羅麥記 (荃新天地) (已結業)

大半年無嚟食早餐，平時都好小飲熱野尤其奶茶。坦白講方間好多大小茶餐廳既奶茶都麻麻地，茶苦澀，奶同茶比例唔比識欣賞😅。今日食English breakfast食物正常無特別，本人唔算好識評價一杯奶茶點先叫好，但我今日飲呢杯奶茶有廿零年前啱啱跟呀爸呀媽去茶記飲奶茶既味道。第一眼望杯奶茶既顏色比例似番奶茶色，茶有小小甘香味冇苦澀，奶既比例對我嚟講啱啱好，杯奶茶唔會水汪汪，算係香濃，奶既份量適中所以都夠滑身🤤。價錢方面算正常，環境同裝修比起一般茶餐廳一定好，食物方面其實見到有d位置比較用心，明既就明😁。整體評價茶餐廳嚟講算中上，如果我住得近應該會當飯堂😂。

羅麥記的蝦多士絕對是一道令人愛不釋手的美食。蝦肉鮮嫩彈牙，包裹在酥脆的多士外層，每一口都充滿了滿滿的蝦香和口感。多士外層金黃酥脆，內裡柔軟，吃起來既鮮美又有口感。這道蝦多士是一個完美的結合，無論是作為點心還是主菜，都令人回味無窮。無論是外觀還是味道，羅麥記的蝦多士都是一個絕佳的選擇。

一早來到荃新天地, 要食d野, 一入門口見到羅麥記, 心諗點解敢少人, 再去隔離米線陣同大家樂, 都係坐滿人, 唔去大家樂自己拿, 再比較米線陣同依度, 款式佢係多d, 不過價錢偏貴, 一個早餐其實普通款式, 收45元, 確實係少人的主因, 但見米線陣都坐滿人, 未試過羅麥記的早餐, 就入去試一下, 多士都好食, 不過凍左少少, 腸仔都可以, 炒蛋都好嫩滑好好食, 雪菜肉絲米賣相唔錯, 米粉好滑唔碎, 但食完立即好口渴😅飲埋杯奶茶先, 都ok👍但真係貴左d, 我簡唔中就ok, 如果可以的話, 價錢調低少少, 最多40元, 才可吸引荃灣的街坊😅

我們於10/8（四）約早上8:30左右到達餐廳，內𥚃位置多，客人疏疏落落，侍應讓我們隨便坐。我們叫了2個早餐。❶脆脆吉列魚柳 配火腿，炒蛋🍳，多士🍞（$48）：吉列魚柳好熱，切開都冒煙🔥，炸得較深色，多士已經有少少牛油🧈，火腿不熱，應該只係解左凍而已。❷咸牛肉炒蛋麵（$35）：麵係公仔面🍜，咸牛肉炒蛋好細，咸牛肉唔係好多亦冇乜咸味。2個早餐都普普通通，有飲品配，不用加一。食物份量都足夠，但與傳統茶餐廳比，就差一大截了😅

好嬲啊啊啊啊 10:25落單 等到11點都未有 催左一次個職員態度超差 西哂面話不嬲都要等咁耐 熱奶茶比左凍奶茶 野食貴夾唔好食 仲要細份 如果有人想比錢試伏可以黎試試😓🙏🏻

見佢既餐牌幾吸引, 又多款式選擇, 可以一試, 今次試佢既麵包軟殼蟹, , 我覺得同麵包唔係太夾, 食完個蟹就唔想再食個麵包, 麵包又太大個, 甜品係朱古力多士, 多士包住好多朱古力醬味道可以

放工後同家人於荃灣會合到荃新天地，順便於商場內食埋晚飯。家人想食羅麥記，因過往於屯門都有幫襯過，都有啲懷念羅麥記的食品，就決定坐低。叫咗個磚頭焗豬扒飯，豬扒的份量較以前少，而家加埋得番一塊左右。另外汁亦唔夠，食到麵包中間開始好乾，比以前差咗。羅麥汁炒牛河，本身算炒得唔錯，不過發現有好多細細粒的黑點，相信係廚房並無洗過隻鑊，就即刻再用來炒嘢的結果，呢個絕對唔合格。雞翼炸得外脆，不過雞肉淡而無味。蠔油菜心，正常的品質。凍奶茶無茶味，唔合格。晚市都好靜，得幾枱客，除咗商場客流影响外，都要檢討食品的品質。

見到冇人 入去試吓呢間羅麥記 叫咗個肉醬焗飯 跟住好快就到 第一口食落去凍嘅 咁我諗住想投訴㗎啦，跟住諗住食多啖 食中間嗰啲睇下係咪都喺凍 中間位置係有少少暖 有冇搞錯 竟然食一個凍飯😅跟住又驚俾人加料，所以繼續食算數 跟住食食下好鹹 啲肉醬好鹹 食咗兩三啖，根本食唔到落去 直接放棄咗個飯去第二度再食過 大家三思入呢一間羅麥記

