緣來素食 (已結業)

因年年中秋節都是出外面大魚大肉,所以今年中秋節決定搞搞新意思....食素..因樓下新開左一間緣來素食,是一間新潮的素食店,見門面裝修及食物相片都好吸引,而且有中秋節訂購盆棻優惠,有優惠喎!當然要試下啦!盆菜到手,嘩......唔知仲以為係堅野,像真度極高,有驚喜!!盆菜有素鮑魚,大蝦,海參,帶子,雞,鴨,髮棻,花菇,西蘭花,什菇,什棻,蘿蔔.......等等,味道相當不錯,當晚各人都食得好開心以後多了個開飯地點

今天是爸爸的農曆生日，一家人出外吃頓豐富的晚餐。這是店中的招牌菜式之一 — 原隻南瓜黑松露菌芝士焗飯。看它汁好像很多，但其實內裡的飯很乾身。我反而希望芝士汁多一點。另一個招牌菜是這碟鮮雜果咕嚕肉。我覺得雜果太多，咕嚕肉少了點。不過，咕嚕肉不錯，外皮還是脆的！這是龍眼肉杞子白果浸時菜。時菜是紹菜。還有腐竹，不過有點酸。這道菜式很清甜。這是香葉肉碎海鮮豆腐煲。很突出的泰國香葉味。但豆腐不多，而且煮至不完整。最後有糖水奉送 — 綠豆沙。還加入大大粒的西米。甜度適中。我喜歡這樣的西米攙進綠豆沙中，因為西米比較軟綿綿，如果只吃西米便沒有口感。是次晚餐共花費了$286。雖然在元朗來說好像貴了點。但跟旺角的大自然、常悅來比較是差不多的。回家還快哩！

今日同兩個朋友唔知食乜好,行過見到有素食鋪,見佢門口咁靚,所以入去一試....入到店內地方唔算大有三張圓桌及幾張二人桌!我地叫左: 1)羊肉串~~~羊肉串簡直同真既沙嗲串燒無分別!勁好味! 2)北京片皮鴨~~~片皮鴨跟青瓜再加好似曼頭既包夾在一齊好好食!店員好親切同我講尼D唔係叫曼頭係叫掛包...掛包,好鬆軟好好味...比起平時D片皮鴨D薄片好食好多...正 3)蕃茄炸豬扒烏冬~~~蕃茄味好濃....最勁係塊豬扒做到好真,味道同真豬扒一樣,不旦味道似連肉質都好似...勁... 同朋友食完尼三款菜色,真係懷疑係唔係齋黎嫁....真係同食肉無分別,唔怪得宜家咁多人轉食齋喇~~~環境好靚好舒適,食物賣相好吸引,味道同真既肉無分別,值得再去試其他食物。

我一向不中意吃齋,不過朋友話見到雜誌介紹好想食，咪特登入元朗試下囉，順便去B仔食吓甜品。我地五個人，六点零嚟到，唔使等位，地方細，但几乾淨，一坐低，沖壺玄米茶飲吓，幾好飲喎，再比碟番茄仔你食，番茄仔加咗少少糖落去，酸酸甜甜，好開胃，前菜至啱。咕嚕肉：我不嬲唔食豬既，但係食齋既咕嚕肉都係齋嚟啫，咪試下囉，平時d咕嚕肉只係得波蘿一種生菓，但係呢個加埋火龍菓、啤梨，幾有心思，舊咕嚕肉朋友話好似豬味，我點知似唔似啫，我唔食豬既，但係好味，唔知用咩整既呢?原隻南瓜黑松露焗飯：同雜誌影既一樣，無點當喎，個飯都幾大，我諗夠三至四人食既，d汁多到瀉la，有無黑松露味我都係唔知，都未食過黑松露，但好濃既芝士味。黑椒牛柳：係用猴頭菇整既，估唔到猴頭菇可以甘食發，我以為淨係用嚟煲湯，原來用嚟煮餸，都可以甘好食。串燒羊肉：用左d紅蘿白鱼仔伴碟，又係有心思。好香，真係似串燒d味，我又係唔食羊既，都係唔知羊係咩味，不過食落既質感同埋個味，同真既肉係無分別。薑絲炒番薯葉：最後一樣餸，清清地，番薯葉唔係好多地方有得食，幾好。食完個侍應拎左五碗木瓜雪耳糖水嚟，頂、送都係甘話呀，好食都係甘話呀，諗住去B仔食糖水

呢間鋪開左張大約兩個多星期, 之前都一直想去試下。今次終於都有機會。鋪內唔算好大, 所以都要等一陣先有位, 而多人的話, 就會難坐d, 因為最大的圓枱, 都只可以坐6-7個人。由於都是新店, 所以環境地方及餐具都很乾淨。而全店都只提供玄米茶。食物方面, 算是不錯的。味道及賣相都幾好。晚餐都有套餐可以選擇, 分別有2人, 4人及6人, 款式是根據套餐的餐牌自由選擇的。有小食, 素翅及小菜。今次一行5人, 就點左一個2人套餐, 另外再叫套餐以外其他菜式。原隻南瓜焗飯, 可能係比較特別, 所以都有好多人點了。但我覺得味道比較淡, 只食到南瓜的味, 炒飯就無乜味。另外, 反而覺得最好的, 係最尾送的糖水 - 腰果餬。原先是送綠豆沙的, 咁啱送完, 就轉送腰果餬。味道不太甜, 而且很香, 不比其他糖水鋪差, 返而還要好。下次都要去再試下其他菜式。

前日入元朗探屋企人,母親大人話開咗間新齋舖,我哋就去試吓喇.....唔去都唔知,原來而家啲齋係咁得意,咩都有得食,我哋一行五人叫咗刺身拼盤:啲刺身個賣相同色澤像真度好高,點豉油同wasabi食好似,連唔食生嘢嘅老豆都啱食北京片皮鴨:喱個跟6個包,熱辣辣好味~羊肉串:一上枱就聞到好香,上面淋咗沙爹汁,唔辣嘅,甜甜地,個個都話正咕嚕肉:老豆話好似肉,原來係猴頭菇,個甜酸汁教得唔錯,我鐘意,好過食真嗰啲咁肥膩呀~芋頭魚:我冇食,阿妹話OK~薑粒炒蕃薯苗:菜一碟,冇影相,但都好食,唔油~黑松露南瓜焗飯:見到menu張相好靚,即叫,個汁好味,南瓜好甜,一定要試~整體感覺幾好,會再去,仲有好多嘢想試吓~