羽壽司 (已結業)

今日放lunch 都唔知食咩好, 行行下經過羽壽司見唔駛等位, 就一於同同事入去試一試.一拎起本lunch menu 見到有好多choices, 價錢唔太貴, ok好抵食架, then 我就order 左個salad , 一客芒果3文魚卷, 仲有個什菌手打烏冬, 係我favorite , because 佢係蕃茄湯底, 加埋d mushroom, 唔係好油, 清清地, 幾岩我食]] 幸好佢地出餐既時間好快, 落完order 好快就有得食, 再飲埋杯free drink 都係around $70...而其他同事食個d 魚生飯呀, 什錦sushi 都好似好好食甘, 下次一定會再黎試埋其他sets!!

曾幾何時我係羽壽司ge 忠實fans,但經過今晚真係對佢徹底的失望!!!先係一碟海膽軍艦壽司,menu 張相明明係海膽舖滿件壽司,我之前食過亦係咁,但今晚竟然無啦啦多左兩塊青瓜,佔左1/3 位置!!而剩返0個2/3 亦都只係得de 海膽碎,同張相絕對係差天共地! (可惜唔記得影相...)忍唔住問waiter,佢只係一句"menu 寫左相片只供參考" ok,fine,佢咁講我都無野好講!咁即係下次2/3 係青瓜得返1/3 係海膽都無得投訴啦!之後有碟香葱吞拿魚腩軍艦,估唔到呢碟仲得人驚!!de吞拿魚ge 色好似罐頭吞拿魚醬咁!!!! 忍唔住試左舊,de 味真係唔多對路,又再問waiter,今次問另一個,好彩呢個好de,肯同師傅講,結果終於換左一碟正常的...除左呢兩樣外,無論係炸蝦卷,又或炸軟殼蟹手卷,都係凍冰冰的.....失望透....唉~

食過美孚個間覺得ok~點知入到來就中伏。。由於妹妹先到入左先（基本上唔使等，假日午餐都可以唔使等。。都知咩事？）坐到入去，點完餐仲要到哂野食！但係茶都未有！！咩服務？！（聽到原來隔離枱都有投訴！）個場唔大，坐左7成左右，但已有6／7個侍應！！都可以無俾茶！！小妹點左餃子拉麵，來到發現餃子已經浸左係湯入邊。。仲要浸到全淋。。（有冇常識？炸物放湯？）食物質素只屬ok，絕對不算好食。等左好耐依然無茶！只好叫餐飲。餐飲來時，只聽到侍應講左一個蜜字就放低2杯野飲。仲要放錯2次先放岩過來。總結就係，食物唔好最少都訓練下員工吧！人多但個個都是但求其做，有咩意思？點留客？

我記得以前有個同事好喜歡吃呢間壽司,經常聽佢話羽壽司,波子壽司.今日跟男朋友經過..又不知吃什麼..相請不如偶遇~我們決定入去一試.當時我們是7點左右入去..不過以日式餐廳來說,算冷淡的了.來到當然要食我一直都好期待的波子壽司個樣買碌碌..爆可愛~波子壽司內是一小塊飯團.外面用魚生包裹住..一口放進口內...好鮮甜.

店員服務極差,食物＋分普通,不值再去店員叫幾次不回應,上菜還整到我也不道歉,態度散渙食物和其他普通壽司鋪比較差很多,賣的價錢不合理.一定不會再去真的很憤怒及不滿

D野食好耐都未到，服務好差，好難食:I order a lunch set and the food didn't come. I asked the staff and she told me the food was coming. However, the food had not come even after thirty mins. I asked another staff and he told me to wait...... Still not coming...... I was angry and they eventually help me to chase it!!! Poor service!!! The food is not tasty too! I won't come again!

