美心大酒樓 (已結業)

今次o既食評係對食物不對人...~呢間美心o既服務係咁多間之中最差o既一間...之但係呢到o既蘿蔔糕真係唔錯!出去食蘿蔔糕好少食蒸的...多數都係要煎原因好簡單因為蘿蔔糕o既粘米粉太多如果用蒸o既話會食到成口粉!但係美心o既瑤柱蘿蔔糕係例外~次次黎到美心屬下o既酒樓都會叫蒸蘿蔔糕事因美心o既蘿蔔糕用好少粘米粉唔會食到成口粉~而且蘿蔔清甜~好好味~~~好鐘意食美心o既蘿蔔糕~其他o個d食物水平中上...價錢都係中上....3個人食左7碟野埋單$203..偏貴....

又黎呢到飲茶已經唔知第幾次不過次次都會選一樣新點心黎試下今次就試左個糯米卷一籠有4小隻簿簿的皮包住一舊糯米飯糯米飯裡面有肉、花生味道甜甜地~唔太油~份量o岩o岩好~唔似出面其他酒樓咁食一舊就飽哂...唔錯唔錯~下次再試其他野!

美心...今日黎叫左灼柏葉魷魚...裡頭有生菜..~賣相好好!食菜...夾住條菜唔覺意隻眼望到...棵菜上面有條細蟲....算啦..一條兩條難免...但係!!!夾第二條菜o既時候!!!居然發現條菜上面有2條蟲!!!係一棵菜上面有2條蟲!!!!!乜野事!??!!??!?!??點解會咁!!!好嘔心!!!!!!!!!!!!!!!唔得唔得!!!!冇哂胃口!!!!好核突呀!!!!!!!!!!!!!!!!!!!!!!!!唔通咁樣先表現到d菜好fresh?!!?!!?有冇洗菜!?!?!!?!?!?!?!!!!!

今次去到~發現有新氣象!唔知佢係咪收到投訴定係經理有慧眼~推馬拉糕o個位冇禮貌呀嬸居然唔見左!換左人!服務即刻大有改進!!~食得開心~~今次黎試左雷沙湯丸!驚喜之作~裡面有好多芝麻~而且彈牙!~very good!!~~下次希望可以再食!!

有問題...係同一位阿嬸...請各位黎到呢到記住o個位戴眼鏡略肥矮的阿嬸我唔係刻意針對佢但係次次黎到都係佢有問題...今次連我母親大人都睇唔過眼話左佢幾句事緣:佢推住架點心車(椰汁馬豆糕、三色糕etc.)點心車母親大人想食馬豆糕於是舉手示意+略大聲:「馬豆糕」o係呢一刻o個位阿嬸距離我地只有半張細(木台)的距離但係呢位阿嬸居然無反應唔只係咁..佢推車o既speed係完全冇心俾客人叫野食速度比平時行路仲要快...試問邊有人咁推點心車??過份...!

又黎左呢到飲茶...食物方面唔駛多講...~高質素~特別係次次黎都叫o既:豆苗鮮蝦餃煎蘿蔔&馬蹄糕三色糕唯一美中不足都係推點心o個d阿嬸「口水多過茶」傾計傾到連客人叫佢都聽唔到照o係到傾傾傾....當客人透明....真係好過份....美心服務...估唔到搞成咁....唉~形象盡毀!

美心一直以來服務都唔錯~食物更加唔駛講!但係今日...呢一間野令我對美心o既印象完全改觀!!!!朝早飲茶~大堂冇乜人~推車仔o既阿嬸簡直不知所謂!事件一:兩個推點心車阿嬸並排行!仲要掛住傾計!唔嗌架車有乜野食!可能以為自己行緊街市掛....咁都算...最離譜係佢地兩個以高速行走令客人連點心牌都睇唔到!點叫野食先!?!?事件二:馬拉糕阿嬸發大小姐脾氣!馬拉糕..有人鐘意食邊...有人鐘意食中間o既部份點知阿嬸居然大大聲咁:「點呀..要邊呀?!」咁都得??咩野服務呀??乜美心係咁架咩??完全係浪費食物水準...浪費廚師手勢!!估唔到美心會變到咁o既樣!極度失望.....希望呢個淨係呢間分店o既問題啦....

