美心MX (MOSTown新港城中心(5期))

營業中

休息中

聽日突然間好想食快餐，發現原來馬鞍山市中心嗰頭冇大家樂，睇過幾間之後決定食美心 好似賣相靚仔過大快活價錢款式都差唔多，不過大家都會做唔同嘅promote 美心有車仔麵下午茶幾過癮試吓有豬紅幾地道！嗌咗四餸$47都幾貴，因為佢份量都真係幾細幾下午茶揀咗右面，但係佢啲右面係真係唔好食的， 沒有麵味沒有蛋味，口感都好麻麻 米粉嘅話就比較碎加菜嘅話$13一份上湯菜心呢個份量算係咁啦想食慾嗌咗半隻油雞質素合格反而豬扒包幾正 個包皮好軟熟個洋蔥同豬扒好夾 啲汁條得唔碗仔翅就唔得啦，入面都冇乜料，間中原來有幾粒菇

星期五晚放工想出街食飯，支持吓“夜經濟”, 行吓行吓去咗新港城五期“美心Mx”食個肉眼牛扒鐵板餐。其實唔會諗住甚麼期望，點知是更失望！龍蝦湯裡面沒有龍蝦肉，只有兩塊1/2既蝦肉，喺“蝦肉”，不是“龍蝦肉”。唉！佢唔俾我仲好，我可以幻想吓龍蝦融化喺湯裡面。而鐵板無“咋”“咋”聲，無煙出, 咁就不如碟上啦，完全唔似食鐵板餐！食到塊牛扒中間，越食越生！我覺得塊扒五成熟都無，點食呀！要人有多啲夜生活，都要物有所值嘛！

今次的馬鞍山早餐，我選中了就腳的《美心MX》。就腳的原因，就是一送完阿女返學校，行返入商場，第一間見到既食肆就係佢。所以，好多時都會過黎，快快趣吃一個早餐。是日想食麵，當我見到有這一個沙爹牛肉麵既套餐就覺得啱晒心意啦。這一個麵食，算是一般的貨色啦。牛肉既味道係夠既，但肉質好鞋。麵亦好似煮得太腍了。最冇得輸既一定係雞扒，皮脆，夠香口，也夠大片。加了醬後就更加之香口惹味。美心的奶茶，奶味沒那麼的濃，但也夠香口香滑。都是不錯的一杯。整體上，這一家《美心MX》係 OK 既，不想思考去食什麼早餐的一天，可以來。