翠園 (黃大仙中心北館)

營業中

休息中

平日飮早茶，冇諗過會咁多人，差d以為唔洗錢，2人枱要等13個號碼！諗住翠園價錢中上，以為會少d人，係我見識少吧！我先講食物，翠園蘿蔔糕是出名的，幸好仍保不失，唔會好實，有蘿蔔香味另一個是鳳爪排骨煲仔飯，記得要成$40，比想像中大，排骨都算多，ok好味！跟著的魚肚蝦膠，比較油最差就是這個燒賣,見到張相你都覺得佢又細又硬又乾吧我知飲食業永遠都唔夠人手，我已經不評論沒有人招呼，要自己加水的問題，而係俾我領會到一間應該是高級酒樓是怎麼樣：1）當你個個都係熟客，或者喺佢酒樓做，好清楚d 枱號，俾咗張飛你，你就自己搵啦！唔會有人帶位或答你張枱喺邊！2）未執枱就已經叫你入去，望住佢執枱，感受下佢幾咁忙碌！3）叫咗埋單，可能要精確嘅計算，請等20分鐘才可以完成俾錢，或者佢唔介意唔收錢！唔吹張單都唔返黎！高級食肆應該無論食物質素、服務、環境都環好，如果只係某d分店做到的話，那麼唔該平民區分店收平民價錢吧！

其實翠園真係好貴但好食，不過婆婆中意食就同佢去食下。我地幾個人，叫左燒腩仔，鐵板叉燒，花茹紅燒豆腐，同紅豆沙燒腩仔做前菜真係不得了，外脆內軟，熱辣辣，好似岩岩燒完出尼咁，其實唔洗點芥末已經好好食。鐵板叉燒，份量有點少，得幾塊。。。但好香。叉燒唔韌，而且D汁唔會太鹹，點多少少都冇問題，可以送飯食添!!花茹紅燒豆腐，一般，沒太大特別，係佢的菜挺多的，以為好似圖咁得幾棵，係底下都仲有幾棵；冬茹挺腍的，夠晒入味紅豆沙有點稀，因而比較淡，而且紅豆份量唔算多。有點失望不過其實整體翠園的食物唔差，睇得食得，只係價錢有點貴，間中食都可以的

其實本身冇諗過係翠園食，因為一來貴，二來要等好耐，但因為另一間酒家有人擺酒，所以就去左翠園。今次都等左30分鐘入到去諗左好耐先叫，因為要睇價錢.......燒腩仔係前菜，外皮十分脆，肥瘦均勻，故特別香，咬落口軟腍腍，亦醃得好夠味鮮腐竹豆漿浸菜遠，豆漿味唔太重，但湯還是夠味好飲的，應該是用了上湯吧。菜心亦唔會太硬，因為用了鮮腐竹，所以唔會太油膩，除了菜心及鮮腐竹，還有少量的胡蘿蔔及芽菜，挺適合素食人士紅豆汾有點失望，因為有點稀及有點淡，應該是加了太多水，而且紅豆份量有點少；之前係食開紫米露，挺好食的啊！整體來說不錯，只是價錢有點貴

星期六一早同阿爸阿媽去飲早茶，揀左呢間價錢唔平既翠園，諗住食好少少第一碟黎到既係鮑魚撻，推介，個撻皮做得非常好，有牛油香味，面且好鬆脆，唔係死實實果種脆，鮑魚下面有啲肉粒，同有調校到岩岩好既味道，成個撻都好出色有一小塊金華火腿點䮕，顯得精緻，魚肚無咩點炸過，食落唔會成口油，唔錯餃類就比較差了，餃皮太粉，太軟，唔彈牙，食落黏口，雖然入面啲料都算新鮮，不過餃皮扣晒分了牛肉球可以的，肥瘦適中鯪魚球值得推介，魚肉爽口彈牙，係自家製的，而家唔會覺得腥出面比較少有得食，所以雖然奄春雞比較高膽固醇都要食下，又唔錯喎，豬肉唔會太肥，肥瘦適中，雞蛋細細粒，配埋個豬肉岩岩好💪總結：食物質素ok, 不過價錢偏貴，而且環境一般，啲枱擺得好密，而且睇得出佢啲餐具，桌椅，係有不同款式，啲櫈既款式高達5款，格調即時下跌左唔少。

