美國燒扒屋 (已結業)

夜晚晚好多餐廳都last order左，得翻呢間未就入左去食！佢d鐵板好平好大份但下午食得太過份所以就叫左d冇甘heavy既野😂⭕️煙三文魚蛋白石鍋炒珍珠飯 $56好大份！好熱辣辣，三文魚算多，但呢個飯係冇汁，所以怕乾既人可能叫鰻線個個會好d😂🙈但overall黎講都唔錯⭕️鰻魚蛋包飯 $58蛋包飯有鰻魚汁撈都幾好味，鰻魚好香又大條，只係差d油香味就滿分！⭕️韓風柚子雪碧 +$10好大杯，柚子料勁多，同雪碧好夾！⭕️忌廉oreo朱古力 +$10又係好大杯，朱古力勁濃郁，忌廉又多，oreo就唔算多，飲到最後先發現😂🙈上菜幾快，侍應好好禮貌！下次要試到佢既鐵板❤️

今日訓到晏一晏，起身想搵野食，突然收到個信息叫我去禾輋拎taobao貨，所以就揸架車去拎順便在禾輋商場食下午茶。泊好車諗住去hsbc ATM 拎錢再食野，去到ATM 見到格離有間餐廳，所以就試試佢。一打開下午茶餐牌，價錢都算合理，18-30蚊不等，叫左幾個餐。可惜等了好耐都未有野食，連飲品都未有。相信水吧都好唔掂，野飲到左又唔記得少甜，侍應仲話都一樣。唉，算吧，試下食物，都可以的，味道唔差，算抵食。如上菜快d仲好。

假日的新城市廣場實在超爆多人，所以拜山過後，慢慢散步到禾輋邨吃下午茶. 見到這間美國燒扒屋都幾多食客，但又不用等位，就進去吃點東西順便休息一下. 下午茶餐都幾便宜，只是$2x-$3x 已包括餐飲，怪不得如此多客人. 芝士忌廉汁美國腸焗雞扒飯 ($30) 媽媽選了焗雞扒飯，賣相都幾好. 可惜飯只是暖暖的，不太好吃. 至於雞扒都幾嫩，如此定價，不能有太高要求. 芝士忌廉汁美國腸焗螺絲粉 ($30) 至於家父則轉配螺絲粉，也可能如此，他的食物是現焗的，辣到燙口喎! 真是好運極了. 熱辣辣的食物才好吃麻! 菠蘿番茄豚肉焗飯 ($32) 由於我不想吃忌廉汁的焗飯，所以選了番茄汁底的豚肉飯. 不過待我爸媽吃飽後，我的焗飯才送到，還要是弄錯了忌廉汁焗飯!!! 又等了好一段時間，我的豚肉飯才送到. 可惜飯也只是暖暖的，想吃熱焗飯的我好失望! 至於菠蘿真是一小件都沒有; 豚肉亦超級韌，好難食的焗飯!! 熱檸水 以一杯消膩的熱檸水作結. 除了平之外，食物都好一般，食一次就夠哂了. 沙田德厚街3號禾輋邨禾輋廣場2樓250號舖 2648 2568

話說今日揀左哩間同屋企人食野，我14:30落單叫左個T22蕃茄湯腸蛋麵+凍0茶，屋企人叫左下午茶焗飯同扒餐15:00佢地兩個餐到齊，我份餐只係有杯凍0茶個麵仲未到於是我叫牙叔幫我跟跟個麵餐，位牙叔話：等等啦！人手唔夠！我都未食飯丫！咁好啦～我繼續等，等到15:30，屋企人果2份餐都食完，我個麵都未到，🉐️杯凍檸茶，埋單既時侯仲要收我凍0茶正價$16大元，我原本order 既下午茶麵餐都只係＄28元凍野加3蚊，以後都唔會再幫襯哩間野！唔洗食都飽曬😡😡😡

新年度度地方都無開門，爸媽又一早出左去，一朝早起身勁肚餓，於是同男朋友揸車去左禾㟦搵食，本來想去有間xx餐室，但因為新年期間無開門，再行前啲見到有間開左，近近地所以入左黎食老實講衛生麻麻，與隔離店中間的鐵網全部都係塵點完餐之後，個店員仲要叫我地自己放番好個餐牌（當下有點想反佢白眼）男友點的是「香煎雞扒蛋包飯意式茄蓉汁」蛋包飯入面啲飯係白飯黎既，個蛋皮有啲薄身，整體都味道唔濃「香煎魚柳配南瓜汁意大利飯」南瓜汁味道唔濃反而牛油味多，而且係燴飯而不是意大利飯，魚柳都煎得唔錯，不過味道唔算好濃味整體都有待改進

是咁的，本人是一名中學生，係學校出嚟食野，唔想食得熱氣，搵嚟搵去，最後同fd決定食依間野，入到去睇都覺得ok，叫左個 咖哩雞扒飯 ，等左陣上菜。一睇， 乃曬野。啲飯好少，唔足夠我本人嘅食量，睇落去啲汁同飯係唔合比例。我比較唔中意依一點。😔😔

