維記咖啡粉麵

營業中

休息中

我公司喺深水埗附近所以都算係維記既常客，成日黎呢度食lunch, 每次黎都係一定會嗌豬潤面or 通粉，總之一定會嗌豬潤，除左出名之外，係因為真係好！好！食嫁。價錢唔貴，但加野飲就貴haha因為佢冇餐，樣樣野都係單點，一杯野飲都十幾蚊，加埋如果食個lunch 都4十幾蚊，喺同區黎講4十幾蚊可以食到飯餐既lunch, 有d 仲要平d, 但重點係佢真心好食，同凍奶茶又夠香滑所以我每次黎都係食同一樣既野， d 姐姐落單快送餐又快好有效率。

好耐冇去深水埗食嘢。今日心血來潮經過食吓久違的味道。一如既往，係門口排隊先可以入座。不同之處係枱之間多左一塊透明膠分隔。坐低點返個三餸麵先：膶牛蛋麵，餐蛋膶麵，熱奶茶，凍檸茶，花生醬西多士。正！食完呢餐飽到晚飯都食唔落了

佢地既豬潤米每次去都一定會點豬潤其實有好豐富既鐵質好適合貧血既女仔但係唔無好多地方可以煮得好味維記出品既唔單止無渣仲唔會滑潺潺湯底濃郁而恰到好處仲可以加配牛餐肉呀、腸仔呀、煎蛋等等有時真係會專登過去深水埗食

香港有買豬潤麵地方不多，來來去去得果兩三間，深水埗維記咖啡粉麵係其中一間! 地點方便又易去，坐地鐵行五分鐘就到! 平時星期六日，緊要排20分鐘先有位，可能而家既疫情影響，五分鐘就排到! 黎到維記，指定動作當然要叫豬潤喇!  如果唔鐘意豬潤既朋友，牛肉麵都係一個不錯既選擇，不過湯底都係豬潤底，食既朋友要留意! 另一出色既食品就係咖映多士和咖映西多，這兩款都深受食客歡迎。我當然叫左碗豬潤米、加映西多加杯凍檸茶。豬潤米黎到大大碗，豬潤大件厚切，但不覺鞋口，連同湯一齊食係最佳配搭，識食既加少許胡椒粉調出鮮味! 加映西多，甜到適中，好香椰子味，檸茶茶底夠濃! 雖然唔係第一次食，但每次食都唔會失望，仲保留到惜日既水準。唯獨係加左少少價，但都可接受!

我對喝豬潤水有一定的情意結。小時候曾生了一場大病，醫生說我要多吃有營養的食物，於是媽媽常常煮豬潤水給我吃。但現時的人總覺得豬養膽固醇高，不敢多吃。在家裏也很少煮，於是想吃的時候就會來深水埗的這家有名茶餐廳吃。他們的食物並不多，豬潤麵和牛肉麵是我的至愛。這次幸好不用等，我叫了豬潤粉。來到的時候已經聞到很香的薑絲豬潤水味，急不及待用勺子喝了一羹湯，湯汁鮮甜，帶有薑味，有我媽媽小時候煮的味道。吃一塊豬膶，很嫩，一點都不柴，加上米粉絕配。

為了新電話的皮套，特意去逛一逛深水埗。 根深蒂故，想起吃，總要去這間餐廳朝聖一下，沒吃過馳名 ＂豬潤麵 ＂，又怎算是到過深水埗呢😜豬潤確是夠爽，也夠新鮮👍😆吃一口湯，補充了鐵質，對我這行常捐血者，絕對是恩物!😍再加上牛肉，簡直是無敵拍檔，呵呵😆 可惜麵煮得過了點火喉，太霖軟了!還有出名的 "咖央西多" 🍞雖然已吃了大大碗麵，很飽肚，但難得到來，當然咪錯過啦 ~ 足料咖央，配上香炸西多，無敵😋😛🥰

其實我每次去深水埗都會去食，但就發覺湯低越嚟越淡，好偶然先食返舊水準，好似撞彩咁，已經少去咗。杯茶走就保持到水準。希望可以改善水準唔穩定呢個問題，唔係遲早會淘汰。

去完郵局寄件，行多一個街口，平時排曬隊，難得十二半都仲有位，即刻入座啦。落單都好快手，一碗豬潤米熱辣辣放在枱上，湯無之前睇圖片甘多泡泡，反而很清澈的茶色，湯底主要都係豬潤，我無叫飲品，飲豬潤水對身體好，補血，而且很乾淨，不覺得有好大陣腥味。豬潤份量算多，每件切片有大有細，切得薄片，豬潤顏色透出粉色，食落很滑身，沒有筋膜，因為他們用薑粒醃過，所以沒有太大的內臟味道，食落都唔錯，米粉無甘易碎易斷，條條分明，沾上湯汁都唔錯。

