美美小廚

營業中

休息中

今天已是十隻手指數不盡的光顧了，適逢生日月，決定多吃魚，多品嚐美味可口的鮮魚餐。朋友話我的頭髮長返黑毛，皮膚也光澤了，因為最近多吸收了魚酯關係。多得May May小廚的魚湯和鮮魚餐，水準十分穩定，所以向大家推薦。尤其是老人家、坐月的和做完手術的，多吸收高蛋白營養的魚系列，好過食補品。每次到訪，都有驚喜，可以吃到當天最新鮮的鮮魚餐（蒸/煎），配一碗無味精的靚湯和白飯，好似返到媽媽的懷抱，享受一頓住家飯和人情味。重點推介～一夜鮮馬友和魚湯系列，我的至愛是紫菜竹笙鯪魚肉米線，十分鮮甜可口。我亦會順道買返兩袋鮮魚湯回家。大家都會問，甚麼是員工餐？～新鮮海鮮：沙白、龍蝦、子、扇貝、青口、凍花蟹等等。價錢是街坊價，公道價廉物美，所以有班街坊熟客支持念多吃鮮魚，皮膚會更白滑，信不信？去發掘一下人辦⋯⋯傳承『水上人精神』。

之前前街搬到大街好有期望，枱十零張迫迫夾夾，坐底枱有時唔抹，出餐位見同掉垃圾位甘近要當睇唔到，搬後鱼飯愈黎愈贵，所以已冇叫。做街坊生意，哩哩啡啡去街坊忍到冇所謂，好地踎甘.晒左啲。

如果去鴨脷洲唔想自己做買手的話、美美小廚是我不二之選、水上人背景、水上人海鮮做法、每天不同漁獲、保持kinda出奇蛋的神秘感、是日有食神、見到一條多過一斤重的真三刀只售398、無累積決、上碟時，店員還會製造氣氛大叫、「三刀來了、不吃也要看一眼」 ， 店內座位有限、你擠我擁，一個人品嚐三刀的我頓時有點難為情之餘又令我想起這種情感猶如在夜場內爆枝香檳一樣、夜場有飛來蜢、今日坐在我旁邊的婆婆也會跟我吹水討論三刀。 另外他的魚湯也做得極為出色，個人覺得沒有味精真材實料該店麻雀雖小、五臟俱全、蒸魚技術個人認為比很多餐廳更為優秀。 個人極度推薦。

昨天，下着微微細雨，準備往美美小廚，吃我最喜歡的魚。到達後，那是大約12點左右，已經有條長龍在排隊，但我吃魚嘅心，一直不變，所以之後就算雨越來越大，但堅持排隊嘅心一直都不變。當天吃了一條東升班，鹹蛋蒸肉餅，蒜蓉蒸扇貝。先講鹹蛋蒸肉餅，很普通的一味家常小菜，但他弄得很美味，豬肉好鬆軟，肉餅鹹香，顛覆了我吃蒸肉餅嘅感覺，原來一味最簡單嘅餸菜，只要你用心製作，食客是感受到的！之後吃扇貝，那種新鮮和鮮味，簡直一絕！當然還有一提的，是那個無名精嘅例湯，絕對有家嘅感覺。最後隆重出場的，是那個東升班，魚，其實新鮮已經好好味，他真的是很新鮮，魚味濃，滑溜，我連佢嘅配菜，芫荽和蔥，我都全部吃了，因為太好味了！平時，如果咁大雨要我排隊，我一定睬佢都傻，係美美，才能令我如痴如醉地等！美美絕對有吸引力，令到我吃完又吃！吃嘅時候見到隔籬枱吃過三刀魚，簡直一流，羨慕不已！PS : 上次吃美美嘅時候，明影老闆吃蟹，見他吃得很滋味，正！

