緣味小聚 (金百利廣場) (已結業)

平時都好少出銅鑼灣，一棟一棟大廈太多嘢食，都唔知點揀好🤪🤪🤪行到腳都累，有兩位地膽嘅朋友同我講銅鑼灣其實都好多海鮮正喎，我梗係想食啦，跟住佢哋就帶我喺金百利搵到一間平民化嘅選擇😁😁😁我表明心跡係想要大眾化口味，唔好太貴，佢哋就帶我去呢間，上到去見到好多套餐，後期佢就精選同我揀咗一個鮑魚海鮮餐！價錢$268海鮮款式大概有：鮑魚帶子聖子龍躉大蜆沙白蝦另外仲有點心同埋一啲蔬菜類係任食🥬當然仲有肥牛肉啦🤭還有一個燉湯，同埋自選八寶飯

海鮮一直係我至愛，見網上介紹這間蒸海鮮set 唔錯，就來試下晚市！位於銅鑼灣中心，地點係幾方便既！店裡間格就是一般的長枱格局，方便移動！套餐都多選擇，但都係以蒸海鮮為主，分別在價錢平貴就是有龍蝦，或鮑魚等既配搭。我們點了鮑魚套餐$268/位有鮑魚、蟶子、大帶子、龍躉粒、蝦、花甲、蛤等等。種類真係唔錯除了蒸海鮮，還有原盅燉湯自選8寶飯，幾特別好豐盛啊！茶介每位$20可加錢升級做任飲，任飲既飲品就是平常的任食飲料差不多

星期三去試下$268/1位，海鮮清甜，有龍虾，鮑魚，帶子，海虾，花甲，粥要煲耐D，加埋走地鷄非常不錯，加$38元任食，牛肉一般，過得去，點心雖然得潮洲粉果，义燒包，奶皇包，但頂下肚都OK，最好味係甜品，有紫薯包，黑金流沙包，桂花凍粉，😋😋😋

食物一般，流沙包同合桃包流心都唔錯。一入去見到繁忙時段都得一、兩枱，但趕時間唯有試下。啲卡位連細細粒嘅我都覺得好迫，幾辛苦。😱問題多多1️⃣店員聲稱唔少回本食物都無貨。無陳村粉、無蒸蝦飯、連蟹都無 轉左唔同價嘅元貝，不過我都算了。2️⃣叫左蒸蝦飯，龍躉飯各一，結果2 碗龍躉飯，幾乎全部係骨。應該叫龍躉骨飯。3️⃣我哋2 人食量唔係小鳥胃，店員就黑口黑面話食得曬先好叫，好似唔想俾我哋食，怕維唔到本，咁就佢應該唔叫任食，改做定食啦！咁都算啦。4️⃣佢罵我哋浪費，其實啲肉剩番啲骨同少少皮，何況佢本身無乜肉。 唔通要食埋骨？🧐啲雞未熟，佢就話無問題，係咁嘅色。5️⃣朋友食飯好飽，飯粒只剩番一兩口🙈，店員又態度好差咁話未食晒無得扣錢，仲話啲米好貴。（注：店舖要無浪費食物先會扣$20，平時啲餐廳係以100g 為標準，呢度定義含糊）結果我朋友夾硬食埋佢。✅當然我唔鼓勵大家浪費食物😌相反，老闆娘對四人家庭態度好好，限聚令下佢哋食得一個鐘，叫最貴嘅餐，又加埋$20 飲品。小朋友唔太食嘢，老闆娘就賺到笑。佢見客飲左一啖飲品，都主動叫客戶可以拎走，仲好好傾計同服務。‼️簡單啲 有錢賺嘅生意就好好招呼，正常2 人食任食，佢就蝕本，

