美心西餅 (中環站)

營業中

休息中

Havn't tried Maxim's b-day cakes for ages!This time comes for a small cake for my bro's b-day.We came down to the MTR station and chose which to buy (we all wanna try something new except chocolates) So here we go, OPERA as it names asthestically. OPERA - tasted like .....coffee ft.chocolates with special crunches as cake base that gave u different levels of tasting. I kinda like it but perhaps too sweet even with a small-bite. So better share with more people and u could taste the real.P.S. Rec

趁同事生日，乘機試新蛋糕，見美心出咗隻Opera （法國千層），有迷你版，賣$88，我哋得4個人就啱晒啦，其實見佢出咗段時間，睇樣幾得，都好想試架啦，依次自不然把握機會啦。雖然同正宗嘅Opera無論形狀、層次都好似，但當然唔一樣啦，唔知係咪咁，佢中文名叫「法國千層」，唔用慣常嘅「法式劇院蛋糕」，不過名字嘅嘢都無乜所謂，最緊要係食到一件用心製作嘅靚餅。從網上睇番，Opera源於法國，四四方方嘅形狀代表歌劇院嘅舞台，多層次嘅味道代表跳躍嘅音符。小弟嗰時晌工聯會所學嘅做法（唔知正唔正宗），係用浸有咖啡糖水嘅杏仁海棉蛋糕，配以一層咖啡牛油忌廉（其實係打起嘅牛油加糖霜同咖啡水而成），再一層軟心朱古力漿（黑朱古力溝淡忌廉），一層疊一層，最面淋上鏡面朱古力，再用刀修番正四邊，咁個蛋糕就可以見人喇！好老實，Opera好考手工，整嘅過程都幾煩，小弟試過自己整，失敗告終，自始無再搞過，都係買番嚟食好啲！依次試美心嘅法國千層，雖然係變奏版，真係得喎，朱古力脆脆做餅底，海棉蛋糕浸有咖啡糖水，棄用牛油忌廉，改配朱古力慕絲同咖啡忌廉，感覺輕怡好多，因為牛油忌廉真係肥得好緊要。照樣唔同餡料層層疊疊，質感同味道多層次

放工後經過呢間美心西餅買麵包,人流好多,合桃曲奇 原價$6.5 , 再用報紙coupon減$1,即$5.5麵包款式真係有好多,每款麵包也有很多款 我揀呢個合桃曲奇係最多合桃的,雖然唔係整粒放上去,我反而like 細粒細粒咁樣放上麵包上,如果太大粒合桃,又好容易跌出黎…所以細細粒更好~連麵包也是很香合桃味!!可能合桃曲奇味,正正就係呢個味道掛~但明明麵包係軟,曲奇係脆…點解呢款麵包同曲奇又拉得上關係?哈哈,其實就咁睇個名,真係以為係曲奇餅only…唔係麵包…而我平時都好少食合桃曲奇.可能就是這個味道吧

粟米雞包 + 奶茶 This was a surprisingly good breakfast. There was plenty of juicy filling in the sandwich, which was made with a soft, fresh bun. The sweet corn gave a good crunch and made the chicken mayo that bit more satisfying. Though the milk tea was somewhat too sweet for me, it went well with the sandwich.

原來魔鬼蛋糕一日只得一輪送貨.. 仲要係1:30pm....=.=但又想係lunch time 食.. 結果提早一日留貨雖然係咁, 但個cake 仍然都好好味~~~聖誕版魔鬼蛋糕賣相比平時正常版靚得多~其實我未食過正常版, 無得compare 個味道但如果單食今次聖誕版.. 好creamy, 好滑~~~ 正!!

