影片
以上資料只供參考, 請與餐廳確認詳情
又來快餐點火鍋,今次係冬瓜火鍋48蚊,連埋2粒魚蛋,米線幾條,菜幾片,肉幾塊加10蚊多個牛肉,再加錢先有野飲賣相幾有趣,你要先食一D瓜,先有位加水打邊邊,可以話有D新意既,冬瓜無咩甜味,湯底是好像上湯的味道,都算濃郁,送2粒魚蛋,食哂所有野都唔太飽,米線得幾條,即一啖KO.女仔應該OK既雞肉是雞胸,外面沾滿粉,明顯用了X肉粉啦當然呢個價錢係咁上下,但係看埋下面加10蚊既牛肉,咁既賣相,實在唔想食建議賣貴點,材料用好點,48蚊實在食唔到D咩
繼續閱讀
今日遲咗食午餐, 心血來潮去了美心快餐... 餐牌可以選擇的東西少之又少... 唯一水準比較平穩的, 應該是燒味吧...MX六寶飯 -- 美心快餐的燒味一向唔錯, 水準比較穩定, 鹹蛋黃出油, 有鹹香, Yummy!!! 叉燒軟腍, 香甜有肉香... 燒鴨比咗鴨脾部位, 啖啖肉軟腍腍, 不過冇鴨味, 鴨皮頗韌, 冇肥膏啱晒我... 唔明點解會有鴨腎, 仲要又韌又鹹... 紅腸冇肉味, 得個鹹字... 油雞肉嫩, 雞皮甜甜地有豉油香... d白飯最差, 濕淋淋爛蓉蓉, 食糊仔咁, 加埋冇鮮味嘅豉油, 好難食~龍鳳檸樂 -- 單睇名都唔知係咩... 原來龍鳳檸係鮮檸檬+鹹檸檬!!! 可口可樂係汽水機果d, 曾經有一刻諗住係鑵裝, 有d妄想... 鮮檸嘅果酸, 加上鹹檸嘅鹹, 中和可口可樂嘅死甜, 多咗一份香味, 味道都幾Match, 好飲過鮮檸檬可樂...接近2時仍然人山人海, 但總算找到座位... 掛在牆上的電視, 到底有多少人在看?!!
繼續閱讀
美心在云云的快餐店中，總覺得美心相對於大家樂及大快活的名氣有點落後，但其實卻以美心的食物選擇較多。星期日的下午茶時段，附近食肆不多，於糖廠街中的多間食肆均於星期日休息。於大家樂及美心中作選擇，無論價錢及選擇方面均以美心較優勝。但美心卻位於一樓，沒有電梯，相對較不方便。2人order:至抵食便當$22（羅宋湯三色螺絲粉、肉醬薯蓉、雞翼）凍綠茶賓限定餐$20 （綠茶賓x燒鴨瀨粉）至抵食便當以日式便當概念為主，便當盒一格一格，分別配上多種不同食物，每一份都細細件，但適合一次過品嘗多樣食物的人！由於食物款式多變，而價錢亦便宜，十分抵食！今次的便當就有：羅宋湯三色螺絲粉、肉醬薯蓉、瑞士雞翼、沙律、粟米馬蹄糕。當中螺絲粉軟硬適中，羅宋湯味道香濃，配有椰菜等，十分入味。但一小碗的螺絲粉，已放於便當中最大一格，有點充撐場面之嫌！一小杯的沙律，用上紅蘿蔔、薯仔再加入沙律醬，味道一般沒有特別。肉醬薯蓉賣相不俗，但份量偏小，用上迷你錫紙盤裝著，不消幾口就已吃完，肉醬味道甜甜地，與薯蓉同吃味道相夾！瑞士雞翼只有一般的豉油味，令人費解跟瑞士有何關係，絕不是用上瑞士汁，有點失望。而粟米馬蹄糕味道不錯，甜度適中亦不會富硬實的口感。整體中規中矩。餐茶---熱咖啡配上咖啡機即沖熱咖啡，咖啡味香濃，但口感不夠幼滑，味道不過不失。總比一般茶餐廳中人手沖製的味道較佳。凍綠茶賓限定餐一碗燒鴨瀨粉原價已$17，額外配其他飲料需加$5-8，因凍綠茶賓為新飲品，所以以$20優惠價作為推廣實在相當便宜！燒鴨瀨粉拿著餐盤已是一個驚喜！燒鴨脾呀！一般而言，燒鴨脾屬較貴的部分，在外面的燒臘店吃一個燒鴨脾飯就可能索價$30-40，實在想不到$20也可品嚐到呢！燒鴨脾浸於湯上，稍微破壞了鴨皮表面的香脆口感，而鴨脾中的油份滲透於湯麵中，顯得較為油膩。鴨脾燒得十分出色，色澤對版紅中帶金，肉質嫩滑啖啖肉，相當滿足！而瀨粉煮得有點林，而且剪得過碎，雖然吃來比較方便，但口感差了一點點。凍綠茶賓個人不太欣賞的味道，利賓納配上凍綠茶，以利賓納作主導加入淡味的凍綠茶，利賓納的甜度因而被沖淡，但所產生的”火花”非人人可以接受，雖然可同時飲得到兩種味度，但就是有點怪怪的，最後還是未能整杯喝完。環境：經稍微裝修後，原本近門口的卡位及內裡原有的數張有電視收看的長枱均已轉回普通的四人枱，位置更多更為密集，顧客的用餐舒適度亦同時下降了，難度這就是大集團的經營之道？
繼續閱讀
今日憑著一張換領券黎到側魚涌換領美心月餅,門外排隊等候既人唔算多,派餅姐姐都幾得閒!放工反到屋企好肚餓之制就諗起可以食月餅,於是開左一個自己食!雙黃白蓮蓉月餅一切開已經見到蛋黃既油流出黎,好似好肥膩咁!分開4件,每件都有黃,都幾均勻!食第一件都okay,可能我太肚餓無咩感覺!食第二件就開始覺得好甜,d蓮蓉漿住哂系個口度,蛋黃油就即刻必哂出黎,又油又漿混合既感覺就好唔夾,就好似水溝油咁!食到第三件直頭覺得好漏,d油同蓮蓉仲痴住系d牙度,已經覺得唔系好食得落喇!由於開左既關係,唔想留系屋企,於是抖左一陣再戰第四件!其實真系好濟喇食到,第四件足足用左十分鐘先完成到,所以建議如果要食呢個月餅真系唔好一個人食,多幾個人分享都會開心d!呢個月餅一句講哂"少食多滋味"!
繼續閱讀
公司三文治如果要去到delifrance呢d地方一定好貴，但係美心都只係$23.5好平，而且好味有質素@@材料一d都唔少，有生菜，雞肉，蛋沙律，有d忘記了，烘得剛剛好的多士夾住黎食真係好正，外觀令個炸薯條都好好味道，雖然得幾條，不過因為佢唔係主角麻呢個餐係可以填飽個肚架!
繼續閱讀