美心皇宮 (德福廣場1期)

營業中

休息中

冲着美心個名氣黎食晚饭，咁啱母亲节忙少少遮，唔使做到赶客吧！三年疫情無去酒楼食晚饭，黎美心皇宫试一下菜，谂住八月帮父亲擺五六圍寿宴，预左到时候食贵啲都捨得，依家可以揾第间。今日点左個套餐，哗！差到呢…個鍋鱼翅臭嘅都夠胆拎出黎比人食，成鍋放响度無人理，又無比碗分，唔紧要你忙我地自己黎，但臭嘅唔食得架，即刻叫伙记换，点知换出来变成已分好碗的，觉得有些古怪，食落去也是淡淡的没味，像沟水再煮，另一碟龍蝦伊面一粒塩都無落，似白煠嘅伊面，带子蝦仁炒西蘭花除左無味，仲系冻的，估计放左好耐無人送出黎，其他菜式勉强接受啦。后面果啲荷葉飯，寿包，糖水三催四请叫左四五次等左超过半個钟终于肯黎，講真，啲菜咁差我地都想食完快啲走，又無服务，隔离有一枱就非常开心，碟碟菜都餐牌都無嘅，两三個经理不停招呼茶水不缺，我地普通市民举手揾人都揾唔到，我地催左幾次寿包嘅时候隔离仲食紧百花齊放咁精彩嘅果盘，佢地食完果盘转头上寿包我地仲响度等紧，大细超？我谂自己友啩！

上次去完旺角某間有點心車嘅傳統酒樓，嗌晒中伏😞朋友即刻諗起德福美心，話呢度都有點心車😂於是約好要來幫襯之後，今日終於來😎九點半左右，朋友好醒目咁係app攞位~結果我地十點到果陣，就有得入座了😏一坐低，已經有staff問飲乜茶🍵坐低睇一睇餐牌，因為係假期，所以價錢都會貴D😣staff開左張卡，就可以搵點心車攞野食~開頭個陣，點心車比較少，同埋唔知點解活動範圍比較細，所以我地要走好遠去攞野食😢直至後期，可能多左員工返工，點心車嘅種類同出沒次數都多左好多😂🐷香芋燒腩卷、🍰南瓜千層糕香芋燒腩卷比較扁身，個包好軟熟😍入面有一小塊🍠芋頭同🐷燒肉~整體感覺一般，純粹因為唔係度度有，所以就叫了😂🍰南瓜千層糕係因為未食過，想試先叫😂叫個陣都唔知係乜，開籠先知原來係呢隻蒸糕🙈有D似馬拉糕，微微南瓜味，唔會好甜😋🦀蟹子燒賣燒賣大大粒，夠晒吸睛😳咬落啖啖肉，唔錯😋🐮柱候牛孖根呢個係其他地方完全未見過😳見幾特別，自己又鍾意食牛筋，就叫了😏牛筋份量多，味道濃，少少辣，又唔會整到好腍，幾好食~下面有幾塊豆卜墊住，索晒D汁，正👍🦐蝦籽扒柚皮呢個純粹見係懷舊野，自己又未食過先叫~但自己真係唔識欣賞😝柚皮係幾索汁嘅~但質

我去到門口拎飛360幾，叫到80幾，我以為係未更新，知客姐姐話網上取票先，我地等左20幾分鐘都唔知佢有點叫飛，太約11點左右，就好多係網上取左飛既人黎到，就係咁入客。之前有咁多空枱，都唔給walk-in 客入，佢給得我地入都飲完一半啦

2023年3月12日 (星期日) 6:00pm 26°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 人數：3人 HK$605 家人於當天利用手機 Apps 訂座，方便快捷！ 不用排隊 菠蘿咕嚕肉 - 肉質肥美，完全無骨，紅椒青椒不辣，菠蘿鮮味，咕嚕醬汁十分濃郁，酸酸甜甜，格外開胃。整體來說，唯獨份量太少了 ~ 鮮檸煎軟雞 - 炸得金黃，香脆肉嫩，每塊皆大件，塗上檸檬汁之後，味道立即昇華，肉質帶出鮮味。整體來說，份量屬於巨無霸！【推介之選】❤❤❤ 招牌客家釀豆腐煲 - 賣相清淡健康，豆腐不散爛，蜆肉不腥臊，魚丸美味，湯底卻濃郁。【推介之選】❤❤❤ 西米栗子焗布丁 - 經典回味，蓮蓉甜美，栗子蓉芳香，配搭西米更相得益彰，而且份量大，足夠 3 - 4 人分享。【推介之選】❤❤❤《 餐 牌 》：【 溫 馨 提 示 】：❶ 接受電話 / 手機 Apps 訂座❷ 另收加一服務費