首先入到黎店舖環境非常狹窄地下...非常之濕滑😂😂感覺很差，明明book咗位😡差唔多都要等咗一個鐘先坐得...招呼很差...個場好細迫得好緊要得好緊要全程唔得閒招呼你😅雖然佢枱面有個計時器但係都要自己望住職員都唔得閒理你枱面油淋淋😩😩😩😩😩😩牛頸脊不得了 我都唔知食緊乜un 到阿媽都唔認得😂😂你唔講我都唔知原來係牛頸脊街市凍肉舖平平哋肥牛都好食過佢😩海鮮屬於OK正正常常...有鮑魚有蜆有蟶子有龍躉正常都新鮮燉湯全屬味精一味死咸完全唔好飲第一次蒸海鮮體驗完全俾佢幻滅晒😭冇下次

約了朋友去食蒸海鮮, 估唔到都幾有驚喜! 本身以為二百幾蚊的海鮮麻麻地, 估唔到係咁新鮮同多款式的, 加1蚊仲可以多半隻蟹, 我去買海鮮的材料錢都可能已經要一半以上, 依家仲有其他任食食物, 又有專人海海鮮, 幫我蒸, 幫我洗碗洗碟, 有時真係出街食好過自己攪!!燉湯拎出來時是燙手的, 有蟲草花又有雞腳, 燉到出晒味, 好滋補!海鮮要新鮮先可以有個鮮味! 鮑魚仲識動, 蒸出來什麼也不用加, 直接食它的鮮甜!蟶子好大隻, 清潔得好乾淨, 沒有沙的 雖然我分唔出其他蜆的品種, 不過隻隻都好大粒!!蟹內有蟹膏, 秋天蟹好肥美, 連它的手手腳腳都啖啖肉!更有驚喜的是八寶飯、肥牛同牛丸。八寶飯要了職員推薦的配料, 蒸完充滿蠟肉的香味!飯粒粒分明, 乾身的!絕對夠晒飽!!

今晚同班朋友去左食蒸氣海鮮鍋，咁朋友簡左呢間，入到去見到好爆場，都要等左陣🙊揀咗一個套餐，首先佢嚟咗每人一中蟲草花雞腳湯好飲又夠滋補😋無味精的味道正喔裏面就包含好多唔同嘅海鮮有鮑魚、帶子、大硯、聖子王、花蛤、海鮮等等，海鮮樣樣都好新鮮而且有專人教我哋點樣整，😋最鍾意係食佢嘅鮑魚好新鮮同埋好大隻😋另外佢仲有無限任食牛小排👍店舖裏面仲有一個八寶飯超好食勁多唔同配料😋呢個季節食臘腸飯好滿足👍

店內的所有海鮮都好新鮮，個人特別喜歡龍蝦，鮑魚，貝殼類海鮮，由店員親自煮，時間火喉剛剛好，店員們的服務態度更是十分讚八寶飯可以自選配料，好好味燉湯養生，甜品亦有很多選擇，夠哂誠意

朋友推介下試吓呢間蒸氣火鍋，一向對蒸氣火鍋感覺一般，怕海鮮唔新鮮，又怕環境污糟，但今次完全顛覆左我呢個感覺！為免人太多，下午兩點零就到餐廳，環境不太大但都有幾枱食客，完來除咗火鍋仲有點心食。我哋叫咗$318個豪華龍蝦餐🦞有8款海鮮+牛肉+八寶飯，份量好似不太多，其實係一定夠飽！全部海鮮都真係好新鮮，好生猛，鮑魚仲識郁！店員會幫你計時去蒸，夾埋俾你，所以去到只係負責食就OK😂壓軸個八寶蒸飯都係重點，可以任選8樣配料，蒸完個飯好入味！食完其實都9成飽，但又想試下點心，就叫咗個蝦餃+黑糖糕試下，竟然好有驚喜！下次可試下叫點心！

這家店宰用openrice 優惠券的客人，店家有至少两个menu，掛在牆上的比寫在紙上的幾乎同樣菜品價格卻相差了一倍！非常不老實。牆上的菜單即便用Openrice五折後還比實際價格貴一倍。我來的前兩次服務員都先拿走桌上菜單，只給我看牆上的菜單，第三次他們在忙我便直接入座才發現他們真實的午餐菜單（如圖）。店家被揭穿後先是敷衍，說這次給我用真實菜單的價格。結果時帳單又比實際多了幾十蚊，茶位費更是收了雙倍。我再次當其他客人的面說他們宰客，這次女老闆惱羞成怒，大聲說是我自己點的牆上套餐（也就是間接承認牆上套餐是宰客的），叫我不要再來（確實不會再來）。希望大家引以為鑑，不要讓劣幣逐良。也希望openrice可以篩選合作店家，疫情下淨化香港餐飲業。

