緯驊藝廚

營業中

休息中

上星期經過毅力十樓見到呢間小店，看看OpenRice 嘅點評已經係2022年，咁耐都唔執係咪有d料到？信人不如信自己，今天黎試左個三餸酸辣湯米線（貢丸、香茅魚餅和魚片），個酸辣湯好得，我本身好怕酸，但個湯底唔會太酸，又唔會太辣，適合香港人口味，米線軟硬適中，貢丸和香茅魚餅都好食，嫌個魚餅有點太實正，但總體都係好食，都係52蚊！點解會無人點評？係值得支持嘅小店。

返左半日工, 梗係係觀塘順便買埋野食番屋企, 可以休息下.用Openrice 叫外賣有優惠, 又可以唔駛等諗住試下佢個 , 落單果時見好平, $30唔駛, 就順便叫埋啦!去到毅力工業中心要再搭𨋢上去拎住外賣盒上巴士, 香到個個都望住我椒鹽豬扒配蔥花炒飯比想像中細份, 但味道都ok辣冬蔭功蝦球炒意粉最想試, 帶有酸酸辣辣既味道, 好惹味都有幾多蝦球嫁, 份量夠飽肚

如果要介紹打工仔飯堂，我一定介紹緯驊。五六十蚊一個午飯，但料係靚喎！見到佢有做openrice外賣優惠，價錢仲抵。我已經黎過幾次，最值得推介係佢個蘿蔔牛腩。蘿蔔超吸入味，牛腩更加唔使講，件件大舊炆得剛剛好，唔會好硬又唔會太淋。呢個係當日午餐推介，仲送飲品，價錢來講係抵食。另外散叫一個冬陰功蝦球炒意粉。本身呢個冬陰功都幾辣，老闆知我食得辣，仲問我加唔加辣，我當然話好啦😂真係辣得好過癮！呢個我要特推，每次黎我都食呢個，酸辣我唔好，好彩唔太酸，對我黎講啱啱好。呢間餐廳成日做唔同嘅優惠同菜式。最近做緊兩小時火鍋放題，價錢亦幾吸引，二百零蚊兩個鍾。冬天嗰時仲做羊腩煲，買過返屋企過節，好正！建議加佢社交平台留意佢嘅優惠同訂枱試新野。

見OpenRice 做緊外賣自取28 蚊 麻辣豬肚撈米線 仲包埋凍柚子茶， 好似幾吸引，比次機會試一試落單15 分鐘後取 準時上到去已經準備好拎得而且店員仲好好禮貌賣相 冇想像中平時d麻辣甘紅當當， 有青瓜絲+酸菜絲做配菜，食落係暖暖地，並唔係涼拌個隻撈米，有四舊豬肚撈暈食落唔算好辣 如果辣味再多d會更惹味份量對男士黎講可能會較少 但用28 蚊黎講 CP值係極高整體黎講係唔錯 作為觀塘打工仔以後又多一個選擇希望喱間小店係觀塘甘多競爭之下可以撐住本身對米線情有獨鍾，下次會試下其他米線