羅麥記 (東薈城名店倉)

營業中

休息中

係東薈城5樓 11點幾仲有早餐早餐$40幾蚊可接受 都多款式揀番茄豬扒米粉 ($46)包餐包 火腿煎蛋(可以揀腸仔炒蛋個d)再配野飲 黎到份量都幾大碗米粉好大碗 豬扒都好大塊豬扒唔鞋都幾入味 其他正常番茄湯底都唔會好咸另外叫左杯熱咖啡都ok

早餐水準一般，腸仔太乾身無味。米粉質量可以，但湯底淡到無味。 同價錢類型，情願選擇去香港地。起碼份量同埋服務都好好多。樓面有個染金短頭髮個阿姐勁🈚️禮貌，對d客西口西面，命令式咁溝通。語氣勁差，佢係你老細多過你係佢個客。雖然係茶記，唔求五星級服務，基本禮貌都要有掛？個種唯我獨尊態度可以比美九記。餐廳對老人家唔友善。隔離檯老人家唔識QR code落單，直接被無視。要等勁耐同問幾次先有menu同埋有staff落單。

星期日下午食啲嘢之後去睇戲，咁就嚟呢間試吓，一攞飛就入得，場內冇咩人，基本上食物同飲品都ok, 諗住離開前去一去洗手間，點知去完返嚟就見太太企係門口，我問咩事，佢話有職員同佢講用餐時間已完，仲企係旁邊用不友善眼神望住，太太唯有急急離開...枱面仲有嘢未食完...由入場開始都冇人講過有用餐時間，仲要用埋呢啲趕客手段，再好食嘅東西都會立即變成垃圾...

話說在上星期六晚上會去亞博睇演唱會～所以相約友人們打算先喺東涌outlet食個下午茶再入去～記得上年黎食過呢一間嘅瑞士汁雞翼撈公仔麵都唔錯幾好食，今次再去二訪～其實呢一間茶記嘅價錢定位真係一直都幾進取下⋯但味道是可以的。今次就試咗假日常餐～［🍜泡菜雞扒辛辣麵］｜$75（辛辣麵不會不好吃的哈～雞扒很大的一塊）［🐔鹽酥炸雞球 ］｜$48 （加配價）（炸雞球吃得出是番炸不是新鮮炸⋯）［🍹凍檸茶］ ｜$6 （加配價） （熱飲就不用加錢）綜合嚟講，其實食物質素方面是尚算可以的～但因為價錢定位CP值實屬很一般⋯如無意外今次之後就不會再回訪了。

紅日黎食嘢，雖然唔洗等太耐，但座位真係比較逼。個濕牛河ok，如果無咁鹹就好。素粉絲就一般般⋯好乾又硬⋯要讚嘅位係奶茶幾好飲！職員服務態度都ok，雖然忙但都應到每台客嘅需要

係 outlets 買完野之後睇呢間係 openrice 評分好高，又近，就去咗呢度食。結果，將我哋兩個人同其他兩個人安排坐係同一張四人台，逼到爆，想傾偈又唔係好好意思，食飯手踭貼手踭，用餐體驗太差。嘢食方面，算可以接受嘅水平，點咗個個炒丁同埋個咖喱飯，我覺得個炒丁還算 OK，咖喱飯我個 friend 話差強人意。食到一半催埋單，（不過唔知道係咪呢度嘅規矩，假如係就當我冇講過），但點講都好，都抵唔個用餐環境本身。

難得嚟東涌，揀啲平時都唔會遇到又唔太貴嘅餐廳，時間關係，結果選擇了呢間餐廳。不過因為一個人食。所以食個普通嘢算，點了常餐。雞翼撈通粉，不過見有得轉公仔麵，就轉了😂瑞士雞翼係正常嘅，好入味。不過撈麵就唔得👎🏻太多汁了，over左，有一刻想同餐廳譩講可唔可以轉，但趕時間放棄了。常餐還有煎蛋同多士，呢兩樣就好正常 無乜特別。另外餐飲點了凍奶茶，唔會太甜，不過就無乜茶味。整體來說，呢個常餐唔值$68。未試過食完會想寫差評⋯無下次

Lunch hour 難得唔使排隊，終於有機會來試一試，聽講佢啲炒公仔麵唔錯港式快餐店形式，飲水落單全自助，不過喺商場收得呢個價錢，都預咗係咁，人手好似嚴重唔夠，不過快食唔緊要啦等咗大約唔使10分鐘，所以嘢食已經上齊個黑松露carbonara 撈公仔麵，雖然知道伏味超級濃，但都想試吓，結果😬😬不過都預咗個焗豬扒飯，豬扒係林嘅，因為用咗爽肉粉，不過就太多汁最好食嘅係炸雞髀撈公仔麵得閒食吓呢啲港式茶餐廳其實都唔錯嘅

今早諗住如果出到市區才食嘢會有點晏，所以決定先去東薈城食少少嘢才返工，因為很久沒去羅茂記食早餐了，印象中是不錯。今天去到，已改了用QR code 落單，但掃了3次都去不到，不是大問題，店員借她的手機給我，終於掃到了。選擇了沙爹牛肉麵套餐，等了一陣，麵到了，麵和牛肉都很少，麵煮得太林，牛肉是不熱的。過了很久，其他配菜和飲品都到，但遲過我到的幾張枱也全部到了，要問他們及過了一陣才到了餐飽和抄蛋，餐飽有點硬，未有飲品真是難入口，抄蛋是可以的，但份量很少。又要再問他們，飲品才到。食物繼繼續續才都，這樣的質素，$46真是有點貴，我在天后食一個同樣的早餐，只要$37，但質素和服務都要好，以後不會再來了。