以前食過好新鮮...見近日佢地在openrice搞優惠差不多都半價了..再去食下..𢵧左488餐..食海鮮飲啤酒...計賣優惠...差不多每人350左右海鮮好新鮮....疫清期間..唔夠膽食熱氣野同賣打邊爐...有少少喉嚨痛就疑神疑鬼....食蒸氣火鍋就啱晒..都係蒸...有一隻冇開到..佢地會換返隻新的給我們..唔洗擔心食到不好的......最後有個八寶飯..自己𢵧八樣野...必𢵧柞菜...飯好正了.....

今日又經過金百利，睇吓派傳單嘅哥哥姐姐有咩好介紹先！見到呢間食蒸汽鍋嘅餐廳幾抵食，一於試吓！套餐有蜆、海蝦、鮑魚仔，海鮮份量唔算好多，但勝在每樣都好新鮮，啲蜆喺蒸氣鍋上面卜卜聲咁打開，滿足視覺效果得嚟又保留到佢嘅鮮味，推介！跟餐嘅點心拼盤都幾吸引，有粉果、鬆軟馬拉糕同煙韌嘅椰汁糕，味道唔錯！最後就係呢個豬頸肉荷葉飯，食落陣陣荷葉香味都幾有特色！總結一個價錢可以試到咁多款嘢食，有齊海鮮、點心、湯同飯，啱晒選擇困難症嘅朋友

假日遇上遊行，order外賣自取返屋企慢慢嘆，d女喜歡食海鮮，於是試吓呢間，叫左蒜茸蝦蒸飯，d蝦算新鮮，蒜味香濃，龍蝦亦好好味，一人午市套餐五十幾蚊又有幾件點心又有蒸飯又有上湯菜，大件夾抵食仲好好味😋😋😋！點心全部即叫即蒸！意外發現原來堂食仲抵，選擇又多，如果平日係附近返工，中午去開飯係一個非常好選擇！中午蒸氣鍋百幾蚊有埋龍蝦食，真係要搵日試吓

今日同女友跑完步之後去食這間蒸籠海鮮的餐廳。之前都食過兩三次。今次去食是因為喜歡他的龍蝦。佢啲龍蝦都好生猛。上一次太細隻今次就叫佢比大隻啲咁店主都俾咗。我哋食佢嘅龍蝦set，原價三百幾但係9:30後唔知有折定咩。係可以平啲。其實食完半隻龍食完半隻龍蝦已經有50%飽。之後仲有帶子蟶子等等的海鮮。味道都不錯。最後就會有一個蒸飯，我知其他蒸氣火鍋是粥底。埋單每人三百幾，比我之前貴左六七十。因為佢嗰啲咩漿料費，+1按原價。覺得不如你一口價啦。只係賬單太過麻煩。但味道就不錯。

部門同事提議去飲茶，大家可以一齊聚下餐，成team都好耐無一齊食過飯啦。時間倉促所以好多地方都無位，咁啱有同事記得呢間主打蒸氣鍋餐廳嘅午市時段，係有供應點心，好彩仲有位，我地就即刻去咗飲茶啦。蟹子燒賣皇 - 有頗多蝦肉嘅燒賣，口感紮實蛋黃包 - 入面奶黃餡都算多，奶黃香味唔錯，如果有流沙包仲正椒鹽魷魚鬚 - 炸物香口惹味，椒鹽味咸香，魷魚鬚爽口，好快就俾大家清碟咸水角 - 軟皮煙韌，內邊鹹鹹香香，咸水角係會令人耐不耐就想食其餘點心叉燒包、鳳爪、蒸排骨都幾好。整體上點心選擇唔算好多，不過水準都唔錯。