喜歡四處尋找美食的我今日又尼到鴨脷洲鴨脷洲大街一間名叫“美美小廚”品嚐美食，TVB曾經介紹過這裏的魚湯十分好飲。 遠處已經見到舖頭門口排了一條很長的人龍等食，想必定係好嘢。這是一間很細小的舖頭，裏面得數張枱，我們都等了差不多一個鐘先至可以入座。這裏的侍應都好親民，跟客人談笑風生。 這裏的食物可以叫套餐，又可以散叫。除了魚之外，還有其他肉類小菜和海鮮美食，我們叫了兩個魚套餐，當然少不了一個魚湯泡飯。 芫茜皮蛋肉碎泡飯 $65奶白色的魚湯非常鮮甜可口，再吸收了芫茜和肉碎的香味，令這個魚湯的味道更上一層樓。米飯粒粒分明，不淋不硬，恰到好處。 一夜情馬友套餐 $78套餐包含了例湯、主菜、白飯和熱飲，凍飲另加$3。今日例湯係蓮藕淡菜花生眉豆豬骨湯，這個湯不含味精非常清甜。馬友肉質鮮甜嫩滑，很有海魚的鮮味，滋味無窮。 黃豆醬蒸外海雞魚套餐 $128這種魚都比較罕有，食落魚的肉質感覺鮮嫩，再加上少許有咸香味的黃豆醬，提升了這條魚的鮮味，十分好味。

喜歡吃魚，但自己煮工不濟，那唯有去幫襯食店，順便促進香港經濟！🤭昨天有空，想吃新鮮又好食的海魚，第一個想法就是去鴨脷洲的「美美小廚」，早上先打電話留魚，在指定時間到達。😊先來碗清甜又滋潤的「菜乾羅漢果豬骨湯」，可惜只有一碗，有點唔夠喉。😬大大條的石馬頭先上，肉質食落細緻帶微甜，擁有獨特的鹹鮮風味，淨食比較適合。😋再來三條細細條的金馬頭，肉質鮮嫩軟滑少幼刺，吃落鮮甜清爽，真是好味到一個點！😍因不能把飲品轉換成湯，那就不用了；直接去街市吃一口西多及熱奶茶吧！🤭#鹹鮮金馬頭 $118#冬菜蒸石馬頭 $188#菜乾羅漢果豬骨湯#全港蒸魚冠軍#美美小廚(香港)地址: 香港鴨脷洲鴨脷洲大街108號地下前舖電話: +852 54009289

今日去咗美美小廚，門口個黑板餐牌好有特色，寫滿住各種自家製嘅餸菜同價錢，好有街頭小店嘅風味。叫咗蒸馬友同埋另一款蒸魚，仲有碗湯。先講蒸馬友，魚蒸得火候啱啱好，肉質嫩滑，魚皮完整，夾一啖入口，魚肉嘅鮮甜瞬間喺口腔散開。據講呢度嘅馬友係「一夜情」（鹹鮮馬友），鹹香味道滲入魚肉入面，層次感好豐富。另一款蒸魚同樣出色，魚肉鮮美，搭配上簡單嘅蔥絲、辣椒絲同豉油，原汁原味。同西式煎魚相比，中式蒸魚更能保留魚嘅鮮味同營養；同泰式酸辣魚相比，又冇嗰種濃烈嘅酸辣味，多咗份清淡純粹。比起一啲大酒店嘅蒸魚，美美小廚呢度嘅蒸魚更有住住家菜嘅味道。碗湯都唔錯，料好足，入口清甜，應該係用咗唔少食材去煲，有住濃郁嘅食材本味。價錢方面，蒸馬友餐78蚊，另一款魚餐88蚊，以呢個出品嚟講，性價比唔錯。講下小缺點，店舖環境就普通啲啦，座位有啲窄，而且人多嗰陣時有啲嘈雜。其實中式蒸魚呢，對我哋香港人嚟講真係好親切。屋企人成日都會蒸魚，話魚寓意年年有餘，好吉利。而家喺美美小廚食到呢啲蒸魚，就好似返到屋企食住阿媽蒸嘅魚咁，個味道唔單止係味蕾上嘅享受，仲有滿滿嘅親情同回憶。呢啲住家菜風味嘅蒸魚，就好似一把鎖匙，打開咗我哋心底最深處