由於時間緊迫, 要趕去看演唱會, 所以在東薈城隨便選間餐廳用饍, 朋友稱荃灣分店不錯的, 反正我未吃過就儘管一試, 沒想到會是一個錯誤 🫠 餐廳門前非常繽紛, 招牌用一個個燈泡包圍, 十分搶眼!軟殼蟹卡邦尼意粉 $75一上碟看到忌廉像漿糊般杰身已心感不妙, 意粉亳無味道, 而且口中吃到大量碎粉, 多得有點不舒服。 碎粉大概是芝士粉, 說起來也奇怪, 怎麼連芝士粉都沒有味道 😵‍💫 軟殼蟹炸過卻不脆口, 整碟意粉都在水準以下!!羅麥雞翼撈丁 $68另外朋友點了這個, 我吃了一口, 麵質太淋, 由於要加入瑞士汁, 所以本身煮淋了的麵底變得更淋, 師傅應該煮得太久了, 至於瑞士汁則屬正常味道, 未有驚喜 😶這個味道卻座無虛席確實費解 🤨 雖然朋友說荃灣分店不錯, 我已經對此餐廳完全無信心了, 從未吃過如此難吃的卡邦尼意粉, 自己煮的反而更好 😮‍💨

我對這次的用餐體驗感到非常不滿。雞排明顯未熟，而侍應對此問題的反應卻非常不理想。加上carbonara意粉淋上過多的汁水，整個菜餚都變得湿濕濕的，真的讓人失望透頂。儘管菜單上的創意有所吸引，但這樣的食物質素根本不值得這個價錢。這家餐廳以香港情懷為主題，我對他們的管理和對香港懷舊美食的呈現感到非常失望。他們應該更加注重菜品的質量，確保食物的烹調過程達到高標準。同時，服務員應該對客人的反應給予足夠的重視與解決方案。作為一個消費者，我對這樣的體驗感到非常失望和沮喪。我希望餐廳能夠嚴肅對待我的意見，改進他們的食物質量和服務水平。同時，我也希望其他人能夠知道這次的糟糕體驗，避免他們也遇到同樣的問題。下次，我會選擇其他餐廳，尋找更好的食物體驗。對於以香港懷舊美食為主題的餐廳，我希望他們能夠更加專注於保持這份傳統的品質和美味，而不是讓我們感到失望和沮喪。

1.唔抵食： 佢寫常餐，$68一個常餐，原來常餐唔似平時咁，個餐係唔跟蛋同麵包，得一碗野，主食定咗唔可以轉米粉米線通粉，包熱飲但凍飲要加$6… 中環尖沙咀都係+$3 +$4😞2.第一次食雞翼仲有毛，4隻雞翼3隻都有幾條大大條雞毛，係街市買急凍平雞翼都唔會咁大條雞毛啦😞😞大條到跌落湯度3.服務差，明明有位但唔安排入坐，好似唔想招呼人咁，又唔俾餐牌，地方迫都算始終香港租貴，睇返食評先知原來其他香港非打手食客都話服務好差😞4.味道一般無特別，無咩好講未試過咁差嘅冰室茶記，呢間只岩遊客一次性幫襯填飽個肚…點解太古地產會租俾佢趕客…依間餐廳係Citygate入面係平價，但性價比差，寧願俾多少少錢食好d服務好d。

提起outlet，大家一定要諗到喺東薈城嗰度無論係大人細路返工服飾，包包，首飾定係運動，應有盡有想快快填飽個肚，跟住繼續去瘋狂購物㗎呢，依間茶餐廳係一個幾好嘅選擇佢嘅價錢其實同food court差不多，但係真係有人serve，又會包埋嘢飲啦食物選擇方面都有好多，有啲午餐、常餐可以揀粉面小炒呀小食呀都有👍見到menu有一個幾特別㗎呢係磚頭麵包焗飯，個賣相好適合打卡，哈哈哈😆整體嚟講啲位嘅流動性都好高，唔使等好耐就有位我試咗個常餐，雞翼蕃茄濃湯烏冬我覺得幾好，雞翼好林好滑，湯的確係好濃烏冬都OK

今日食評✍🏻羅麥記@東薈城試食指數⭐⭐⭐⭐店舖衛生NA侍應態度NA((每項5⭐️為滿分)) ·外賣點咗1️⃣雞翼撈麵外賣🥡預咗會乾「憎憎」雞翼4隻都係偏乾同硬味道算合格印度撈麵幾本上都冇乜可以出錯2️⃣肉醬意粉咁汁唔夠多撈唔勻啲意粉🍝味道正常兩者都夠熱價格相宜全單加2蚊外賣盒$158·無論大鋪小店我哋都會盡試盡講Follow我哋bw.foodie

今日去咗青衣城試吓羅麥記之前網上食評對佢嘅食評都唔錯 ～.「老干媽牛肉炒河粉」（下午茶 $53 + $3 凍檸茶）乾炒牛河整體都好食嘅唔會話好似有啲餐廳炒完出嚟都係勁濕而且帶有少少辣味都唔錯牛肉食落都淋嘅唔會好韌 （＾_＾）不過唯一美中不足嘅係佢啲河粉有啲會黐埋咗同埋啲汁就唔係幾均勻有啲河粉都上唔到色如果改善埋呢個問題就更好 V(^_^)V.「凍檸茶」佢個茶底唔錯唔會太淡亦都唔會太濃襯埋檸檬一齊都好夾 (*^_^*)