維記豬潤麵喺深水埗區出晒名，多人幫襯多到就算有幾間分店都要排隊等位，認真利害！每一次嚟到，我都必定會叫豬潤麵同咖咉多士，風雨不改，總之喺呢間餐廳豬潤係必食嘅！豬潤公仔麵入面有勁多塊豬潤，豬潤切得薄薄地，煮得過熟左少少，冇咁滑同埋爽口，有啲鞋口。公仔麵都煮淋左，冇咁好食。不過湯底飲落去有好濃郁嘅豬潤味道，仲加咗唔少薑絲去煲嚟癖走腥味。我推介食咖咉多士！咖咉醬充滿椰香，甜而不膩，多士烘得剛好熱辣辣就塗上咖咉醬，正！如果想食啲啱啱熟嘅爽滑豬潤嘅朋友，嚟呢度可能會失望，不過懷緬一下，食返以前嘅港式味道都唔錯呀。

感覺佢哋坐得比較迫同埋成日都好多人⋯⋯有次經過覺得人終於少咗就等左陣食到！材料唔會話好大驚喜但都不過不失聽講就快關門所以都想再去多次感受一下小舖嘅溫馨🙈感覺人手唔太足夠都比較忙碌，但係上送都算好快下次想試西多士！

🍜豬膶鮮牛麵大家係咪都會第一時間諗起維記？我諗佢認第二，無人敢認第一！因為佢d豬膶同出面真係冇得比基本上大家對依間店都唔陌生。吾知你地又幾耐無黎食呢🤔🤪我就好幾年啦🙈

維記咖啡粉麵 Wai Kee Noodle Cafe📍深水埗 Sham Shui Po.🍜 豬潤麵 $32: 豬潤非常足料 又唔老唔硬 用咗薑辟走啲腥味 湯底亦冇味精🥰.🥪 咖央西多士 $19: 咖央味唔會太甜 半煎炸過嘅西多沾上蛋液 煎得好香 仲可以加上少少糖漿😍

今天到深水埗逛逛，再來幫襯我的最愛維記豬潤麵，下午大約1:00，門口已經有8至10人排隊，店舖門口泊了很多私家車，相信很多食客也是從其他區駕車來幫襯的，我們等了20分鐘便有位，因為這間店開業很久，這裏裝修比較簡陋，衛生情況亦一般，我們例牌叫了這𥚃最出名的餐肉豬膶湯米，及加央多士，米粉湯底是由豬潤炮製而成的，非常好飲我每次吃完粉後也會學喝完整碗湯，這裏的加央多士或西多也很出名。我們幾乎每個月也會來幫襯一次

去深水埗食野，好多人都會唸起豬潤麵，油渣麵，蝦子麵等等。咁今日就咁啱要去深水埗買d電子產品，順便就醫下個肚啦。去到維記，三間分店都排晒隊，好彩d客人都好識做，食完就走，所以都唔洗排好耐隊，等左十分鐘左右就有位啦。坐低左之後基本上都唔洗睇餐牌就落左單啦。咁我地就叫左以下食品。咖央西多，蛋漿上得好均勻，煎得好香，而咖央醬味道又唔係太甜，落少少糖漿就非常給引，好味。潤牛麵，麵係見到師傅遂個煮呀，所以麵係非常入味，而豬潤就大大塊，好似唔洗錢咁，豬潤好爽口，但係牛肉有比較下就差少少，無咩牛味。畢竟餐廳招牌都係豬潤。之後就豬潤米再加餐肉，都係果句，豬潤唔洗錢，份量又多又大塊，米粉煮嘅時間剛剛好，唔會斷。湯今日個味就剛好，會再黎幫襯。

深水埗可以話係美食嘅臥虎藏龍各式各樣ge美食兜有！今日我黎到出名食豬潤麵嘅維記！豬潤其實對女仔好好嫁因為可以保血！（當然內臟5可以食太多啦～）黎到好彩附近學校未放lunch所以有位坐佢有2間分店～冇位就坐另一間啦豬潤鮮牛麵豬潤麵豬潤非常足料而且佢用薑辟走d腥味！好好味！冬天食暖笠笠！仲叫左熱奶茶！好滑😍伽央多士d伽央甜甜地雖然烘得5太脆但都香口食完已經好飽！仲要可以係出面附近食d小食～深水埗真係食肥人啊～