睇完重播的電視節目，所以便去買外賣，打開蓋第一眼⋯⋯嘩，啲雞球‘多’到⋯⋯😰嘩，白烚公仔麵？⋯⋯嘩，菜都係無一條！雖然係$58，但都唔係咁嘅貨仔呀！外表唔係太重要，唯有期望味道⋯⋯食咗第一啖，本人對佢啲期望完全幻滅，食第二啖，已經唔想食。腐乳？有腐乳味嗎？食唔到。炸雞，乾柴烈火煮的嗎？汁都唔多滴，唔係新年人多交寒貨嘛？！沒有下次了！😩😩😩😩好失望。

員工自己落錯單仲要個大家姐走過嚟凶人，我叫鐵板餐改碟上轉頭冇碟上，仲要將板餐放埋一邊盛涼，最後個亞姐話啲薯條冧晒唔好食！比埋隻碟我自己轉！😡啲員工整完垃圾隻手套又唔換轉頭又拎餐比客人🙄

晚餐想簡單啲但又好肚餓，就住家啲叫個咸蛋蒸肉餅送下飯。喜出望外，個肉餅色香味俱全，食得出係用新鮮豬肉，有肉汁，又彈牙，豉油汁咸甜平衡得好好，係咸蛋有少少硬不過可接受。肉餅，I will be back!

龍蝦汁蝦球焗飯 $55醬汁不太濃味但焗的時間似乎不夠， 一點也不焦香，有欠焗飯的風範至於它的炒飯底夠乾身， 也有鑊氣雖蛋味飯香欠奉，飯也沒有口感但相比坊間不少餐廳， 已經做得不錯蝦仁只有3 隻，沒有味道， 彈牙炸雞髀薯條 $50雞髀是生炸雞髀炸得不錯算不錯， 香脆不淋油有肉汁， 不乾不柴不嚡中間有點不太熟？有醃製過， 但不太鹹薯條是茶餐廳厚切薯條略嫌炸得不夠脆好在不會太油膩可惜是索價太高， 不值再試肉片炒河$50肉片算多調味適中炒河不會太鹹有少少油膩最後這杯跟餐加了$18的特飲紅豆奶茶（少甜）正常有茶味奶味而羅麥記的紅豆奶茶內的紅豆除了綿密的紅豆粒外還加入了紅豆蓉冰但沒有太特別，紅豆也沒特別香

羅麥炒飯食得出既有飯，生菜絲，豬肉碎，銀魚仔，蛋絲，蔥花午市可獲贈熱飲一杯參考香港炒飯關注組炒飯質素▪色(賣相) : good▪香(氣味) : so so▪味(味道) : ok▪形(裝飾) : ok▪養(健康) : ok▪價格 : $68▪總分: 68

今日走咗去荃灣，平時我好少去荃灣，難得去到當然又要去搵啲特別嘢食啦。而家有得食炒一丁嘅茶餐廳真係買少見少，見到羅麥記有，就即刻衝入去一試。餐牌有幾種炒一丁選擇，最後我決定要豬扒一丁配凍齋啡。乾炒豬扒一丁 $42，凍飲加$3豬扒真心唔錯，軟硬適中。最驚喜係個炒一丁，好耐冇食過，水準同我以前喺銀龍食嘅一樣冇變過。因為我係下午茶時間去，座位好闊落，坐得好舒服。我知道羅麥記中環都有分店，搵日Lunch time又再走去試吓先👍🏻

如果想食高質嘅港式早餐，呢度係你嘅選擇。見到隔離米線陣同大家樂都坐滿人，疫情期間仍然希望可以同其他人有少少社交距離，所以一心就去食羅麥記。港式早餐每份$42，價錢同鄰舖有距離，我原先諗住係分別在於有少少私人空間。所以無人帶位，無人招呼亦問題不大。老實講，樓面人手真係少得可憐，同隔離大家樂差不多。但呢到樓面要一腳踢負責落單，派餐仲做埋清潔🧹。真係唔敢要求有招呼。等咗好耐終於有樓面得閒幫手落單，食物上檯就好快。質量仲有驚喜😅！炒蛋係澳牛炒滑蛋。仲要明顯分量唔只一隻。落單時可要求蛋嘅熟度，我叫咗反蛋，屋企人要熟蛋。兩碟都忠於要求無走樣。多士邊脆中間軟淋淋，非常之新鮮。沙爹牛算滑溜，雖然有少部份都係咬唔開，但已可收貨。蕃茄餐肉通，餐肉大大粒，大過波子，仲要全部都煎香晒先送湯。呢啲咪叫煮個位都有要求囉檸茶茶底香濃，屋企人飲奶茶，佢話好耐無試過飲到杯咗香濃滑溜嘅奶茶☕️⋯⋯總體而言，性價比高。食物質素高，又夠大份。