周日下午，兩口子隨意找個地方吃午飯。路經 >>>美國燒扒屋<<< ，座位挺多，不用等候，直接入座卡位。 餐牌選項甚多，不止於燒扒。二人決定一嚐久違了的鐵板滋味。 冰選的是香煎鬆軟豬扒拼芝士焗扇貝 (HKD69)，選配薯菜及蒜蓉汁。上菜時，侍應會於食客面前倒入醬汁，請騰空雙手拿起餐紙巾，別只專心打機喲。扇貝已起，方便進食，味道鮮甜，唯煮得略韌。豬扒名副其實鬆軟，份量也足。蒜蓉汁味道不太突出，配在薯菜一同進食還算搭調。如需茄汁，可請侍應送過來，支裝茄汁存於雪櫃中，減少變質機會，與熱騰騰薯條的溫度差也是有趣組合。 男友要了一客珍寶雜扒 (HKD69) ，內有豬扒、雞扒、薄牛扒及法蘭腸。法蘭腸脆皮，咬下去的感覺很好。雞扒尤其嫩滑。 牛扒火侯控制得很好，肉是剛好的熟，實在難得。伴以燒汁食用，份外惹味。 兩杯餐飲均為熱飲。即使已落兩包黃糖，還是蓋不過咖啡苦澀，應該是選材的考慮吧。 沒有加一收費，兩位合共 HKD138，街坊餐廳，親民售價。

今天正正常常去食早餐，呢間野都唔係第一次去。食物都算幾好，價錢味道份量合理，上菜也正常，檸茶茶味都幾濃幾香，都開開心心食完個早餐，頂佢，埋單都會埋到一肚氣。成餐飯64元，3張20蚊，1個2蚊，1個1蚊，剩餘嘅一蚊無一蚊硬幣又費時找錢就用一個5毫，2個2毫，1個1毫埋單，侍應竟然話唔收毫子，仲態度惡劣話街市都唔收(事實係試過係街市用毫子比一蚊人地係收，咪撚大聲兇人啦!)。我以為我地係比左100個2毫去找20蚊定係比左600個1毫去比60蚊，頂佢個肺，無散子至用埋幾個毫子比一蚊係度話唔收仲要比人兇，埋單都要嘈兩句影響心情。重點係毫子都係法定通用貨幣，用毫子比1蚊好正常，2蚊以下拒收好似係犯法!!...唔知係侍應懶處理錢幣定公司條例規定????? 有無搞錯，是但一樣都可以凌駕香港法律架? 自己犯法仲要兇d客，咩世界? 利申：1)成世人食早餐都未被拒收過毫子 2)成世人食早餐都未鬧過人痴線

由於家裡不煮飯，所以每餐都要落街食飯，這間舖一開張時的侍應服務是十分好的，由於禾輋邨真係冇咩選擇，所以開張時經常幫襯，但下午換了員工後， 服務真係差左好多，如果你要落單， 侍應會選擇性失明，個個都唔願做咁，到叫到人落單， 你要預咗俾人黑口黑面(睇到對上個留言，絕對認同)， 所以見到佢哋都唔會再入去幫襯，今個星期見夜更換左人，今個星期入左去３晚，今晚叫左雞扒蛋包飯，凍 檸檬茶，我食完個飯杯凍檸茶未來，味問下個梳 all back頭年紀比較大嘅侍應，佢眼神有火好冇禮貌咁同我講等等la, 跟住見到隔來枱果杯凍檸檬茶到左，我果杯未到，今一個侍應話依杯唔係25號枱ga咩，食物不算差，但 侍應態度真係麻麻，點解我比錢食餐飯要受你餐廳侍應氣lol，唔係禾輋冇選擇，真係唔入來，今時今日咁感謝服務質素，真係冇下次。。

晚餐時段有好多吉位唔駛等兩個人去點左兩個餐雜扒餐同雞扒蛋包飯由於冇晒咖哩汁我覺得個蛋包飯都有D失色雜扒餐算OK價錢對於屋村食客都算合理唯獨人手真係太少一個樓面take care晒全部客人所以客人離座後都清潔唔切點菜，送餐，收錢，收枱全部都做唔切辛苦晒個位哥哥

第一次食飯食到開個帳號來打食評罵人. 如果你想食飯變食"氣"，即管來哩間餐廳一試。保證你可以食到一肚氣。 平時個個待應黑口黑面，叫人落單個個扮睇唔到。如果你好彩兜口兜面載到個待應,咁佢可能都沒得避要招呼你。如果唔係你會發現,明明有3-5 個侍應O係店面, 但沒一個你可以叫到過來。食物上菜速度好難捉摸。時快時好....好...慢.佢夠膽死成個鍾先上到菜俾人。本人係一個半工讀學生。事源我去哩間野食午餐，好難先叫到個侍應埋來落單，其他侍應唔知點解會埋晒頭在一張空桌上,我都唔知佢地搞緊麥。不過算，最後都搵到個落單。 我點左個學生餐，個侍應話有學生証就可以點並要求睇學生証。 OK, 好正常，係應該俾你睇的。俾佢睇完，又問指住個發証日期話張証係15年麥麥物物係上年的咁話。(之前來過好多次都已經俾哩個侍應睇過好多次，都知你地GE Rule係要睇，次次都有俾佢睇) 我話有效期係4年架。佢先走去同我落單。然後個餐到左，佢俾埋張單但竟然沒幫我落學生價。我同佢講落錯左單。佢EE哦哦然後竟然同我講沒得改單。好似唔想幫人落學生餐咁GE樣，個態度又極差。我問點解沒得改，係你地落錯單Woo。 佢話張單唔係佢落。講埋

