群心餐廳 (已搬遷) 新店位置

其實搵食唔一定要遠離自己住開既地方先至搵到好野食, 有時好野其實就在你們附近, 只是給店鋪外表嚇唬了而不敢去試, 群心就係其中一間在我家不遠的食店, 雖然都係要搭車先至可以去到, 但不需15分鐘. 今次已經係第三次黎, 前兩次黎都有食焗豬扒飯同湯飯, 因為真係好好味, 之前某某食神亦都有介紹過哩度. 店內貼滿了餐牌 今晚我又再次點了紫菜肉碎魚片湯飯, 餐牌都唔洗睇...一心黎就係想食佢呢. 而女友就抖膽作出新嘗試, 點了炒野 - 干炒牛柳意, 好唔好食?? 去片吧!紫菜肉碎魚片湯飯$34 - 我既至愛之一干炒牛柳意$36 - 實在冇諗過連炒野都咁好味, 真係好驚喜, 下次再黎我會試其他呢, 見到隔離台d煲仔菜出哂煙添, 勁吸引呀熱奶茶跟餐+$6 - 尚可, 但茶味不夠, 不是我心水之列.所以夜晚冇煮飯時, 久唔久都會專登過黎食餐飯.

不知大家有沒有這個感覺，有時候離家不遠，而又有點點距離不太就腳的食店，反之最少幫襯，是日人在家，不想坐車去吃東西，畢竟又不想在家吃即食麵或搞大龍鳳，就決定走一走路，用了十五分鐘走到田灣，吃一個下午茶。是一所很老的茶記，獨自一人的我，坐了在店中央的位置，坐好之後，就看看有什麼東西好吃了，發現原來此店是沒有供應下午茶餐的，那麼也不是什麼壞事，用另一角度去看，那我想吃什麼就點什麼好了。先來一份西多士及熱奶茶，很快的先來杯熱奶茶，用上玻璃杯盛着的奶茶都夠熱，入口很有奶味，所以自然也夠挺身夠滑，感覺柔順，不過稍嫌茶味就不夠濃，那種甘味丁丁的，留在口中只一會，就很快快悄悄的溜走，所以店家不妨留意茶葉的用量，及焗泡的時間及次數，這杯茶，絕對是有空間再進一步的。之後迎來我的西多士，光光是見到它的模樣，已真的口水直流，整件通透的金黃色，加在面的不是糖膠，而是香味更甚的煉奶，加上一大堆的牛油，好肥好邪惡！但也好棒！西多炸得外脆，而內層的麵包還很鬆軟，內裡有點花生醬餡，有點點的花生香之外，最難得的是，麵包也有頗強雞蛋味，很明顯店家真的不惜工本的，讓麵包吸飽了蛋漿才去炸，不要以為這不是什麼了不起的事情，本人實

如果有留意亦想知在甚麼地方該吃甚麼的話，那在魚類批發市場附近，自不然會有不少餐廳供應當日搏到的海鮮。茶記亦不例外，洋蔥豬扒之類的茶記應有菜式這裡都有，但是日來是另目的，試試家常的魚湯，同食友的胃納不多，他珍惜地囑咐伙計白飯扣底，少一點也沒所謂，重要是莫浪費，偶也主要想飲碗湯，連飯也可省略。用大眼雞滾的魚湯，湯稀略帶魚的微鮮，當然亦有其他配料的甜味，很家常喝得滿意。閒聊一會後，車上靜思，原來生命中其實也有一些叫人忘卻不了的價值。

差事來到了香港仔. 事成後因為拜訪地點不近香港仔巴士總站, 所以便掉頭走. 行到身水身汗的來到田灣. 準備食完閃.其實係一個wrong decision, 由利群行返過黎, 路程不是太遠, 但成段路完全空曠, 受盡烈日暴哂, 實在是不好受. 入到田灣, 就選了巴士站旁邊的一間舊茶餐廳. 正式來說, 是搭車來的時候已經選定為possible食lunch既地點. 所以不作考慮, 就衝入去, 坐卡位.此店長期有一個千載不變的快餐供應, 我點了一個洋蔥豬扒飯, 加埋凍野飲都只係$30. 係中西區, 已經是很難找得到.天熱, 行到熱, 捨棄喜歡的熱奶茶而來了一杯凍的. 老茶餐廳的奶茶, 大多數的出品都有信心保證. 因為所有東西都是憑經驗取勝. 奶味香, 茶夠濃. 凍飲一樣有味道.再來是一細碟洋蔥豬扒飯. 份量輕盈. 豬扒就一小塊. 洋蔥汁有味, 多洋蔥. 再伴上半熟的洋蔥絲, 令味道更加香口. 味道雖好, 但塊豬扒就非常之細件, 而且薄蔑的. 真的只需要玖三啖, 就食得哂. 價錢係抵食, 但份量原來計番俾你.輕快的食完午餐, 行去巴士站.....回市區去.

見佢有卡位,不過下晝都有日食煙,成間舖就好舊,有個大肚腩唔知係師奶定肥佬ge夥計走埋黎落單,叫左個牛丸米同熱奶茶,點知d牛丸好似用咸魚醃過咁,咸到無朋友,真係點都食唔落,不過佢杯奶茶就幾得好有茶味,好鬼傳統茶餐廳,食過蛋治都幾ok,你話想歎奶茶同三文治,我覺得又幾唔錯喎!

前幾日俾肥安娜點左去買外賣,落雨時要去買野已不好受,但途中遇著雨越落越大,就算有傘子都無用,卒之去到時,褲子已濕了一半.之前見肥安娜話呢度的咖喱有幾好食,於是跟佢叫左個咖喱雞飯,跟湯及凍飲,兩個餐共$62,都幾貴.千辛萬苦拿到回家,當然要立刻試試,d雞係炸過再煮,好有肉汁,幾好,而咖喱汁唔算辣,不過好香,配上薯仔,味道好match.我個餐要左白湯同凍啡,白湯係普通罐頭湯煮成,似乎油膩左d,而凍啡就一般茶記水準,無乜特別.原來外賣價錢無論係咪上門,都係一樣價錢,早知係咁我就唔使咁辛苦啦!