出餐時間太慢 而且服務態度很差 令人感到非常失望！！點心味道都非常一般完全唔值呢個價錢！！！落單亦有甩漏;(完全唔會推薦去食!!!!!!!!亦都唔會再去!!!!!!!!!

星期六陪阿媽飲個早茶。之前去開龍翔道嗰邊幾間，係就係平，但服務越來越差，間間都要搭枱，又嘈，啲枱又斜，櫈又殘又多污漬。一心諗住搵間坐得舒服啲，唔駛咁嘈咁逼，貴少少都 OK，所以去咗翠園。點知都係一肚氣。未夠十點去到，唔駛等位，去到就入得。但兩人佢係畀張細方枱，仲要同隔離嗰張只係隔開唔夠兩寸。感覺同喺大家樂坐四人枱嘅一邊打對面坐冇分別，只係張枱大少少，同埋周邊嘅枱都近，都係一個字「嘈」。我地兩個人食唔到太多嘢，第一 round 叫咗個鳳爪排骨飯，粉果，同埋春卷。首先嚟個飯，正常。跟住嚟個春卷，都 OK。兩樣都食晒，個粉果仲未到，媽想再加嘢。第二 round 叫咗個炸鮮奶包，同埋鮮竹卷。個部長落完單行埋嚟，我聽到佢話「兩位要炸鮮奶包呀？」，我冇聽到佢其實係話個鮮奶包未有，我以為佢 confirm 我係咪要個包，我答佢係。一陣個鮮竹卷到，吃完，個粉果仲未到，叫佢跟下單，佢就走去 print 張 order 紙話有落到，但我就見唔到佢落炸鮮奶包，再問另一個樓面，佢話鮮奶包 11 點後先有。我已經開始有啲唔耐煩。再等，個粉果始終冇出現，我媽又問個樓面，佢話佢地喺出面忙，唔會知廚房點做，佢地睇唔到

其實嚟得翠園，都預咗d野唔會平，只不過cp值唔算太高，不過嚟得飲茶都係同d親戚朋友吹下水，要求唔使太高。春卷同鳳爪都係普通貨式，冇咩特別。至於個菜苗餃同羅漢齋腸粉，我覺得都係還好，起碼d菜夠新鮮，腸粉又夠滑。雖然晨早流流食炸野唔太健康，不過我實在太中意食炸雲吞啦，同埋個沙律明蝦餃係我最愛，真係次次去酒樓都會叫。而媽媽最中意食係個流沙包，因為真係有流沙，同埋唔會好甜，仲有少少蛋黃味，趁熱食一流。其實食物質素係ok嫁，只不過呢個價錢，可能選擇會更多。

今天和家人去翠園飲茶。去到直入，不用等位。這酒樓好細間，店內的枱較其他酒樓迫。飲茶飲茶，茶水非常重要，水仙好香，茶葉沖了幾次茶味還在。翠苑價錢貴我知道。但有一個點心成$58，我見好多枱都有叫，咁係其他酒樓未見過，當然要一個來試試！就係一口南非鮑魚撻！一碟有三隻，餅皮上面都有一隻完整鮑魚，鮑魚有4cm咁長，這個價錢算抵食。還叫了鵝肝酥，造得非常精美，是三隻天鵝。其實是炸芋角，芋蓉包住的鵝肝，細粒到差點找不到，完全沒有鵝肝味，還要凍的鮑汁炆鳳爪，好味，炆得好入味，值得推薦。

