美樂餐廳

營業中

休息中

茶記例牌早餐，基本上沙嗲牛肉/ 五香肉丁/ 雪菜肉絲都一定有比較，特別係有酸辣木耳絲粉面，如果你都鍾意朝頭早重口味，呢度就啱晒你😂呢度嘅公仔麵係福面，仲要唔使加錢咖啡奶茶好飲，茶膽香濃，不錯

【⭐️ 屯門·抵食街坊風味烤魚 🐷 ⭐️】餐廳位於屯門美樂輕鐵站旁邊📍其實佢係一間茶餐廳黎既❤️ 但係夜晚就會開戶外位，有得食烤魚雞煲或者小菜，甚至可以加工海鮮。我已經食過四次～每次黎就係為咗食烤魚🐟好味又抵食😂 冇咩好挑剔🤓🤓🤓.✅ 巴蜀烤魚（鉗魚）$188本身已經有少許配料喺底下☺️☺️（枝竹、蘿蔔片、薯仔片、薯粉、芽菜、芹菜）小辣唔係好辣，如果食得辣會建議叫中辣😙但建議等佢煲耐啲先食🤤🤤等佢入味啲先❤️同埋要注意黐底，紅薯粉雖然係配菜，但係佢入哂味真係好好食😂 夠晒濃味😈😈✅ 鵝腸 $68，另加紅薯粉 $28兩個份量都好多，正常💓 食材都新鮮。✴️ 屯門想要烤魚必定諗起呢間❤️ 如果兩個人唔算太大食，淨係嗌條魚已經夠飽，佢底下薯粉都唔少🤓 如果去開屯門或者住附近突然間想食烤魚，大家可以去試下😈.#hkfood #hkfoodie #foodblogger #foodreviews #hkfoodlover#hkig #likeforlike #hongkong #食評 #hkfoodie #foodblogger#foodreviews #hkfoodlover #hkig #hongkong

屯門碼頭叫做好味的烤魚、雞煲，每逢假日座無虛席，門口外也放滿枱，非常熱鬧。呢間都食過好多次，小菜也不錯。雞煲：味道濃但雞不算滑。烤鉗魚：幾乎一半枱叫烤魚，額外加薯粉撈哂d汁巧巧味。

美樂餐廳每日都迫滿打邊爐，食雞煲同烤魚嘅食客！唔入去睇都唔知有其他小菜食！諗住隨意叫碟平平哋嘅黃花魚加個白飯食！呢碟古法蒸魚真的誠意十足！除咗平時食蒸魚會見到既調味料之外，仲用左冬菇、陳皮、豬肉絲調味同襯托！全部加起黎好夾。全部配菜都一件不漏食光光！而且片開咗一半黎蒸，令入面嘅肉質生熟度剛剛好，魚肉非常滑！是老師傅的功架！買一條咁大條既黃花魚都好貴，煮埋出嚟都唔洗$100。絕對係街坊價～ 良心小店(￣▽￣)

屯門碼頭區嘅嘢食其實都唔算少但係款式就比較簡單~有時都想轉下口味食啲特別啲嘅菜式美樂餐廳就可以幫到你啦🤩🤩今日再次嚟美樂餐廳encore食巴蜀烤魚如果喺同區冇競爭之下 呢個質素算正常唔錯烤魚用方形鐵盤上 好有風味但係食嘅時候一定要小心😂😂有時動作太大個盤係會郁㗎！！本身一份烤魚裏面都包含咗薯粉！如果唔大食嘅朋友仔其實都唔使再加麵/飯烤魚可以揀辣度，今次我揀咗小辣呢份量兩個人食啱啱好！餐廳入邊仲有酸菜魚同普通打邊爐選擇如果碼頭區嘅朋友想食啲比較特色嘅食品 都可以嚟美樂餐廳試試~~💛💛

個日同屋企人路過，門口見好多人排隊，諗住試吓啦，點知就中伏了……差到不得了。首先門口短髮阿姐態度差到不得了，我諗佢態度差都出晒名。好啦，我地叫左個酸菜魚，數來數去真係得3-4條仔酸菜，真係服左，咁都可以叫酸菜魚，同埋未見過酸菜魚嘅湯底好似清水咁………成盤嘢根本就係滾水煮魚，價錢仲要同出邊差唔多……我諗成個屯門碼頭的確少呢類型餐廳，烤魚酸菜魚雞煲呢啲，我諗呢間野先可以做到依家………如果唔係真係搵鬼食…