呢日同姐姐連埋朋友一行五人去左APM,官廣果邊行街,行到有D餓經過鱷魚恤中心見到有間羽壽司,見未食過呢間就試下啦...我地等位大概等左10分鐘左右,叫左好鬼多野食..食到好飽,大家可以睇睇D相架..真係OK架..之前食過好多間,但係呢次就覺得唔會令人失望囉...份量都OK,服務也還可以,不過要叫斟水,可能都係比較多人果日,等待食物時間同平時其他壽司店差唔多.D刺身都OK新鮮,由其牡丹蝦唔會話太細隻,值得一試,另外佢呢間鋪隔離開左一間叫米筒既越南美食,D野食都OK.我地都叫左一D試下,一次過可以試2種唔同口味既食物,感覺好好,因為平時要食多樣食品,就可能要去幾間或者食自助餐,但係呢度就可以2邊叫,大家不妨約多D人一切share試下...IMG:3]刺身拼盤

食過其他羽壽司，呢間最差！食物：魚唔凍好似唔新鮮，賣相唔得，刺身又細份。服務：員工連有咩食都唔知，再加年初四咁嘅面口。優點：隔離元氣要等位等一粒鐘，呢度唔洗等大把位任坐。

已經突登係office偷步早5分鐘落黎食lunch, 但都係要遲到, 事關我碗帶子拉麵足足遲左20min!!! 激死~! 我朋友碗麵到左10min我碗野都未到, 隔離枱遲我10min入座, d魚生都到埋, 食埋我d野都未到!! 前後催左3個waiters, 都冇用, 再等多10min, total入座計, 20min先等到碗麵!! 真係嬲爆~!side dish 有壽司同中華沙律。三文魚壽司: 三文魚梅梅地2件太卷: 一夾就散, 一個字: 差!碗拉麵--難食, d拉麵黐埋一舊, 好似原裝冇煮過既一舊, 都唔知個廚師有冇撩開過d麵, 而且d麵淋晒, 一d都唔彈牙~ d帶子, 又細粒又冇味乾淨淨, 我要點豉油食先叫做有d味~無論service同食物既質素都好差, 以後一定唔會再幫襯!

Lunch set 有拉面, 前菜, 沙律, 4件壽司, 好似好豐富, 但質素唔ok, 有甜品,可以揀野飲或雪糕. 最後揀左雪糕, 但竟然最好味係紅豆雪糕 (雀巢).不過佢地 d service 唔ok, 我問佢雪糕有乜野味, 佢話紅豆同埋呍呢拿, 咁我揀紅豆雪糕, 點知最尾佢比左呍呢拿味比我喎, 因我唔食呍呢拿, 咁我要番飲品啦, 點知佢又去左換番紅豆比我囉. 仲要超奇怪呀, d wasabi 好嘔心, 一打開我以為變左, 好水啫喱狀, 我叫個waiter換啦, 佢話係咁, 特登加左啫喱落去啦, 有相俾大家睇, 跟住我話可唔可以要正常wasabi, 佢比左d 外賣wasabi我囉.

依次都係第3次去食sushi^.^"因為平時都唔係幾捨得太過花錢>.<"果日同朋友仔行apm到到都排哂隊就行左去鱷魚恤到睇下啦...一行到去見到有間咖喱屋...本來都諗住試下...但見好似冇咩人等咁(可能因為日本輻射件事既影響啦)之後又見到隔離有間羽壽司做緊八折開頭我朋友都話:"怕唔怕有輻射丫"另一個朋友就話如果真係有事既食環都唔會俾佢地做生意啦我地幾個都覺得佢話得無錯...於是行埋去睇下menu啦原來佢地menu隔離放左塊牌上面寫住因為日本事件...佢地已經轉左去其他地方拎貨...我覺得呢下對顧客都叫負責任囉唔似之前見到其他壽司店咁...最多話某d貨品係日本黎就暫停供應完全無講自己d貨響邊度黎可能大部分香港人都驚輻射...客人都唔係多...我地一行6人好快就可以坐低仲好快叫左好多野食...好快放滿晒張檯有位侍應好好咁走埋黎同我地講俾多張檯我地招呼真係唔錯...不過有一點就令我地嚇親我地一飲完茶...半杯都好..都即刻會有人埋黎加茶雖然我唔係成日食日本野...但今次我都幾滿意我諗有機會既我都會再搵埋D朋友再去多次