每一次去食都沒有改善，餐具永遠都係污糟邋遢。我去問服務員可唔可以換啲乾淨啲餐具，佢竟然係我隔離啱啱食完飯走咗枱果張枱到，攞咗嗰隻骨碟俾我用簡直毆心。服務態度一般，嘢食一般，去咁多間美心中菜廳E間最差，最污糟邋遢食落肚啲嘢都唔知乾唔乾淨。人流多唔係藉口，如果去尖沙咀美心集團嗰啲酒樓，都唔會咁污糟，只係洗得唔乾淨唔小心即刻換返隻乾淨嘅俾你，仲同你講唔好意思。點知這間d 碗碟換嚟搬去都係咁污糟，次次去吃飯都咁污糟，服務員重同你講係咁㗎啦。真係不知所謂，收嘅價錢不成正比，寧願上去上面嗰間酒樓食，乾淨同服務態度又好。

美心旗下酒樓講真食一次氣一次，服務態度真係好有需要改善下，餐牌又沒有提供要問才拿來，叫人幫手加水好似有點阻礙她們，結帳一句多謝都沒有完全零交流，今時今日....唉！$30 煎胡椒包沒有胡椒味，餡料太實口感一般澳洲甜酒煎三文魚 $158 恒生咭88折有西菜味道，精髓落在個汁處酸甜清新！澳洲松露醬安格牛炒飯 $148 恒生咭88折松露醬算多香口，安格牛太碎了吃不出味道，飯身乾香口，整體可以！

在訂位時巳講左話有bb車，但到比位既時候比左個出茶水位， 以免bb比滾水淥親 ，被迫放係另一個最少上菜既位。之後有一位白衫扎馬尾既姐姐(@12:30)吋我地話唔book位既時位唔講有bb車阻住佢做野，重係咁撞我地個bb車…大家如果有小朋友既話都建議搵第二度食

1.隻金豬雖然皮脆，但嚿嚿厚肥肉冇辦食2. 紅燒菜膽排翅個湯「傑」過碟花菇半原隻鮑魚芡3. 龍躉係養魚4. 雞係雪雞屋企人生日，包房食餐4000蚊起，無諗過翠園會咁差，好失望

同屋企人飲茶就黎到呢到吃 翠園呢間黎講 裝修都幾新 應該係開左冇耐 見到好多點心就想快d食 不過我等位都等左30mins 都有少少雲耐架 點心都OK 唔錯 正正常常 因為食左太多 都唔記得左點講好 但味道係唔錯

我推輪椅帶媽媽飲茶，用apps 拿飛過了5分鐘，但就要再等3張枱，差不多30分鐘才有位，那跟即場取飛跟本沒乜分別。坐下落單叫5個點心，竟然都要等30分鐘，鳳爪、牛肉才到，之後又再等30分鐘，見其餘點心還未到，追問幾位阿姐，但都敷衍我說就到啦，就走了，真發火，叫阿姐check是否漏單，才發現真漏單！有無搞搞錯！訂5個點心，有3個漏了，追單又無人理。食物又不是特別好味，叫高檔次價格，但services就差到離晒譜！

到翠苑飲茶，平時要等很久才有位子，現在有foodgulu 遙距取票，方便得多。2個人飲茶叫不到太多點心，我們點了5樣食品。首先來的是牛肉腸，可以自己倒豉油比起點心姐姐直接倒進去好得多，因為點心姐姐一定倒很多的。腸粉夠滑，厚度適中，牛肉份量不多也不少，味道挺好（都是山竹牛肉的味道）。接著是酥皮龍蝦湯，可能你會覺得在飲茶時點龍蝦湯有點不配合，但這裡的龍蝦湯是不錯的，還有隨湯的蝦卷，蝦卷炸得脆口熱辣辣，性價比頓時提高！還有蝦餃和叉燒酥，蝦餃皮薄多餡，餡料爽口，而叉燒酥外層酥皮夠酥😋，不會是厚厚實實的。最後是蝦春卷（名字忘記了），長長蝦春卷配以新鮮爽脆的西芹和蘿蔔，即時降低了吃炸物的罪惡感！