維記咖啡粉麵

營業中

休息中

隔左一星期食左兩次嘅豬潤麵。湯都好有味，唔會好咸，唔咪精！一食豬潤，唔知點解豬潤可以咁爽口！一碗麵好大碗！豬潤又比好多！第二次點左豬潤牛肉麵，連牛肉都好滑好嫩！第一次試咖吔多一般，但第二次叫西多就好好食！

雖說內臟膽固醇高，不宜食，不過隅爾食也無妨。 到維記必點它的豬潤牛肉米粉，選雙併無非是想減少進食豬潤的份量。豬潤與牛肉及米粉胡亂堆放在大碗內，碗邊的泡泡也實在不太美觀，不過食落就覺得它平凡樸實，沒有額外修飾。豬潤剛熟，幼嫩無渣，薑絲跟豬潤就如抹茶配紅豆、朱古力配香蕉，牛肉配黑椒等，兩者配搭起來，發揮出最佳效果。牛肉其實也不算差，只不過主角是讓給豬潤罷了。湯頭清甜，喝後不會感到口乾，足以證明冇落味精。

屹立喺深水埗好多年嘅豬潤湯麵，即使係住沙田嘅我好多時都會專登揸架車出去食。所以門口長期都拍滿晒車，搵個位都難呀。例牌叫豬潤牛肉湯米，豬潤一啲都唔腥，質地偏軟熟，軟得來唔會太淋，豬潤數量都唔少。牛肉質地偏林，唔會軔，牛香味唔算好突出。最精彩係個湯底，係用大量豬潤主城，超級香嘅豬潤味，唔會好鹹充滿鮮味，每一次我都會飲晒見底。如果想有少少辣，可以加胡椒粉，帶出豬潤嘅香濃味。咖央西多中間夾住嘅係傳統解央醬，西多嘅麵包唔係好厚不過好易入口，麵包沾滿蛋漿先拎去炸，入口濕濕地，但香味濃郁。中間嘅咖央亦都有滿滿的蛋黃味；配合埋糖漿食，真係停唔到口

深水埗維記食之前冇心理建設你一定會鬧佢，所以你食之前我要話畀你聽你會食啲咩。好多人食豬潤下意識就會覺得要食爽脆彈牙滑捋捋半生半熟，入面個心仲係粉紅色嗰隻，但維記唔係賣呢種。維記嘅豬潤呢，就係類似枸杞豬潤湯，入面嘅煲湯豬潤咁，你食完碗豬潤麵呢得到嘅係行氣活血這個種感覺，而唔係滑捋捋爽口彈牙嘅感覺，所以可以留意返個湯頭算比較特別。咁我多士我覺得就普通嘢唔需要特別試，抵食就唔係特別抵食啦，嘢飲分開嗌，碗麵都偏貴，始終已經係一間知名嘅餐廳，坐同服務都唔係特別好，但始終都係值得試一次嘅深水埗食物。

今日第一次去到深水PO幫襯呢間好出名食豬潤麵朋友食豬牛米，我點左牛麵（本身唔like豬潤），另加西多咖央，凍奶茶外賣拎走，無係果度食，上左朋友屋企食，只不過係行2條街，好近咁食啦，食左個麵先，哇個麵淋到丫，係發脹而且淋，omg我唔知係果度即場食會唔會好啲啦，只係相隔我諗5分鐘已經咁不過佢係普通大光麵，係差架喇（個麵）咁我試佢個牛肉啦，正常，無特別，即係唔會話好好食，唔係特別嫩然後我試朋友個米粉，呢個就好硬身，硬到好似未熟咁既食咖央西多，我心諗呢個係最OK，點知無我幻想果種咖央味道，純甜，蛋香係有既奶茶正常總括黎講，唔係話失望，無期望，不過係令人難明點解排晒隊潮聖

