞唔係真雞肉，但食落完全唔覺自己食緊素食。整體而言，食品質素好好，既新鮮又好食。而值得贊揚既係佢地既環保/公得心溫馨提示：盡量只用一套餐具，食完既碗碟、餐具、廚餘同垃圾需要自己拎到自助回收區。

今天約了朋友試試尼間新開嘅素食，7:30入座，唔係麻，被人食到7788，都冇refill, 冇乜款色之餘，都算啦，仲要熱食區d食物，只係微暖，腸粉仲係好硬，因為已經涷咗，只係講句伏中之伏，絕對冇下次

放工後，天氣熱也不想煑了，便與友金仔往附近揾食，忽然，我地都有想吃清淡點的意向！而在駿業街眼見到一間叫素街的名字之食店，覺得幾特別，便齊決定在此食晚飯！素街~是自助餐形式地方環境宽敞也舒適清雅，素食款式很多，食料用材新鲜，也有不少新創意，如脆香芝蓮藕骨酸甜好味，生菜包之刀彰細緻，芝士蝦伊麵似足真大蝦有口感，碗仔翅，又令想起細佬仔時在官塘街邊檔的碗仔翅，我連食两碗，正！而蝦多士，芝士薯波也好，酸薑皮蛋我食完又食，好開胃呀…還有很多未食啊…食食…食…得我地很滿足，實實在在的新鲜食用心去做的多款素菜，很難得更是自助餐！素~出港人情懷的食品，而價錢合理，我地2人也预约會再來！也值得推薦给大家的好食店，因此他非一般素菜館！yes you can niver give up

這間新的素食自助餐，雖然不是抱太大期望，但實在太失望😞以前都試過其他類似餐廳，但這次經驗實在太差。食物味道是可以的，但衰在久久不refill，食物盆長期空空如也，連飲品都不refill。同職員反映後只答了好！但就是等了很久才有食物到，一有食物時大家都衝出去，有點誇張。大家來之前真的要三意🙄