今日游左過海黎到藍灣呢間美心飲茶其實間間美心都係一樣食咁o既野不過呢間美心勝在少人!咁大間美心得幾張(木台)有人坐~冇乜人黎食~叫左煎堆~呢個唔係太好~唔新鮮...有d「林」三色糕...一般水準~冇驚喜~帶子南瓜腸粉~呢個係極品~味道好好~帶子+南瓜=絕配!馬拉糕~軟綿綿的口感~食落口好soft~~雞包仔~多料~包身軟綿綿~good!3個人食左$150...~美心食野預左比其他酒樓貴少少~不過d野真係好食d~

趁有幾日假期，去拜訪老朋友一家。有時都覺得好奇妙，萍水相逢的認識，年齡的不相稱，不知什麼促使我們成為好好的朋友，感覺更有如一家人。我、老豆、老媽子連同朋友一家，共七人，先在美心飲茶，之後再上佢屋企。我一點鐘到達，人地已經好醒目咁搵定位。坐定定就開始叫野食，點菜當然由主人家發版啦！第一輪先是食點心，燒賣、牛肉燒賣、蝦餃、素菜餃、菲菜餃、珍珠雞、排骨、叉燒腸等。唔知係咪因為推車仔既關係，點心總像不夠熱的。幸好，味道大致上都算唔錯。如今大部份酒樓都係劃點心紙，推車仔已買少見少，雖然食物係整定晒，有d又凍左，但感覺又幾好喎，大既是物以罕為貴擺！一輪點心戰後，來到炒飯。叫左鴛鴦炒飯，一如所料，份量大得很，我只吃了雞絲既一邊，都係醒胃又好味，始終鴛鴦炒飯都係一味我喜歡的食物。最後輪到甜品，一人一盅椰皇燉奶，椰汁幾香，又唔係太甜，但都幾漏。我地呢班甜怪除左食燉奶外，仲點了紅豆沙、豆腐花、木瓜露share食，大致上都唔錯。呢一餐食物唔算好特出，服務也只是一般，不過大家都食得好開心，好滿足。都係個句，唔知點解大家可以好似一家人咁，是上天的欣賜嗎?願大家身體健康!

4/6/2006上午要去出Site,要去柴灣,到了下午2:00pm才吃飯,'老細'請食飯，一定要去飲茶,便去'美心大酒樓'.點心來來去去都是牛肉，燒賣，腸粉。不過，食物&服務不錯。我們的位置是很入的，都有人招呼我們，可能是已過了吃飯時間。値得一提，似乎‘推車仔‘已好少見，但竟在這見到。

趁公假期，便和母親、大、小魔怪來個下午茶聚。由於假期，等了廿分鐘才有位。要了下開點心：燒賣：行貨，不評。菠菜餃：大魔怪讚清新。豬腳薑：母親欽點，豬腳淋，份量足，最後要打包回家。菜肉飽：飽皮幼細。鳳爪：味，有點偏鹹。鴨腳扎：內有蝦、芋頭、魚滑和鴨掌，鴨掌不夠肥美，芋頭無香味。馬拉糕：不夠香滑，太粗。糯米卷：卷皮幼細，餡料甘香。綿花雞：不評，因我祇吃到一件雪雞，其他被三人瓜分，應不俗。蓮蓉西米布甸：不評，因無入口機會，大小魔怪為她展開爭奪戰。香芋凍糕：豐富的人造色素和人造香味。這次因假期，點心價錢需高了些少，但點心源源不絕，我們吃得比較開懷和暢快。