用家個人感受，不是打手！7️⃣0️⃣位置，深水埗地鐵站出，行過去5分鐘，唔難搵嘅，學生時代經常去。4️⃣0️⃣裝修，茶餐廳格局，感覺唔係好乾淨，坐得唔舒服㗎，食回憶咋。今日大約5:15pm去到，無乜人，入去坐低叫野，叫晒野即收錢，心知不妙，原來話拉閘關門(白色台個間舖)，唔係掛，叫晒野先講，早知我唔食啦。6️⃣0️⃣招呼，落單姨姨都ok，食物好快到，食咗5分鐘咋走啦，阻人收工感。3️⃣0️⃣豬膶米$32，可能趕收工，無講錯，大約5:15pm話拉閘，只得2塊大小小嘅豬膶(睇相)，其他都係散修修的，又無味，連基本薑味都無呀，痴線，衰過湯渣。4️⃣0️⃣凍啡$15，完全無啡味，奶水糖水，又賴關門事吧。❣️2️⃣0️⃣CP值，兩叄年前去完之後，已經同自己講維記已走晒樣。今日路經，又心癢癢再吃，完全失望到極點，發誓唔會再去。下午5:15pm幫襯，埋單$47。

由細食到大，由一間舖食到三間舖，隨住日子，無可否認係無以前咁好食，始終難逃小店擴張質素下跌嘅定律🤷🏼‍♂️。紅日晨早7點半嚟到，懷緬一下舊史😆諗左陣入舊舖定新舖好，最後決定後者諗住水準好啲，點知錯哂😭。習慣叫招牌豬潤牛肉麵($35)😋樓面阿姐就例牌對廚房大嗌「潤牛麵」，勁有feel！幾廿年無變過🤣。麵好快到，超滾超熱噴哂煙🍲食麵就係要咁嘅感覺❗️飲啖原味湯先，好淡😩😖😣😅同以前差好遠，灰左😐。不過‼️麵底保持硬度有咬口，推介大家倒啲枱面嘅豉油係匙羹，再夾啲麵點豉油食😬豉油香真係好正㗎！牛肉豬潤份量俾得幾多，牛肉嫩得嚟唔係話用粉拿得太犀利嗰種，good，豬潤一貫薄片，帶薑絲薑味，師傅處理豬潤時間控制到位，輕輕灼一灼唔會過老柴口，仲食到爽口同濃濃潤香！唔使排隊的話，得閒嚟懷緬過去都OK嘅！🤪

深水埗老舖多美食多，維記係我每次黎必食餐廳之一～ 一碗熱騰騰的豬潤牛米，補充鐵質一流！每次黎我都一定叫豬潤牛米，個豬潤血水湯底雖然諗落唔多乾淨，但就係令人忍唔住一飲再飲，食到咁上下再加辣椒油，正！加埋杯香港味道凍奶茶，店舖格局加香港味道，無得輸！

難得出一轉深水埗 梗係係附近搵食誤打誤撞行咗去維記咖啡粉麵店的門口 見有人龍心諗：應該係人氣食店 "就試一試你啦"，然後就走咗去排隊。叫咗一碗粉＋凍檸茶＋咖央多士飽到飛起今次放棄咗點人氣之選的 "豬潤米" 同 "咖央西多" 就留待下次再試。

維記咖啡粉麵係深水埗黎講一定係最出名既店舖之一，三間店連埋一齊都大排長龍。雖然大熱天時，但仍然都好多人排多等，就知真係實力表現，名聲在外，實力在內。差唔多20分鐘左右有得入座，係星期六中午時段多人食野既時間黎講都算快，一入到去坐底阿姐已經問你想食乜，所以最好入去前好諗定食乜野，咁黎到有兩樣野係必食，就係湯米或湯麵同咖央多士。所以都唔係好洗諗一黎到就叫左個餐牛米同咖央多士，上餐速度都好快，一叫完5分鐘就已經上到野食，雖然係牛肉米但湯底係依到既豬潤湯底，老人家成日話豬潤煮出黎水非常補，對氣虛血弱既人非常補，如果成日流鼻血既可以多食，細個成日食，食我多真係有成效，流血都流少左。咖央多士都係別出風格，有甜味同食到有小小蛋香味，鐘意食西多既又可以選擇叫咖央西多士一樣咁出色，兩個人食埋單都係1百蚊左右，非常抵食。