美心推出的迷你蛋糕好啱二人世界，細細件容易吃。今次試左迷你藍莓芝士蛋榚。唔太甜，夠多藍莓，而且d藍莓都好新鮮好甜；第二層白色既cream夠稠，唔會散到流晒出來；第三層係芝土糕，我覺得芝士唔夠多，糕又唔夠滑；底層的餅就太薄，雖然好味但唔夠喉囉:-)

地鐵站的麵包店. 總是令人歡喜的. 因為匆忙時, 人又肚餓中, 就在車站內找到一個小麵包, 非常之方便. 是日, 8點幾係中環交完份野俾老細落地鐵, 生命意識知會我要食野. 就在地鐵站的一角, 找到美心西餅. 快快趣入去, 找找包仔. 地鐵站廣播說 "入閘後，忍忍口", 我一於不理, 入閘後, 上了車, 肚子要食野嘛...既然閘內及車箱內不准飲食, 咁就要密密口, 食野要快.揀了一隻粟米沙律包, 因為不想多吃肉, 又想有返一點味道. 粟米沙律, 感覺較為輕盈. 包子外層找成格仔的樣子. 看來都幾特別. 拿落手, 輕輕的, 比其他有餡包平5毫子可能是因為質量低了少少. 匆匆的上車, 好不容易找到位子坐. 急急食, 為麵包拍下沙龍照後, 快快趣, 三、四啖, 食左佢, 塞一塞半空的肚子. 一咬, 輕盈的麵包特別軟綿綿, 沙律味道不重, 沙律醬味道淡顯得健康, 而粟米粒就粒粒甜. 密密口, 三、四啖咬完包仔, 地鐵也只是剛到金鐘站.

上次出的天使蛋糕,一起吃既人都話唔錯。事隔咁耐,又一新作,魔鬼蛋糕,估唔到仲要用上Valrhona朱古力!外層朱古力忌廉,比「天使」忌廉口感較rich,唔膩,朱古力忌廉喇講,都好少食到咁ok質素架喇。而蛋糕好似可以抖氣咁,好鬆軟,亦可能因為咁,密度梳,朱古力味會好似淡左d。其實最好食既當然係o個盒,朱古力脆脆啦!但太小吧,真係每件分得唔係好多咋!

四月十八日(星期五)我地愛上左食北海道朱古力飽已經有成3個月喇,不過一篇食評都未寫過!haha!因為每次都忍唔住要食左佢,唔記得影相!不過佢既quality都唔係咁stable,大家想試都係要睇睇佢多唔多油!當然乾d會好味d!油林林就好漏喇!真係好味!...正!

四月十二日(星期六)同老公做完gym要食番d野,見到新出既荳奶提子包就試下啦!因為北海道真係好味道,呢個應該唔差既!點知...-.-幾難食,一d荳奶味都冇,好多提子就真!同埋係個麥包黎,比佢呃左!同埋好油!唔好食!

阿哥買咗個蛋糕賀阿爸生日，佢好識揀，揀咗個無咁肥既鮮果蛋白脆脆，整個蛋糕沒有致肥既忌廉，卻有很多營養豐富既生果，賣相已經吸引，有我至喜愛既士多啤梨、香桃、奇異果及藍莓等健康水果，蛋糕用上蛋白做材料，入口軟綿綿的，底層以朱古力及脆脆酥皮做成，很美味。

(27/10/06)想食朱古力蛋糕開心下,見個蛋糕而好鬆軟,橫切面仲有藍莓醬。唉...點知o個pet藍莓醬少而且葯水味,脆脆底鬆散,好不濟。

(9/10/06)同事生日,買左個新o野:芒果石板街蛋糕。表面好多朱古力碎,成個黑森林咁,仲有d朱古力石仔。芒果只係上面的兩片代表,蛋糕非常非常之濃的朱古力味,好正!夾埋面頭的脆花生/杏仁碎,口感一流。

(18/10/05)好欣賞美心成日有新攪作,今次出一系列的歐陸西餅都好吸引。最吸引我的是「朱古力肉桂餅蛋糕」,面頭的粒粒肉桂餅(唔係太重肉桂味),內裡是好濃朱古力蛋糕,好好味。美中不足的是肉桂餅唔脆。