上網睇人哋介紹，呢間舖頭係水上人家開嘅，有自家曬嘅一夜情馬友，所以特登走過嚟試吓！坦白講，如果唔係有人介紹，都唔會特登走到入嚟香港仔！好彩間舖頭好近地鐵站，行兩三分鐘就到！而且我仲知道，原來可以打電話嚟留貨，佢有員工餐，除咗馬友之外，不定時有唔同嘅海鮮選擇，今次我就揀咗龍蝦，事先打俾老闆娘留貨，當日12:30到達，已經有六七個人排隊，心知不妙，好彩唔係等咗好耐，15分鐘就入去，入邊啲座位好迫，差唔多要人貼人，既然買咗咁出名，今次就試咗清蒸同埋香煎，一次過試晒兩種味道，等咗10分鐘，終於有得食，先講香煎，魚味好濃，而且肉質好實淨，食得出完全冇落任何調味，淨係落鹽，但係完全食到魚嘅鮮味，我諗個原理有少少似dry aged，但係我都係最鍾意清蒸，同煎嘅一樣，肉質比較實淨，但係魚味超濃郁！我好享受呢條馬友！簡直係享受！另外我試咗龍蝦，我個人覺得就普通啲，因為佢嘅調味好少，下次可以唔使！但係佢仲有個魚湯，雖然60幾蚊一碗，但係真係好甜好好飲！好似仲有啲好似濃湯寶咁嘅魚湯，可以俾人買走！下次試吓先！

位於鴨脷洲的美美小廚，每日從漁民手中採購最新鮮的海鮮，因此菜單上的海魚種類會因應當日漁獲而有所不同，價錢不算平但都值得一試！ * 清蒸石釘 ($138)：石釘魚並不常見，鮮度是這道菜的靈魂。魚肉經過清蒸後，肉質依然緊實彈牙 。魚鮮甜被完美保留，每一口都能嚐到海洋的鮮味。搭配店家自製的豉油，更能襯托出魚肉的鮮美 * 鹹蛋肉餅 ($55)：鹹蛋肉餅是港式茶餐廳的經典菜式，美美小廚的版本卻能脫穎而出。肉餅的用料實在，鹹蛋的香氣與肉餅的鮮味完美融合，份量雖然不大，卻有自家製的味道 * 魚湯：最讓我驚喜的是這碗魚湯。湯頭濃郁乳白，喝起來完全沒有腥味。可以感受到店家在熬製魚湯時下了不少功夫美美小廚的魅力不僅在於其美味的海鮮料理，更在於對食材的新鮮度的堅持。每次的菜單都像是一個驚喜，因為你想像不到當日會有什麼魚類

前陣子在TVB看到這間賣鮮魚的餐廳，對愛吃魚的我今午便抽空去試，門口已見人龍，等了30分鐘才入座，店內座位較迫，但老闆似乎同大家都很互動，尤如在家吃飯感覺😄。💥清蒸一夜情馬友套餐 $78 👉套餐包飯+自家湯+飲料馬友是前一晚醃漬配上薑蓉和菜芯，肉質幼滑，又不過咸👍，白飯一大碗，今天是冬瓜紅蘿蔔薏米豬骨湯，可口又熱騰騰，配上熱奶茶，茶濃郁又不甜。💥豉汁蒸燕子䱽套餐 $683條小型的燕子䱽，鮮味足，醬汁調味剛好，配上咖啡，口感有別於一般茶餐廳，濃郁而不甜。整體食材新鮮，加上無味精的自家湯，會再訪，全店不收加一，只收現金，店舖收3pm不做晚市，走時門口人龍比之前更長🤣