好耐冇去過深水埗食飯，真心話如果星期六、日我真係吾會去，因為實在太多人了！今日見疫情好轉，吾煮飯仔，出去幫襯下D小店，平日人小D，食得安心啲！去咗維記食出名嘅豬潤牛肉米，仲要黎碟咖央多士，減肥都吾理得甘多⋯⋯豬潤牛肉米真係好大碗，好足料架，D豬潤煮到剛剛好，吾會熟得滯又唔漏，因為有啲薑絲辣辣地，好正！配埋杯凍檸樂，滿足到不得了！咖央多士中規中矩，可能我情繫馬來西亞嘅習慣，所以我略嫌不夠甜，如果以普通多士來講就ok架！凍茶蜜真係有啲淡冇麥味，不過今餐都算吾錯，兩個人$80蚊左右，大滿足走！

來到深水涉，點可以不來老字號 - 維記咖啡粉麵 。維記在同一條街有三間分店，其中一間裝修較陳舊、相信就是老字號的第一店。這裡雖然沒有套餐，但係好食又點會介意。豬膶麵 - $32/ 熱咖啡 - $14豬膶麵 來到時還是熱盪盪，豬膶份量頗多，而且火候控制得剛剛好；不論麵質及豬膶，都不會過老或太韌，而且薑味濃厚，完全無腥味，亦不會過咸。平常不會喝湯的我，都把整碗湯在不知不覺間喝完了(而且有點不夠喉)。熱咖啡口感順滑，但啡底濃厚，回甘味重，餘韻悠長。

已經好耐冇來食麵，原因係覺得佢哋嘅水準下降了。今日行過見排隊人龍唔長所以又再來一食一次，但因為有限聚令，令排隊時間加長了差不多等了三十多分鐘。豬膶牛肉公仔麵跟凍檸樂(樽裝可口可樂)豬膶牛肉米粉跟啡走今日兩碗粉麵的水準好好，湯底好甜。豬膶同牛肉都唔鞋口，豬膶片片都切得薄薄，中間夾雜著一粒粒的薑粒用來癖去內臟腥味👍🏼👍🏼 希望他們可以繼續保持質素，不辜負街坊及捧場客的所望。

始創於1957年，屹立深水埗六十餘年，由街邊坐位到連環三間舖， 要數深水埗老牌食肆，不可不提。老牌冰室格局食麵、食多士、飲港式咖啡和奶茶，招牌《豬潤》緊係唔少得。牆上清楚掛起價目表。自製咖央，當年特首至愛。鮮灼豬潤大江麵加荷包蛋-豬潤生熟程度要掌握得很好，維記用新鮮豬潤，但切得不夠厚身，日賣千碗工多藝熟，煮起咬上口亦不覺嚡口，煎蛋講明要荷包蛋生蛋黃，到最後都係比較熟。豬潤牛肉米- 米粉還算爽口，豬潤同上，牛肉一般僅合格，起曬泡嘅血水滾湯，都係特色之一。😅自製咖央多-味道算唔錯，可惜是普通薄麵包，多士烘得不夠香脆，咖央醬搽得不夠均勻。『 一份懷舊嘅味道嘅感情，我幾時都咁講，唔係咁容易就取替得到；但係食店出名咗之後，冇咗對原本食物嘅要求，咁懷緬機會就會越來越少，所以呢幾年都去少咗，希望下次會好啲。』～～～～～～～～～～～～～～～～～～～～～～～食物賣相＝(滿分20) 10食物味道＝(滿分20) 15服務質素＝(滿分20) 14裝修整潔＝(滿分20) 14性價比率＝(滿分10) 7回頭指數＝(滿分10) 8總評分 ＝(滿分100) 68分

一講深水埗就會諗起豬潤麵，即使開多兩間分店喺隔離仍然坐無虛席要排長龍，其受歡迎程度由此可見。豬膶麵 ($32)豬膶份量多，火候控制得好，唔會又老又韌，而且完全無腥味。熱辣辣，不停出緊煙，麵質軟腍，不過係我鍾意食嘅質地，如果鍾意食生啲記得落單時講啦！咖央多士 ($13)除咗豬潤麵出名之外，咖央西多士係另一個名物！不過我自己就鍾意食多士，每次嚟都必食。咖央醬搽得唔夠均勻，不過份量都算多，入口香甜，略嫌多士有啲乾身，但勝在價錢親民！熱咖啡 ($14)口感順滑，但味道有啲澀。