一大班朋友諗食乜好難，又要呢個喜歡，又要嗰個喜歡，今日我做左俾人遺棄既一群..因為9成朋友都話想食呢間，美國燒扒屋..我記得上次我同Carson一家已經食過，今次睇下有無改善啦！我地一行七個人，12:30已經入座，最後我個飯係1:34先黎..咩事呢究竟？我叫左個芝士忌廉汁焗法蘭克福腸雞扒飯。我都知道要焗..但唔係焗一個鐘卦？而且間餐廳都唔係咁多人..個飯賣相OK，話晒焗左成個鐘！芝士忌廉汁？我只覺得係忌廉汁，完全無芝士feel，忌廉亦偏淡所謂的法蘭克福腸同腸仔差唔多，只係大大條切成一片片，比廚師腸好食..雞扒不過不失啦！上次食時覺得佢地態度唔好，估佢唔到無改善..位位黑口黑面，唔知關唔關呢度無冷氣事？

呢日一試禾輋呢間主打食扒嘅餐廳。餐廳嘅外觀睇落都唔錯，最平嘅忌廉天使麵同蛋包飯4-50蚊左右有交易。既然餐廳名有個扒字，當然要試扒餐啦！本來仲想試埋吉列豬扒芝士忌廉汁天使麵，不過冇供應，所以叫左吉列豬扒蛋包飯。吉列豬扒蛋包飯餐: 我地揀左鮮茄蓉汁。賣相一般啦，塊蛋皮好薄，仲穿左。吉列豬扒得一塊，不過冇骨都算大塊嘅，飯嘅分量都正常。蛋包飯嘅蛋同飯可以話一啲交集都冇，蛋還蛋飯還飯，而且蛋皮係冇蛋味嘅。啲飯好粒粒分明，似係珍珠米但出奇地乾同硬。豬扒感覺唔係幾新鮮，薄薄嘅豬扒顯得炸粉又厚又實，食落好硬又乾。全個蛋包飯最好嘅應該係個汁，真係有啲茄蓉喺入面。雜扒餐: 有牛扒，雞扒，豬扒各一塊，加一條熱狗腸，我地揀左配薯菜同黑椒汁。所有扒都係一般貨色，最好味係條腸。啲扒可能比佳寶燒烤雜扒差少少，冇咩味咁。六十幾蚊當然唔預佢話有幾正，但可以講連鎖快餐店五十幾蚊嘅扒餐係做得好過佢。跟餐羅宋湯同餐包: 睇到羅宋湯好油下，但味道其實現唔差嘅。個包好硬，應該冇加熱又唔新鮮。連餐包呢啲相對容易控制嘅細節位都做唔足…

今日入左沙田搵Carson一家食飯，我契仔半歲大喎，梗係要見下佢啦！Carson話樓下食就算啦，我咁橋想食西餐，就試下呢間啦！因為契仔出門口都需要一段時間，我又早到，所以都坐左一陣，啲Waiter個個眼超超咁，加啲水比我都唔想！可能覺得我霸晒成張枱大佬呀，今晚平日，人唔多，使唔使咁？契仔黎到就喊左一陣，佢媽咪話佢扭眼瞓，啲Waiter個個都黑面咁，2，3個人企埋一齊一邊望我地，一邊細聲講，好似覺得我地好麻煩咁！講返食物，我叫左個"芝士雞扒意粉"，芝士汁超級多，芝士味亦極重，我食左一半已經唔想食，好膩，我覺得個芝士汁直頭多到有啲Over！雞扒算大塊，但雞肉唔夠滑，食上來口感唔好。嚴格來講塊雞扒其實無味，芝士汁還汁，雞還雞咁....Um...無下次

喜歡食牛扒的我知道沙田開了一間名叫美國燒扒屋的餐廳, 急不及待,去試一試我叫的是鐵扒香草西冷, 價錢很屋村(這兒確實是屋村), 才五十多元, 但餐只包湯/沙律/飲品其中一款, 想要晒就要加錢,但今時今日呢個價食到呢d, 真係好抵食!我選了7成熟跟薯菜黑椒汁倒下去沙一聲真心吸引, 薯條是很香,而且是厚砌薯條來, 不過有少少過咸,但美式口味就係咁可惜是砌下去牛扒有點實, 老公那塊5成熟, 見有血水, 但都係實而且沒什麼牛味, 黑椒汁也不夠香! 有少少失望就此, 多謝收看(鞠躬)