影片
付款方式
其他資料
電話訂座
以上資料只供參考, 請與餐廳確認詳情
如果你們想選擇餐廳，認真要重新考慮要不要光顧這間了。咁多年以來都係呢間既忠實食客，但今日叫左個粟米斑腩菜飯味道一般。而準備午餐時間更退步許多。今日叫完外賣後就坐了十五分鐘，之後有客到，而職員後來叫了，讓他們坐比較好的位置，這也合理的安排。但是他們的語氣很差，說：「你叫外賣嘅，坐喺門口啦。」但之後該枱食客的食物比我反而更早到，並食完該食物。一開始我有問可以跟進一下嗎，但是沒有回覆。我跟他們說已經25分鐘了，但他們仍是說「廚房煮緊啦」，從來沒有跟進過。直至45分鐘，食物才完成。中途三個職員只有自己跟自己談話，從沒有跟進，態度惡劣。服務態度一直不斷下降，千萬不要幫襯這間餐廳了。
繼續閱讀
周末例牌訓到黃朝百晏，過哂早餐時段，直接去食lunch 呢間唔起眼既茶餐廳，我甚少想起。近幾年只食過一次，最深刻係成間鋪都係的士大哥。土瓜灣舊區，最多茶餐廳，而呢間鋪，隻佬獨沽一味，只會order 椒鹽雞扒菜飯所以我死跟，叫椒鹽豬扒菜飯點知開口就講左椒鹽豬扒飯，好彩阿姐醒目問：你要白飯？定菜飯？我：係菜飯先岩阿姐：好重要架，兩樣野黎架🤣🤣好彩佢問一問其貌不揚但好好食其實間鋪頭仲有好多嘢食揀，我望過其他人嗌嘅食物，睇落好好味架。睇返餐牌原來仲有得揀薑菜飯，蛋白菜飯。下次有機會試下先不過值得一題係，間鋪有時會無啦啦休息如果去開附近，佢又有開，不妨試吓啦
繼續閱讀
今日黎到土瓜灣整車,放底架車,個師父叫我去食d野先,見依間餐廳近近o地,就入左去食,我點了京都豬扒飯,1見非常大碟,心諗洗唔洗甘大碟呀,實食唔晒,唔理食左先講,1口食落酸甜味配合得唔錯,入口肉厚味濃,配白飯1流,起碼有4件豬扒係裏面,haha
繼續閱讀
突然好想食西多士，馬上找間茶記，選中了美景街的美景茶餐廳。下午茶餐牌有西多士，正合我意，二話不說就要了西多，飲凍奶茶。西多即叫即製，金黃色的西多士上檯，熱辣辣，很吸引。吃下，外脆裡頭軟熟，還有一大件的牛油，又香又滑，再自己隨心放下糖漿，好吃非常。凍奶茶茶味太重，不是我所喜好。但邊看著電視邊飲，侍冰溶化味道淡一點時，又好像更合口味。放下十九大元，很滿足地離開！
繼續閱讀
13 July 2006 (Thur) - Tea工作中偷偷食Tea，又想食薯條又想飲可樂，真係唔肥唔食咁，不過都係因為太熱至想飲可樂．．． 唉～～Anyways，叫咗吉列豬扒配薯條加凍檸樂，早知唔叫吉列，好鬼熱氣，同埋我其實唔係想食吉列，只係想食就咁少煎，不過佢又真係炸得太勁啦．．．唉，太多吉列唔多好食，薯條算唔錯，又唔太少，如果可以唔好咁燶就更加好！死啦，睇黎我都係戒唔到食薯條及薯片！
繼續閱讀