翠河餐廳 (已結業)

諗住食個快lunch, 入去翠河叫左個蠔仔肉碎泡飯，得幾粒有殼既蠔仔同數粒肉碎都算，個湯真係咸到呢，又多味精...😖太x果個雙比底下又足料又鮮味，價錢差不多。不過呢區泥講叫坐得舒服囉，唯一可取之處

香港茶餐廳連鎖店有很多，大家都只關注吃午飯和晚飯，其實我個人認為吃下午茶是最佳選擇，美孚的翠河餐廳很不錯。無須排隊不在話下，長坐閒談無人催、無人趕、更無伙記敲枱，不似別的小店，而且小食非常香口，值得推介。老婆點了奶醬多，加8蚊飲凍鹹話梅檸柒，夠刁轉，香港相對比較少有。我則點了雞肶加粟米，雞肶既肥且滑，用什麼秘料醃製似的，而粟米就充滿牛油香味，一般的牛油放入爐焗會變味，但翠河的牛油粟米並沒有走味，不錯。然後，再點了炸薯條一齊share，漢堡包店的薯條吃得多，茶餐廳的比較少食，波浪紋的薯條，不但富懷舊風味，而且不覺得淋，炸得很脆。最後，臨走前再點公司三文治，帶回家慢慢享用。但要注意，帶走回家的話，可能會令麵包外面所烘的脆變淋，需自己衡量。

開張以來 只有首兩星期的食物是正常水準， 之後是每況愈下:1.曾經在食物碟上吃出過 落單紙, 膠紙, 罩呢啲鐵線...2. 所有員工態度欠佳(只得一位服務員是正常）。 帶有口音鄉音也不緊要， 稍為遲鈍也不緊要， 但是從來態度也不會友善一些。 收銀員更加不知所謂， 我好像前世得罪她， 唔該前唔該後都黑口黑面， 好像我才是員工?3. 霸氣收銀員今天的問題就是又出現在 這位極具霸氣的收銀員 身上，等了一分鐘處理她手上同其他伙記的事都沒有催她，回頭又是黑口黑面對著你。下了的外賣收據上沒有說明 我點的鴛鴦是多奶， 好聲好氣提問她， 她竟然黑面大聲說 佢嗰張單有寫我嗰張無！ 好有霸氣呀！ 不用多說 拿回去打開來， 飲品照舊難飲！講真如果不是趕時間， 都不打算幫襯！ 現在更不用多說，把此店列入黑名單！ 此店在美孚中依然能夠生存簡直是奇蹟！

琴晚2個人去左呢間餐廳食晚飯，本身唸住是是但但食，點知出奇意料地好味。佢夜晚有晚市優惠set，都唔算貴，叫左椒鹽大蝦，都係五十幾六十蚊，黎到熱辣辣，個汁唔錯好正，辣辣地幾惹味，d蝦都好大隻，唔洗剝殻可以成隻食，方便又好味。之後再叫左個紅燒豆腐，個味無椒鹽大蝦咁惹味，但都唔錯，仲有幾舊花菇一齊整。晚市set有送白飯同一杯飲品，白飯都幾大碗，整體都係一個不錯既晚餐，滿足另外餐廳都唔會污糟，侍應態度好好，不過可能我地夜左d去，好多小菜都賣晒了下次一定要早d去試其他先。

樓面管理極差，職員成日堆埋一堆唔知做咩，成班hea做，有客人都唔拾枱，叫佢地又扮睇唔到，幾乎每個呀姐態度都差，好趕客，黑口黑面，叫佢地寫野好似好辛苦，最好唔好叫，又無耐性，問餐牌上食物嘅問題，答得好敷衍，唔俾人問野甘！早餐好難食，中午，下午茶反而唔錯！建議：既然有足夠人手，不防一位同事負責送飲品，一至兩位負責送餐，一位喺最入面負責招待客人，一位喺入門口嘅位置，可以避免職員間互相推責，而每個崗位都有人招待人客，唔洗舉極手都俾人當透明！

