影片
由細食到大既腸粉！以前跑完步返黎都會戳返串燒賣，而家間唔時都會買番幾條腸粉外賣番屋企食，食咗咁多年啲腸粉都係一樣味道，可以叫老闆走芝麻或者花生醬，但攞晒全部一定係最好味！雖然而家疫情問題仍存在，但都唔少人選擇坐喺路邊堂食，證明咗紫竹林嘅價錢同味道都唔錯
繼續閱讀
早餐例牌, 外賣$10/ 5條腸粉！真的平靚正！全部醬都要, 多芝麻,唔該！ 叫慣叫熟了！他們真的不會“慳”的, 多醬多汁, 油紙混上醬汁, 腸粉味道特別好, 是小時候吃到的那種味道！最近還有新點子, 點餐就可加錢換飲品, 他們說都是自家制的. 我換了杯薑蜜菊花露, 有驚喜啊！薑味是慢慢滲出來的, 微辣, 但可以接受. 加埋菊花露, 很夾, 喝完喉嚨很舒服. 不過, 略嫌甜了少. 下次, 我會試下其他的.不錯！這間店是老店了, 來的大部份都是街方街里. 店外有枱, 帶上寵物用餐也很方便.
繼續閱讀
每逢週末就相約男友踩單車🚲今次係第二次粉嶺去大埔優優閒閒地慢踩，唔辛苦，沿單車徑直出很方便。粉嶺到大埔其實很快，不到9個字已經到。踩到第二條紅橋便見到有二間小食店我地選左一間方便泊單車嘅「紫竹林小食」，小店入面得一張枱，外面像大排檔有好張枱，沒有貼心的服務，但有街坊的親情，因為街坊生意。埋去坐底嘅都係平時幫襯開，好熟架步。這裡沒有工作人員，只有老闆同老闆娘二個人，想食野就自己去窗口同老闆落單，佢整好之後就會叫你自己取。哈夠簡單😂男友最愛，每次必食「碎牛蛋麵」佢話出邊無得食我就簡最簡單嘅小食「奶醬多」
繼續閱讀
是日一早去了大埔辨些小事，所以有機會係大埔找地方，食返個早餐仔。而就在政府合署的河對面，就有著一個好簡陋，也好似好隱世的食事處，叫《紫竹林小食》。這名稱，感覺非常之雅致，但查實，只是地踎店一間。食什麼? 在沒什麼選擇之下我點了一個久違了的五香肉丁麵。麵底、麵湯雖然有少少求其，但肉丁夠香，夠肉味，彌補了許多的不足。而且說真，切好的蔥花竟然仲可以成條蔥呁浮在湯面上，不得不說他求其。我另叫一客腸粉，夠香夠滑夠熱，沒得彈...奶茶，不夠濃是唯一一個不足之處，但奶味夠已經令我可以接受..感覺簡單，簡陋的一餐，是一個快食快走的好好地方。
繼續閱讀
每天早上從火車站步行回寫字樓，不想常去商場內的連鎖式快餐店食千篇一律的早餐，由於要趕時間返工，所以盡量都會去必經之路上的茶記或快餐店，紫竹林便是其中之一間，它的地理位置很優越，店面正向太和橋，店門前的行人路面很闊，早上總有不少人坐在外面吃早餐。 主要供應車仔麵、粥、腸粉及一般港式茶記早餐，都算有幾多種食物選擇。 從店面新舊情度可見已開業了一段長時間，不知為甚麽在OR竟然沒有資料？！車仔麵以往由於時間闢係，早上很少可吃到車仔麵，所以近日連續兩天也來食車仔麵，價錢方面麵底五蚊、餸料由四蚊起，有十多款選擇，飲品方面熱飲加五蚊，凍飲加多一蚊，在新界區算不得上好平、好抵食。 我吃車仔麵大多會揀油麵，因為又粗又圓的油麵用來索醬汁最正，魚蛋的沙爹醬汁稠度適中，不像有些店像辣漿糊般厚身，豬皮夠爽口不會太腍身，算係合格水準；而凍檸茶只得兩片薄薄檸檬片太吝嗇了，叫少甜連酸味也不夠，淡出鳥來，同時老闆娘處理食物稍慢，希望店東日後能有所改善。單以車仔麵的水準尚算合格，它最大的好處是就腳！
繼續閱讀