估唔到美心皇宮仲會有點心車，真係有啲懷舊🤣🤣 亦都要考考我隻手嘅受熱能力🤣 佢有點心紙，但亦有推車仔推車仔就係有人一直將佢推嚟推去，行到你附近你舉手話要佢就會拎俾你🤡 但係今次坐唔到一個有利位置，變咗水尾😗 所以要自己去揾食，咪熱門嘅食物都會無哂😫同埋啲嘢食比我想像中有質素👍🏻腐皮卷、蘿蔔糕、煎釀三寶同埋叉燒腸粉都做得好出色🤡 環境坐得幾舒服，又唔驚俾人趕走，又唔會覺得嘈👍🏻 人生第一次飲早茶🤗 唔錯唔錯🤗

難得早放工，去九龍灣搵食，見佢（美心皇宮）門口無乜人，又唔使等位，入到去仲可以自己揀位坐👍主餐牌上食物唔算多款式，1830入座，都已經有啲小食售罄🤨小食 椒鹽豆腐粒 $55，香脆😊可一試🉑廚師推介香辣鮑魚雞煲 $198，偏鹹，雞肉鞋 😣咪嘥錢🈲傳統燒味乳豬¼隻 $210 (要求要瘦啲)皮脆肉嫩 😍極推薦海鮮貴妃脆蝦球 $148，芒果蛋黃醬偏甜 🙂不太差🈴經典甜品巧手千層芝麻糕 $38，甜，無乜芝麻味 😑麻麻地🆖香醇陳皮紅豆沙 $29，少少陳皮味，偏甜 😑麻麻地🆖係坐得舒服嘅，不過食物一般，價錢偏貴🤑

今日星期日又諗住去美心皇宮早茶，同好多人一樣我都用Gulu 拎飛，但原來餐廳要過半數先至俾人入座，形成外面好多人等但係入邊就有‘吉’枱🤔🤔其實佢哋嘅食物係OK嘅，種類選擇都好多，比較特別既係，佢地有推車仔嘅點心，懷舊feel，而家茶樓真係少見。😉不過佢地人手唔多，成日要等加水都等得好耐。😅😅5個人食了$682，因為我們全程都是叫車仔點心，阿姐蓋左幾多個印仔落點心卡就計幾多錢，而呢度假日早茶就是$16/茶位。

食物質素一般半，服務質素超級差，同以前比較相差太遠了，收得咁價錢就應該俾咁嘅服務收到咁貴價錢超差嘅服務，本來對美心食物質素上覺得幾好，但而家食物質素係非常非常之差，唔夠人就應該請人如果唔係就不要開門做生意啦要自己去斟茶遞水，叫加水望到都睇唔倒一路咁走，咁噶服務態度咁樣嘅食物質素遲早都一路好走呀，本來對美心食物質素都覺得好有信心 經過今日嘅情景感覺美心應該要大改進，得一個經理係咁跑來跑去其他員工都不知去邊度一路叫一路走，唉真係是極之失望😒😒😒

現在8人一枱，叫了兩个唔同欵的4人套餐另收加一茶芥(冇甜品)，沒有飯另叫飯，18元碗白飯，埋單1850，啲餸又有咸，下次都唔會再去美心食晚飯，其他酒楼叫餸食飯都有糖水送，美心酒楼太差了，

