翠河餐廳 (屏欣商場)

營業中

休息中

乾炒牛河 牛肉大大塊有10塊，鑊氣份量十足，就油左啲啲，收貨。 咖喱雞 估唔到佢薯仔出色過雞扒，薯仔軟硬適中，份量十足，飯同餸分開上。午餐跟例湯。凍檸茶今日水準也不錯，有茶香帶回甘。餐廳座位闊落，大玻璃座位視野開揚。

翠河餐廳全港有好多分店，應該好多人都食過.我本來對呢類集團式茶餐廳冇乜期望，純粹飽肚同夠快就得.今日嚟開屏欣苑食lunch，見附近一兩間食店都幾多人，見到呢間翠河空間大又多卡位，所以就入嚟醫肚.一坐低侍應已經放低咗碗西洋菜例湯（似乎人人都會送？）我叫咗個是日午餐：鮮魚湯豆腐海鮮泡飯。估唔到賣相又幾好！好多地方的海鮮湯飯只係比蝦毛仔、蟹柳再加兩三粒雪藏海鮮粒，但呢碗入面有兩隻大蝦、魷魚片、魚肉，仲有白菜仔同豆腐，份量都幾大碗，蝦同魷魚都算爽口亦唔梅，魚湯亦幾鮮甜，唔錯！$52有湯、有飯有熱飲，份量亦唔少，而且一個人都坐到卡位，舒舒服服唔駛夾硬要搭枱同人逼埋咁坐，我覺得以茶記來講完全對得起呢個價錢！

今日去天水圍探表弟咁我問佢有咩嘢好食啦佢就話其實都冇乜嘢好食咁呀唯有我隨便搵間茶餐廳喇。翠河喺香港都係一個老字號嘅茶餐廳香港亦都好多分店，價廉物美之外仲有好多選擇都係佢成功之處。每日都有唔同嘅精選套餐，我今日點咗佢個德國腸雞扒意粉表弟就點嗰個京都肉飯。我點知分嚟到我以為覺得個腸真係好大條原來同廚師香腸一樣都係咁細條冇特別，我即刻笑咗😂，係我幻想太多，味道還可啦都冇乜特別啲飽個肚就算表弟個京都肉飯還好，新鮮即煮嘅熱辣辣，味道大眾化差唔多冇乜特別，酸酸甜甜擺得落口囉😂既然冇乜特別點解要寫呢，咁其實我主要其實係想講下佢杯奶茶，奶茶係茶餐廳嘅靈魂，叫咗佢杯茶走係唔錯嘅，比大家樂好飲，飲到杯好飲嘅奶茶都可以去試下🤭環境質素🏚：❤️❤️❤️❤️🤍衛生程度🧽：❤️❤️❤️❤️❤️美味程度😋：❤️❤️❤️❤️🤍抵食指數🤩：❤️❤️❤️❤️❤️回頭指數🤩：❤️❤️❤️❤️🤍

呢間連鎖餐廳應該好多人都食過，但係覺得好食嘅嘢就唔多。以下介紹呢個飯🍚，係我最愛嘅美食之一，去到餐廳都會忍唔住叫呢個飯，就係京都肉排飯。😋😋雖然睇賣相唔太好睇，但勝在多汁，D肉都夠柔嫩，最重要嘅一樣野係夠鑊氣，甜酸適中，啲菠蘿🍍都好甜😋😋如果菠蘿🍍多番少少就好啦。總括來講都唔錯嘅碟頭飯。再嚟講下杯嘢飲凍檸茶有我最鍾意嘅碎冰，啲檸檬都係新鮮嘅，睇落去賣相係唔錯，飲都可以下次再介紹其他美食俾大家

今日想同大家推介一下 中午去屏山呢間翠河餐廳叫咗個咖喱海鲜飯 有湯 但係個湯唔熱既 味道更加唔駛講 個咖喱海鲜飯仲PK 得咖喱 三舊仔薯仔 海鲜仲好笑 兩隻仔蝦人 一口迷你魚塊 一條蟹柳 迷你咬唔到鲜鱿兩粒 收我65蚊 我見到仲以為齌咖喱飯 味道又差 我相信如果有人叫都會同我一樣 睇到唔想食 市道唔好都唔係甘離譜 其實應該叫個廚房自已比$食一次 我相信佢都會嘈 希望佢可以學下人哋 我上次去佳x餐廳叫個 海鲜湯飯 嗰D先叫海鲜 又青口又元貝 先50蚊 失敗

相比附近餐廳地方闊落，開業時店員特別友善大方，好感大增。但最近突然連俾多個湯都唔捨得....對每日下午為啖湯落街嘅街坊真係失去吸引力....下午茶就為個平同抵食，但兩點後係你生意最淡嘅時候幫襯你仲要貴到午餐咁嘅價，有何吸引力？屏欣苑就得幾間街坊餐廳，地方就腳，價格相宜一定可以贏得街坊長期支持。如果諗住佔山為王，坐地起價，好快都會失去支持。作為嘆下午茶嘅街坊，係唔會介意走多兩步，真係為節省嗰幾蚊。相比下，下午茶要四十幾食個菜都冇條嘅碟頭飯仲不如行多兩步，M記K記吉記廿幾蚊有埋凍飲....

今日去探朋友跟住朋友就帶埋我去佢屋企樓下呢間翠河餐廳食飯。金寶白汁焗龍利柳飯，職員話焗飯係即叫即焗所以要等15分鐘，因為餐牌上講係用金寶忌廉湯汁做嘅，所以腦裏面就幻想係金寶湯嘅白汁嗰種味道，但係食落去個味道又唔係好似，比較上係似舊式的港式西餐廳嘅白汁多啲，不過都係好好味嘅。魚柳係用龍脷魚嚟做，所以味道同埋口感都唔錯，都食得出係煎香過嘅，都算嫩滑幾好味。其實成個飯都覺得好香，仲食咗有少少芝士味，個飯係炒過嘅係炒飯底，雖然唔係炒得好勁但係都唔錯都幾好味。凍檸檬茶，茶底唔係好香但係都唔係太差，不過就算係甜咗少少。

份量好少又貴，一啲都好抵食，而且好多都係肥膏。。。啲又好甜，又少炒飯份量唔係好多又唔係好少，啲飯有啲乾，而且都有啲淡，料都唔係好多魚香茄子🍆啲茄子好淡，而且太淋，一patpat感啲炸魷魚好鹹，份量都好少，一啲都唔脆，好淋總括嚟講，呢間野啲嘢食全部份量都好少，一啲都唔抵食啲嘢食味道又唔係好味