美味香車仔麵

營業中

休息中

車仔麵開到成行成市，而且賣點各有不同，有啲越來越高檔，有時反而懷念啲舊式啲嘅嗱喳麵...大窩口呢間都算係比較街坊，比較舊式。佢冇乜啲誇張嘅選擇，全部都係啲一般嘅配料選擇，例如：豬皮，蘿蔔，豬紅，牛腩之類的～不過加加埋埋都有幾十樣配料可供選擇。我揀咗最愛嘅油麵做底，另外加配了最基本的豬皮，鹵旦，蘿蔔和鷄翼。真心講，味道只是普普通通，冇乜特別，甚至蘿蔔有點點澀味。反而個辣汁有少少驚喜，唔算好辣，但卻很特出，配上湯底即時令整碗麵的味道上昇不少～

最近天氣熱又唔想食飯！我們就order了 3餸1麵食！😄😁只需$46！配米粉、齋麵筋丶墨魚丸、滷肉(豬肉)丶麻油、家傳秘製汁及浙醋!入口味道鲜濃，令人回味無窮！

美味香車仔麵是一道具有濃厚台灣風味的傳統小吃。這道麵食結合了豐富的味道和獨特的口感，成為了台灣街頭美食的代表之一。香車仔麵的湯頭是這道美食的靈魂所在。通常使用豬骨熬煮多個小時，使湯頭濃郁而鮮美。湯底中加入了各種香料和調味料，如蔥、薑和大蒜，營造出細緻的風味。這種湯頭的口感濃郁，帶有微微的甜味，令人回味無窮。配料方面，美味香車仔麵通常使用短粗的麵條，煮熟後筷子能夠輕鬆夾起。麵條彈牙有嚼勁，能夠完美吸附湯汁的滋味。另外，還有豐富的配料，如燙青菜、滷豬肉、蔥花和酸菜等，增添了口感的層次感和豐富度。

之前一直聽人講大窩口有間車仔麵幾好食，而且好似係以前真係車仔檔，後尾生意好咗搬咗入餐廳，聽朋友講好似就係呢間，咁就一於去試吓啦。我叫咗個大滿貫車仔麵，佢有好多唔同嘅餸菜，而且價錢都唔係太貴。我覺得呢間餐廳最抵讚嘅就係佢嘅湯底，夠晒辣而且好夠味。而且食完竟然冇口渴嘅感覺，即係冇用味精啦。呢間餐廳又平又抵食，而且佢嘅職員速度都好快，就算有好多客人，都唔駛等好耐。唔怪得你間餐廳可以有攤檔搬入舖頭啦，而且佢仲開到好夜，啱晒放工返嚟食宵夜。

呢一間車仔麵，平時我會叫豬皮蘿蔔，但係有時想食得清淡啲，就淨係嗌一碗生菜魚肉。生菜魚肉入面都幾足料，魚肉係多過生菜嘅，麻油胡椒醋會有得俾你揀要唔要，咁通常我都要曬嘢，因為要有晒酸辣香先至係稱得上一碗好食嘅生菜魚肉，同埋都好平，所以都好抵食嘅。

依間車仔麵真係我最愛，都識咗佢好多次，每次去都一定叫油面、羅白、牛筋，因為佢個蘿蔔做得好入味，牛筋做到入口即溶，加埋佢嗰個秘製醬汁，次次都食到停唔到口，真心推介。

美味香呢間車仔麵，大窩口居民一定唔陌生，由車仔檔做到堂食。自從幾年前朋友介紹我嚟食過一次之後，遠住喺九龍東嘅我經常都嚟食以前美味香未有fb同openrice時，間唔中已經要排隊⋯我每次嚟都會叫5個餸或以上每種餸分開煮樣樣都好入味，麵條彈牙，配料選擇又多！就算食辣都會食到d餸係咩味，唔係得個辣字。推介配料有以下：冬菇，豬紅（好入味）、蘿蔔（好清甜，有時有根都冇計）、豬大腸（乾淨又惹味）、魚肉（新鮮）、豬皮（乾淨又爽口）⋯仲有極力推薦陳皮魚蛋配惹味辣汁！平時食飽都過嚟吉2串我唔係專業食評家，真心推介先特登上嚟打篇食評支持老闆同員工又nice，對我嚟講係心目中第1嘅車仔麵鍾意食車仔麵嘅人不妨去試吓！