朋友生日飯局, 約了去 美心皇宮 (德福廣場), 地鐵九龍灣站.  好方便.他請食 鮑魚, 龍躉燕窩 四位套餐, $868.叉燒拼燒鵝半肥瘦叉燒, 肉質稔滑, 蜜汁味濃.  燒鵝, 鵝皮薄, 少脂肪,  鵝肉不肥, 厚肉, 肉鬆軟,  點些醬汁更好.龍蝦湯芙蓉燴燕窩每人一碗, 入口龍蝦味濃稠,  芙蓉蛋花好滑, 真是頂呱呱, 慢慢品嚐.翠玉瓜炒龍躉球份量頗多, 龍躉球大大件, 鮮味足, 翠玉瓜夠爽口.蟲草花蒸龍躉頭蒸得剛好，好新鮮同滑. 原隻鮑魚雞煲, 原隻鮑魚係主角, 鮑魚燘得入味且軟腍, 好好食 ,  雞肉嫩,    肉多骨少, 有雞味,   調味不錯.大家點了啤酒, 碰碰杯.另外加了生日桃包一籠 12 個, 包色澤偏白了, 包皮只有小小紅, 好細個.大家歡聚又慶賀生日, 美心皇宮 吃得過.  商場有免費泊車優惠兩小時.

12月1日特登同靚媽搭車到九龍灣，德福商場呢間酒楼飲早茶，就係為咗，佢仲有呀姐推車仔，賣點心呢樣嘢，早知呢間都係爆場食店，所個朝O8：30就同靚媽到達呢間酒楼，取筹攞位，好好彩，大約等咗十分鍾就有位，可以入座，個朝我哋叫咗六，七個點心，除咗個芝麻卷堅好食之外，其他都係大路貨色，若以此間酒楼價位來講，就真係偏貴，不過今日嘅目的係尋找，當年推車仔賣點心的飲茶氣氛，飲餐貴茶都冇所謂，加上此店侍應員工，待客态度亦好，呢個都係一餐，滿意的早茶。

有朋至遠方來搵我食晏，又想飲茶，知道美心皇宮仲有點心推車仔❣️所以特登同埋朋友去懷舊一番！中午一行4人，12點前未使等位入去坐低就急不及待，出去拎嘢食。百花釀魚肚干蒸牛肉蝦餃燒賣臘味糯米飯炸蝦角-蝦肉爽口彈牙錦露雲吞-出面冇乜酒樓會有流沙包-流曬出黎叉燒包-好味鵪鶉蛋燒賣-牛肉腸-軟滑新鮮花生雞腳-夠曬入味、又淋馬拉糕-冇乜邊度好食得過美心皇宮食到真係仲想再叫，不過真係好飽，連甜品都冇食到下次再去一定要食芝麻卷、煎堆仔同豆腐花、紅豆沙💪🏻😋Yum Cha ~traditional and yummy choice Dim Sum at Maxims Palace restaurant

知道美心酒樓推廣一個四人套餐、有片皮鴨、海班、冬瓜湯以及小菜兩味，只係$528。今時今日、這個價錢、可算很優惠啦！冇得預定、先到先得，咁就一早來攞位落單、試試先。鴨味夠、皮肉適中、不算肥膩！海班肉嫩、大小適中。冬瓜鴨湯、清談但有鴨味。再加上涼瓜炒牛肉、涼瓜苦中帶甘；欖菜豆角、鹹味適中。整個餐的勝價比相當高！怪不得6:45就冇曬啦。加上一瓶shiraz紅酒🍷、酒味夠香、幾位多年朋友、舉杯慶祝、非常難得的聚餐！

今天返工九龍灣的朋友又約了我入九龍灣吃午餐，想一想吃甚麼好，因常吃Pizzahut，泰國餐廳，想吃些新的食物，不如去茶樓飲茶，所以選了今次這間，平時好少去這間飲茶，這次吃給了我驚喜，估不到仲有手推的點心車，現在好少見，我們在手推車取了熱熱點心燒賣4粒入面肉都好平均，好霖，香肉味春卷每條大細適中，炸得好脆口豬肚湯都算大碗，豬肚厚身，爽滑，辣辣地，好開胃炒腸粒腸粉滑身，炒得好香口，少見細細條，一口就咬到入口韮菜餃煎得軟硬適中，肉汁鮮甜，韮菜很香口

一心諗住同屋企人去德福美心皇宮度飲茶，但啲食物無以前咁好食，好失望。個碟鮮蝦腸粉，層腸粉皮厚到。。。起碼有2mm。 炸蝦角層皮又係厚，炸完出嚟。。。好硬。 無諗到一碟普通嘅蘿蔔糕會咁咸真係好失望。。。未食過咁難食嘅野，埋單個價錢同啲食物質素真係差好遠lo，希望會有改善啦。