影片
以上資料只供參考, 請與餐廳確認詳情
一間好本地嘅點心茶記餐廳除咗點心之外仲有唔同嘅碟頭飯同埋蒸飯選擇幾啱星期日朝頭早食過早飯點心睇下電視嗰啲侍應同老闆娘都幾有禮貌係呀點心選擇唔係太多但係基本嘅例如蝦餃燒賣蒸粉果菜肉餃全部都齊曬最主要就係缺乏啲炸物類似如炸春捲但係本身點心質素都ok除咗點心之外都可以試下佢哋嗰啲咖哩咖哩味道ok但係個分量一定食得你飽肚有一次我哋食到差唔多六點收檔個老闆娘都好好人冇特登催我哋所以我哋都食過六七次同埋個價錢真係好靚仔, 好多時候兩個人食80蚊都搞得掂
繼續閱讀
呢間點心屋睇落比較舊式，但入面咩都有得食，點心又有，飯粉都有，價錢仲十分親民！因為好抵食既關係，我地兩個人都叫左幾多野食😋 （有d掛住食，冇影到相）佢既蒸點本身已蒸好左，不過仍然好熱！ 味道仲好唔錯，大大件！ d排骨飯好香好好食，排骨又滑，飯又香：）大推！呢個春卷勁好食， 又足料！個姐姐好好，本身話賣曬，都即時包俾我地食！每件春卷入面都有三至四粒大蝦，即叫即炸，但感覺又唔會油膩！ 脆卜卜！超推！ 價錢勁抵（雖然唔記得幾錢）！ 哈哈哈街坊小店果然有誠意 ；）
繼續閱讀
以前細個四圍都有大排檔，飲茶唔一定要去酒樓，去大排檔都有一盅兩件細個個陣就唔識欣賞飲茶，淨係鐘意飲朱古力奶。點知人大左竟然自己揾茶飲依家要揾返舊時既味道都要入舊區揾啦，所以今日就同友人黎左土瓜灣揾食十二月天氣凍，一落巴士就望到洋葵樓有間舖頭食點心，渣渣林入去食野先～由細到大都好鐘意食牛肉球，因為我好鐘意食喼汁（鐘意呷醋），同埋又會撈d 芫茜入去，真係好岩我口味！呢度既牛肉球幾錢我就唔記得啦，但係一定唔過廿蚊啦，呢個價錢，呢類舖頭，都唔會對佢有太大既要求但求味道正常，唔係叮叮點心淨係食牛肉球邊夠呢～所以仲有叉燒腸！呢個正呀好好食，雖然d 叉燒分佈得唔算太平均，但係腸粉都算滑，又有米香，加上有調味豉油其實呢d 舖頭都唔會話完全係食味道（當然至少都要正常味道啦）間唔中唔想排隊入茶樓想快食點心，想去d 點心舖嘆下茶，真係幾好既選擇，又有d 風味咁
繼續閱讀
馬頭圍呢一間點心店已經開左好多年，由細細個開始我已經望到佢大（無食過），直到今次因為約左住係附近既朋友出街，但我地兩個去到10點都未食野，所以先係馬頭圍度搵到呢間點心店。Ｄ點心價錢普遍平過酒樓，但份量就大過酒樓既好多，因為我好鍾意食蝦餃同蝦腸，今次竟然去到咁夜都仲有得食雖然我唔排除有機會已經無咁新鮮，但我覺得一分錢一分貨，呢間點心店確實係有呢個價錢既質量既，如果各位食家下次係夜晚既時候仲徘徊係周圍，相信你唔會想去對面既美心（因為都準備關門啦），你可以黎呢間點心店架！
繼續閱讀
如果大家都想尋找兒時點心嘅味道，這間一定可以滿足大家！雞球大包，糯米包，鴨腳扎，春旦燒賣等等…………這些懷舊點心令我一試難忘！！！大家不妨點一盅排骨飯！排骨連飯一起蒸，飯有排骨香！！總結。。美味，懷舊，令我兒時回憶不斷！！！
繼續閱讀