位於商場角落一間茶餐廳，比輕鐵站遮蓋，唔行近都唔發現佢的存在，餐廳內環境算寬敞！以而家來講一個午餐包飲品$40都算便宜！一坐低，侍應二話不說就送上一碗老火蓮藕例湯，湯不肥膩，賣相就麻麻，味道還可以！叫咗個乾炒牛河，味道稍淡、牛肉稀少！

午餐$40叉燒煎蛋飯冇叉燒，轉火胆，叉燒同火胆會唔會差好遠呀，價錢不變都係$40，唔知係老闆娘定女員工仲串串拱咁問我轉火胆有咩問題，你可以轉食其他餐，我都知我可以轉，我只係想知點解冇叉燒唔刪咗呢個餐，點解轉火胆都可以諗得出嚟啫，我以為自己去咗食早餐，但午餐價錢，今日入屯門因做嘢關係先入去食，點知入咗X店

呢一間位於屯門美樂花園嘅餐廳，我同老公已經光顧過好多次，平時黎多數係食奇味雞煲，今日想試下其他，就揀左巴蜀魽魚鍋，侍應話魽魚比鯇魚無咁多骨，啱晒我呢啲懶人食啊，點餐後侍應好快就放低gas爐，而魽魚鍋大概10分鐘就上枱喇，魽魚肉質好嫩滑，唔會熟過頭，魚肉剛好離骨，魚上面加左大量莞茜同蔥，鍋底加左闊條紅薯粉，紅薯粉吸晒湯汁，好惹味，睇落以為會唔夠飽，但原來兩個人食已經好飽肚。總括黎講雞煲同烤魚鍋都係美樂餐廳嘅必食推介。

下午剛入去職員十分懶散,唔休做。叫極無人應餐廳老闆你是做生意嗎??職員望到人入來走左去,客人走就鼠出來。入面唔多客,全部企埋入去近樓梯位閒談,望都唔望7月十ㄧ日1255

岩岩叫杯凍檸茶少冰，佢比杯全冰我，隔黎果條友冇叫少冰嘅佢又比左少冰，仲同我講：少冰都係咁多冰。真係痴線，搞琴我嬲嬲地唔想食啦而家，所以唔寫低佢話比大家知唔得囉！

这家已经吃过幾次了，觉得应该评一下，今天我俩公婆只要了一条巴蜀烤鱼（魽鱼），中辣，加了枝竹和两支啤酒，埋單226，价格是抵的，味道还不錯！只是不夠辣，及不上中辣，只能算微辣吧！但魽魚肉质鲜嫩，而且香口，真的不錯！隔鄰很多叫奇味鳮煲，下次一定要试试，晚上6時开始，已经有八成入座，应该是有价有市。

9點幾落去食早餐 其實都唔係第一次食之前同家人嚟食 塊雞扒大大塊 覺得幾好於是自己再嚟食星期六的早上，美樂的食肆多數很多人，但這間卻門可羅雀。不過也好，可以自己坐，不用撘檯。叫左個蕃茄肉碎雞扒通粉 ($29)一黎到 當堂嚇一跳 然後得啖笑 塊雞扒只有兩個匙羹般大！真係好神奇！點樣可以整到咁細塊？啲湯又稀！蕃茄湯？我只看到和吃到紅油！上次湯入面尚有些薯仔，蕃茄今次只有丁點蕃茄碎和皮！翻轉，竟然只有雞皮！沒有肉。立即叫阿姐嚟 話有無搞錯 咁細塊其實平時我都無所謂的 但真係細塊得誇張！大家能幻想只有匙羹般大的雞扒嗎？不如你叫「雞碎」吧！但係，阿姐不屑地話：就係咁細塊架啦！之後又同第二個啊姐講：佢話咁細塊喎！咩人咪食咩野囉！呢個價錢想食啲咩？之後到我埋單仲係到講緊！ 為了不浪費食物，我都有食哂d通粉，塊雞扒有試過，點知好硬，好似炸左一萬年咁！究竟佢係點煮架！最後飲埋杯野個時，阿姐就黎收野，我心諗，洗唔洗咁急收呀！正常茶餐廳侍應收野，都係用手，偏偏阿姐佢特別高貴，佢要拎d新既叉同筷子「夾」d紙巾，仲要姐手姐腳咁。你攞我用過個d咪得，張張枱收野都咁，洗碗個個真係多謝你囉！一到飲野佢一到執枱（其