翁記 (已結業)

十分抵食，一碗牛丸面只是十三蚊，而且湯底見斤両，吃到最後一口還是很美味。仲有超正的自製辣椒油，老闆娘堅決不賣，結果反成為最大的賣點，招徠很多為吃辣油的顧客。一碗三餸麵，一碟油菜和一支飲品，埋單也不用四十蚊，真是平靚正。只是地點不太易找，但花些時間找這價廉物美的食物，也很值得。

經一位住附近的朋友推介 年紀很小已經開始食 經過都會來食吃 那時候一碗牛腩都都係八個半 宜家已經加到十二蚊通脹的威力真勁 無變係矩位置 在後巷入面 或者係大街穿過一座大廈雖然環境望落去比較髒 地板黑蚊蚊 但經常都有很多街坊來吃 有時要在街上加枱 食物價格雖然加左價 但都算便宜上星期經開又點左牛腩麵牛腩又淋又爽口 肉味充足幾新鮮 分量又不少麵質一如以往點了幼麵 好彈牙 好有質感最好吃的就是那個自製辣椒醬, 加少少已經好入味 唔算好辣 仲有喲惹味 一定要親身試過有幾多次行過都沒有開門 一度懷疑係唔係搬左定已經執左 好彩唔係

嘩, 我年紀很小已經開始食這家店, 有時候會專登坐車過來食吃。它是在後巷入面的, 在一座大廈的出入口, 其實真的很特別。雖然它比較髒, 而且經常都很多人, 很多時都要坐到後巷的街上加開枱子, 不過亦會覺得另有風味, 哈哈。它的食物便宜, 而且雖然員工及老闆都非常忙, 但都會落力和很nice的招呼客人, 真的很開心呀, 好像都是街坊那樣。而它最最最最最好吃的就是它那個辣椒醬, 就算只是叫一碗淨米, 加些辣椒醬, 已經係非常非常好吃的了。它的辣椒醬似辣非辣。而且不只是一個辣字, 不知道為何其他地方吃的都沒有這種感覺, 真的是要要親身試過才行。就算它新開的那家間, 都總是好像有些不同。食物味道好像沒有那麼好, 連辣椒醬都好像有不同的味道。但我最近多次行經都見它沒有開門, 所以一直懷疑它是不是已經結業了。

由細食到大，食咗廿幾年，一直保持水準，從未試過下面位朋友情況。西環有兩間翁記，一間由阿仔一家經營，一間由阿媽經營。這裡是舊舖，在屈地街火井裡，無冷氣，地方大些但比較殘舊，最近開始逢星期日休息（老板娘話，年紀大，要休息吓！）行二分鐘就可到新舖，在龍暉花園，有冷氣，有辣椒油賣（一年前買過）。我多數幫襯舊舖，總係覺得好食Ｄ同好坐Ｄ，但佢收得早，所以祇可以放假去。最愛：自製辣椒油（只此一家，不過咸多過辣，但好掂）蔥油渣 + 冬菜 + 豬骨湯底（切記，先試湯再試辣油）牛腩、大腸、粉腸（去晒Ｄ肥肉，好淋）蘿白、豬皮、豬紅（好淋，好入味）牛丸（好濃牛味，成日見人一袋袋買走）從來未試過：炸魚皮（因為係交嚟既，怕有油溢味）

西環隱世車仔面......從小我便食這間車仔面了...搬了柴灣後間唔中返舊屋我都會再黎食下的!在後巷的內一間面店..如不是街坊都不會知道呢~~~一直我叫佢做< 污糟面 > 的.....因為他的環境和廚房都比較污糟 !!好多年前還是$7 ~ 8 碗..雖然有點污糟..但好好味又好抵..現在加價了不過都不是很貴! 三竇面$13 : 有魚蛋 , 牛丸 同魚較...加了辣睇落好似好辣咁但其實一點都不辣 四餸面$15 : 有我至愛的豬腸 , 蘿白 , 豬皮同粉腸...四餸都係$15 真係好抵..數年前他已在附近下二絛街開了一間新舖了.....無論坐位環境點都好過這間的..不過已沒有了那舊式的味道了........

15/12/2008 約2:15pm翁記聽得多,但發現此店卻是偶然一次經過才知地點放工未吃午餐,早幾個站下車就來吃老店賣的是簡單,所以餐牌來去都是那些要了四食送河,有粉腸、大腸、豬皮及蘿蔔上桌大大碗,多多料,未食都覺呢$15係超值粉腸及大腸都洗得很乾淨,又冇肥膏,又稔又入味豬皮很夠味,比街邊買的豬皮魚蛋還要好吃蘿蔔三大舊,全部冇渣,兩舊稔甜一舊有少少苦粉按比例變得比較少,不過遲食午餐就冇所謂席間有食客吃完堂食,更買魚蛋、牛丸等等丸類外賣她也真係豪爽,幾斤幾斤的買,埋單三百幾蚊打理店裡的二人也很禮貌,對她前後講了近二十次「多謝哂」之類說話其他食客即使只吃十蚊麵食也以禮對之見其買這麼多,看來下次可以試下此店之丸類

十一月十三‧晴 西環有兩間翁記，一間在龍暉花園那邊，另一間就在火井這邊，看餐牌及店內的格局，有理由相信，兩間是姊妹店來的。而兩間店也有蔥油供應，沒花假了。 為了再吃蔥油，就來吃碗麵。要了四「送」米粉，有粉腸、大腸、豬皮、菜及蘿蔔，一大碗滿滿的，很有睇頭。大腸不算肥美，但炆得稔又入味，跟粉腸一樣好吃。豬皮夠味道，也沒有異味，不錯。蘿蔔有一點渣，但吃起來也稔甜，交足功課的。 當然這裡的特色，是蔥油渣。慢火將蔥段浸炸而成，充滿香味，是很地道的潮州佐料，也好像沒有幾處地方可以吃得到了。 埋單26蚊，吃得飽飽，食物也有水準，難怪是其門如市的。