7月19日14:30是日休假，便和母親、大小魔怪到這裡來個中或下午茶。等了十分鐘才入座，開茶後見未有點心咭，便告知亞姐，亞姐竟答：入座時知客已交給你，你再找找看。(她便轉身離去)。再過三分鐘仍未開咭，祇好找另一小妹代辦。要了：鮮竹雞扎、蟹子燒賣、貴妃餃、綿花雞、海鮮扇貝飽(外形像扇貝，內藏雪蝦)、菠菜餃、三星燒賣(蟹柳、冬菇、瑤柱)、粉果、牛腩水晶粉和芒果布甸。所有點心食味一般，但到15:10員工已作出落場準備，巨型吸塵機(幾震撼)、凳子羅漢陣(疊羅漢)陸續出場，同時點心車已失踪。母親至愛馬拉糕，亦無影無踪。

上星期五訂左兩圍同親友慶祝喜事，因為好多親友都住東區，但發覺不來佢既食物真係唔差，好過東海同埋鴻星。（幾個月前向鴻星食左個八人套餐，果隻乳豬懷疑係中豬，而且白晒晒好似冇燒過咁，其他食物都唔係好掂，以後都唔會再去，又貴又唔好食！比十個差佢！）講番美心，食物真係超出理想，雖然住向小西灣咁多年，但平時都係去飲茶多，諗唔到圍菜都整得咁好。乳豬－不過不失啦，但至少冇白晒晒，乳豬皮亦都係脆既碧綠鳯尾蝦球─蝦球勁多每人至少可以分到三四舊，蝦仲係幾大隻添鴛鴦瑤柱脯－瑤柱都好大粒竹笙翅－至少見到ｄ翅，反而東海連條細翅都搵唔到清蒸東星－唔錯，條魚唔覺蒸得老當紅脆皮炸子雞－唔覺得鞋，雖然已經好飽，但都食左三舊炒飯＆伊麵就差少少，伊麵有ｄ硬，可能擺耐左了。最後係壽包！　壽包係似足東海／鴻星果款咁大個（東海好就好在打包壽包會有微波爐膠盒，而美心只要紙盒）食完真係滿足晒。而服務就普通啦，可以係母親節前兩日，都好多人食飯，上菜有少少慢。但整體份量同食物質素都好好。下次都會試其他美心大酒樓。

4月10日，18:30今晚在這裡預祝母親生日。要了下開：清蒸海上鮮：手掌大的立魚，過熟和豉油太咸貴妃雞：火喉剛好，有雞味雞絲羹：有雞絲和海參，濃淡適中。沙嗲牛肉粉絲煲：無時菜打底，師父稍重和太乾身，大魔怪不停加滾水。白焯蝦：份量足，夠鮮甜和大隻。雪菜、甜豆炒花枝：花枝不會過老，雪菜夠味，豆清甜。燒乳鴿：不會滴油，夠酥，嫩口、不會醃過咸。酥炸生蠔：有水準，炸漿完全封住了鮮味，但不會過油。大魔和太座感冒在身仍堅持要，因為她們自己從未成功過。甜品：芒果布丁、焗芒果布丁、三色洋羹，無意見，因無試食。整體食品保持水準，服務有改善，年前試過19:00入坐20分鐘後，仍沒有理會，沒開茶，結果祇有到芳滿樓，後來過節和親友到訪，都選擇芳滿樓或君臨。

因在呢度有個不太愉快的晚飯經歷，所以已不在此開餐，不過今晚卻又幫襯了，為的是那個外賣的焗西米布甸。最近佢地好積極咁打入個外賣市場，直頭好似太興或天下無雙咁在門口有個counter，擺晒各式送菜出來賣，有咖哩牛腩及中式牛柳等，燒味亦當然有，價錢都係廿幾蚊，買兩款仲有得平，唔貴的，實在打救了那班忍受了百住送菜好耐的家庭主婦。尋晚去望過，雖然賣相麻麻地但有人買。我只買了個焗西米布甸，是平日茶市吃到的味道一樣，不過就用焗飯的錫紙盒裝，份量足夠兩個人食，味道當然是有水準，是唯一我還會再吃的美心酒樓食品。除西米布甸外還有凍芒果布甸，但無雪住放在門口賣，雖然有保解紙包住，但叫人怎會有信心買呢？焗西米布甸價錢22蚊，幾便宜，值得一試。