今日終於都早起，的起心肝去拜訪吓呢間一直都想幫襯嘅小店。先前聽朋友介紹過，但佢地開早，好似收下晝三點，對我呢啲夜鬼黎講，確實高難度去幫襯。朝早十點零入到舖，當其他客人都仲係食緊早餐嘅時候，店員問我想食乜，我直接話想食魚！佢話要等20分鐘，無問題。心裡暗喜，即係即蒸啦。想食好野，除咗廚藝之外，都貴乎係新鮮。叫咗出面食店少有得食嘅蒸一夜乾馬友，鮮呀！果種久違嘅咸鮮味，實在令人感動。上面舖咗少少薑蓉吊味，簡直錦上添花呀。聽到隔離幾檯食食吓都問叫攞啲辣椒醬，都好奇想試吓，點解檯檯都問。我係好鍾意食辣；但食蒸魚落辣覺得有啲嘥咗。最後都忍唔住𢳂咗一羹落去碗飯度，都好味喎。味有啲特別，好似泰國黃辣椒同少少蒜頭，同市面一般泰式或潮式唔同；同埋夠辣。

基本上每個星期六日嘅午餐都會有一日喺度解決，我會當自己係半個熟客。應該都黎左食五、六次蒸肉餅飯，雖然份量就唔係話好夠，但係調味都好有喺屋企食飯嘅感覺。 不得不嗌嘅係佢嘅炸雲吞，超級好食，好香脆，啲魚肉又好彈牙，超級好食。另外都會加少少錢飲杯柑橘蜜。通常食午餐都會送一碗餐廳。都試過食佢嘅黑椒牛脷飯，雖然係頹飯，但係係呢個價錢，性價比算好高。亦都試過佢嘅泡飯，都係好足料嘅。但係佢嘅營業時間比較短，通常三點前都會閂門，有心黎食嘅就最好一點左右嚟啦，如果唔係好多好食嘅嘢都會賣晒

連平日不食魚🐟的朋友也讚好👍🏻可想而知，味道有幾正。味道咸鮮，魚肉夠滑帶魚油甘香。「一夜情」咸香魚，一試難忘啊！😋😋小店製作，上菜用不鏽鋼的蒸碟，很有住家菜的感覺。老闆友善好客👍🏻☺️午飯套飯，經濟實惠👍🏻👍🏻

住香港仔既朋友介紹就試試，果然幾多特別魚食。我點左芝麻斑，平時街市買都唔平，套餐價$118連熱飲及好好味既無味精靚湯，合理價錢。條魚蒸得剛剛好，食到鮮及嫩，份量唔算大，男士可能要靠惹味既蒸魚豉油食好少少飯先夠，勝在白飯任裝。老板娘好健談，佢係水上人，會自己出海攞魚，所以會不時有古怪好野賣，但就要隨緣。

我自己就好喜歡，尤其是海魚；可惜廚藝不精，不是蒸過籠，就是唔夠熟。🤭偶然在網上看見推介這裏，位置就在利東站出口不遠；早前假日，便和太太到來試試。因怕每日魚量不多，決定先打電話留魚，免白行；因太早到達，其他客人還在吃早餐，侍應端來兩碗例湯(番茄薯仔魚湯)，味道清甜，飲得出完全無落「師傅」，非常好喝，最後我們還把餐飲也改成例湯，超級滿足。😍老闆娘MayMay因會親自到大海釣魚，更能保證魚的新鮮程度；但每日可吃到什麼魚，就要看大家的彩數了；就像今次我們吃到難得一見的「石䱽魚」，肉質比較實淨，不是平常食開滑溜的那種，全因魚內有兩種不同的肌肉紋理，口感獨特、鮮甜、油脂豐郁、魚味香濃，魚肉邊位更是精要所在，好吃。😋另叫了午餐的「清蒸鹹鮮一夜情馬友」，因是午餐，魚比想像中要細條，但以$78來說都算合理，肉質油滋豐盛味濃，口感甘腴柔美，真是佐飯佳餚；但下次叫碟大的「原條一夜情馬友」，應該會更合心意。老闆娘還說笑，只要老爺有時間又唔賭錢，一般都會有馬友吃！🤣臨走前老闆娘更不停推介這裏的早餐好吃，回想今早人頭湧湧的情景，看來也值得專程來試試！🤔#蒸魚飯 #鴨脷洲 #石䱽魚 #清蒸鹹鮮一夜情馬友 #11時後