呢日去觀塘接女友收工,諗住喺apm食完飯上樓上睇戲,但係就間間都無位,於是就同女友兵分兩路,喺元X及呢間羽等位,結果等咗20分鐘左右呢度有位,反正未試過,就嚟試吓啦入到去睇menu,嘩,點解咁貴嘅?(原來呢度啲壽司大部份都一客兩件,實際價錢同板X差唔多啫)叫咗啲壽司同熟食珍珠蠔壽司:好鮮好大粒,正(做緊特價$20/2件)皇帝蟹柳壽司:須然係仿蟹柳,但都好重蟹味(都係特價,$20/2件)活壽司:睇住師傅即撈即劏,食落感覺零舍鮮乳龍蝦壽司:隻蝦好靚,食落都ok啦鯨龍魚壽司:須然唔知係咩魚,個樣有啲似章紅同油甘,但食落魚味濃,比以上兩款都好食黃鰭吞拿魚壽司:顏色唔係好新鮮,個經理解釋呢隻黃鰭吞拿無加人做色素,所以賣相差少少,我就照食啦,咦,真係幾好食,肉質仲比一般吞拿魚滑芝士煙肉焗蠔:蠔夠大隻而且焗得好香韓式野菜餃子鍋:湯地辣辣地而且夠熱,冬天食一流最後再encore珍珠蠔壽司食物算ok,唯一美中不足,可能因為太忙或者唔夠人手,好耐先加一次茶,同埋上菜速度較慢,不過見到個個員工都好忙,算啦,下次都會再嚟食嘅

得閒經過呢度,又肚餓,,,依家貪方便來呢間食,2個人,冇坐到bar枱...叫左1個餐再另叫左幾件壽司,,,,壽司飯係手握的,但可惜飯ge 質素普通,咬口麻麻,又唔夠酸,,,用料就1dd啦,有d好似唔夠新鮮..不過都好過元綠n倍ga啦,,,但係烏冬麻麻,面c湯(唔識打-.-||)似係用粉沖o個d咁...d小丸子都有哂心理準備係現成野....不過呢d都係試一次好似...我都係鍾意峄壽司多d....

難得今日公司放半day~約左女朋友去觀塘食飯!已經唔想再在APM食,但又想食壽司,唯有試下羽壽司,之前經過銅鑼灣已經想試,不過已經結業!去到門口比我預其中多人排隊!等左一陣,門口的姐姐友善地呼喚我們進入可惜所有迴轉位已經比人坐晒!門口的姐姐又有親切地解釋可能等候需時,唯有放棄叫左特價油甘魚,OK啦燒三文魚頭,想像中好食!叫左部份壽司同串燒!不過上菜比較慢令人失望的是海膽同三文魚籽都賣光!不過有位男侍應就介紹一種活魚壽司(左口)其實我同女朋友都不知是什麼,只知道是新鮮,Order左兩客!感覺不俗不過不知是不是埸地還是他們忘記開冷氣,有點兒焗促另外,那些侍應不時清檯面食物,感覺好像想趕我們離開值得一讚: 雖然比較繁忙,但大部份侍應生有笑容, 客人追單時亦有禮回應 :[[ 唔好意思! ]] 並立即追單及上菜。有位穿著西裝的男人亦有向我地解釋今日係特別日子所以暫時所有優惠都暫停..可惜不過竟然不厭其煩地解釋如何成為他們公司的會員!值得一提!總括.這個晚餐十分愉快!雖然食物上菜比較慢和少有主動加水>.<需要改善不過他們的細心和主動!笑容會令我賓至如歸的感覺!希望下一次有機會試到海

是日冬至諗住食好啲,食日本嘢無死啦坐座叫了個Set, 义燒鳥冬十壽司十嘢飲或雪糕唔問唔知跟餐無雪糕食只有蜂蜜綠茶或茘枝蜂蜜,喺落單時又唔講义燒鳥冬啲燙係奶白色但聞落係出前一丁的粉包味,义燒唔似义燒壽司啲飯真係似喺雪櫃度攞出嚟攤番去室溫,凍冰冰茘枝蜂蜜,嘩甜到難以入口,加了一杯水先可以接受