影片
港鐵銅鑼灣站 E 出口, 步行約8分鐘
繼續閱讀
電話號碼
28816872
營業時間
今日營業
06:30 - 20:30
星期一至日
06:30 - 20:30
以上資料只供參考, 請與餐廳確認詳情
招牌菜
【灣仔區】【翠林餐廳】呢排都會去銅鑼灣嗰邊做嘢，唔止去皇室堡冒記推銀，仲要食嘢。不過大家都知呢啲旺區要搵啲自己一個人適合食嘅餐廳都有一定難度，我今次就行到去聖保祿醫院嗰邊睇吓。有嗰邊返工嘅朋友話有間茶記唔錯，茶記啱我喎。去到係下午茶時段就梗係叫下午茶餐，只係 $34 就有份「豬扒薯條」配「熱奶茶」，份量唔算勁大，不過係即整，熱辣辣，薯條仲外脆內軟，好食。杯奶茶唔錯，達到茶餐廳嘅應有水準，成個餐咁樣我覺得係好港式嘅一件事。跟住我見到餐牌有 $10 嘅小食「煎雙蛋」，就叫嚟食吓啦。好好味，唔係因為佢用咗啲質素好高嘅蛋，而係佢嘅技術令到隻蛋可以發揮到最高嘅效果。可以煎到流心而脆邊，就算唔係用啲咩靚蛋，都係值得我高度讚揚嘅。呢餐係我嘅早餐嚟，所以想食多啲，叫多份 $22 嘅「雙併三文治」，我揀咗「蛋牛治」，都係水準之作，唔差嘅。埋單 $66，食咗咁多款嘢，絕對抵食，而最難得嘅係佢喺食物上同氛圍上都做到茶餐廳感覺，成件事好香港。。。（地址：銅鑼灣信德街15號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #天后 #翠林餐廳 #豬扒薯條 #熱奶茶 #煎雙蛋 #雙併三文治 #蛋牛治 #1am1241 #1ambackup
繼續閱讀
今日係初一，所以要食素。咁啱喺銅鑼灣就入咗去一間茶餐廳，叫翠林餐廳。午餐唔係好啱食，所以就散叫左一碟乾燒伊麵加一杯熱檸水都係$48，銅鑼灣來講算係好抵食。碟干燒伊麵份量十足，配料主要有草菇同埋紅蘿蔔，炒得唔油膩，清清地都唔錯.
繼續閱讀
超級難食服務超差非常差，服務從未見過啲咁嘅茶餐廳，地方又黑蚊蚊污糟邋遢，總之真係唔好入去食黑口黑面啲服務員💁諗住近近地放工食，我叫咗碟楊州炒飯，啲飯超級乾，一定唔會再有下次。大家都唔好入去，佢嘅服務員全部都係趕住時間收工咁㗎🤦🏼♀️因之前有朋友去過話唔好食帶我話可以試吓。下次都係咪攪
繼續閱讀
沒有去食5百幾的情人節套餐，反而花了$106去翠林食2個小菜套餐。真的想不到周圍人頭湧湧的銅鑼灣也可以不用等有卡位坐，點了我最愛椒鹽豬扒，另一半則叫了西蘭花斑塊，足料入味，又有湯，又有飲品，不愧為St.John師兄師姐的飯堂。
繼續閱讀
今天去中央圖書館，入去之前，先要食飽飽。可是不想到圖書館樓下的法國麵包店，於是到附近搵餐廳。來到這小巷中，這二家茶餐廳都是剛好滿座呢！對比二店的餐牌，這家有茶餐，所以選了這家。朋友們選了越式湯河及腸蛋出前一丁，自己則選了印尼撈麵套餐。看著餐廳內電視的新聞報導，茶餐就呈上了。 營多印尼撈麵茶餐 配火腿煎蛋 差不多2年未有嚐過INDO撈麵了！明知道其本身價格，卻又心思思想食呢！心癮之下，選了這款。一小碗已經撈好的營多撈麵，一口一口吃，是讓人懷念的味道。香辣惹味（調味醬料），麵底份量剛剛好，保証不會凸出肚腩。煎蛋中央的蛋黃已熟透，真希望能遇上有蛋油的荷包蛋。 越の御品 越式豬扒湯河 朋友分了一小份豬扒給我，嚐了一口。噢，雪藏味很重。但以廿几蚊的茶餐，不能要求太高。如果加重醃料的味道，應該可遮蓋果陣雪藏味。 <越の御品>，是否即食河粉品牌名字？ 腸蛋出前一丁 轉出前一丁 另加3元 偷食了一箸出前一丁。本身喜歡軟棉棉的一丁，所以覺得這個煮得剛剛好。加上很久未有嚐過出前一丁湯底了，真係好好味！咪就係果包粉囉！ 營多撈麵，出前一丁，全部都是即食麵系列！ 雖然聽聞這類食品的問題，但間中放縱一下，應該無問題掛！
繼續閱讀
您可能會有興趣的...