好味早餐@翠河和小朋友去食假日早餐~~~今次去翠河~~拿，事關翠河D位坐得舒服~~~~而且有卡位........D姐姐都OK醒目杯茶走認真好味!!!!!!!!!!!!!真心覺得：茶記的茶走才是一杯好茶走!!!!夠茶香，又夠奶味，甜度剛剛好!!!!!!!炒滑蛋呢樣野，真係睇落正食落更正!!!!!!!!又香又滑加上塊煙肉又厚又脆真係想食多幾塊仲有個脆油朱係熱架!!!!!係脆架!!!!係好食架!!!!!30蚊之內，想點呢？唔錯!!唔錯!!唔錯!!

趕時間先去茶產廳，可以先比左個餐你食，不過永遠唔上飲品，你追單的話，服務員態度惡劣，好像回了大陸一樣，一係突然弱聽，一係發你皮四。再問一次，就聽到服務員A怒罵茶水廳，又再番大陸一次。一句講灑，去翠河食野要好有耐性，唔趕時間。

第二次黎食真係唔會有第三次！一定唔會！員工見到客人舉手扮睇唔到我都唔介意態度差但唔好扮睇唔到囉😂😂😂廚房同樓面傾計係食客旁邊大叫，好似唱山歌咁差d啖咖啡都嚇到噴出黎！Cashier 長期無人企！明知等俾錢都要傾埋先行出黎Oh sorry 我要求高左🙇🏻🙇🏻🙇🏻

今朝早同班friend去美孚公園影相,影之前諗住食過早餐先,就黎左依間翠河,我點左火腿通粉加多土炒蛋,多土咬落脆口好食,而炒蛋我覺得都滿意,份量足又夠厚,食落滑滑o地而且蛋味夠,火腿通粉就欠左dd,因為湯底咸左d,通粉又硬左小小,口感就真係麻麻,好彩d火腿補夠返,夠多,而且味道有返火腿味,但都係過咸左,因為有咸湯底關係,整體算可以接受!

晌美孚區有咩多？人口多，菲傭多，就喺茶記夾快餐店多 。所以，逢星期六我同老婆都會出街食早餐，輕輕鬆鬆慢慢嘆，至於今早食邊間，揀嚟翠河，喺幾間美孚茶記值得翻兜之一。環境唔多講，因為以前食評提及過，總之鍾意佢光猛闊落，乾淨企理，樓底又高，空間感強 。照抄上次個食評，就喺早餐依然喺A-I共9款，供應時間去到12:00pm，定價為$24-$30，即喺過咗年個價錢都無變 。 早餐I $29 上次我就食早餐I，今回就輪到老婆試，其實，食吓食吓都喺一齊食，無話邊個試邊樣。個意大利蕃茄濃湯薯仔通粉依然濃郁酸香，配美式蘑菇腸及煎蛋，份量十足，實在飽肚。 蒜香牛油多士 多士用厚切，除牛油、蒜蓉，仲加咗少少香草，味道無疑夠晒香，不過，美中不足喺件多士烘得「求其」，唔夠熱又唔夠「燶」。 熱奶茶 老婆一向飲熱檸水，覺得相對健康啲，但今次竟然興起要杯熱奶茶。茶底醇香，絲滑幼細，喺穩膽之選。 早餐A $29 小弟要咗個早餐A，主食喺忌廉雞濃湯火腿通粉，就喺想睇睇點「忌廉雞濃湯 」，點知嚟到同平時嘅清雞湯無分別，初時怕喺嚟錯，再跟店員確認，眼前依碗如假包換嘅忌廉雞濃湯，雖然味道唔錯，但唔喺

返屋要去美孚轉車,但今日無食午餐,超級肚餓lo!我就係美孚入左翠河餐廳食野,入到去很多位,無乜人,我點左個常餐,有牛油多士加火腿奄列,加五香肉丁公仔麵,凍奶茶!牛油多士好淋lo..好似1早巳整定甘,又唔熱,我食左1口就無食!火腿奄列就ok d,起碼夠大件,火腿份量算夠,食落幾好食!而五香肉丁公仔麵就唔掂,d麵同牛油多士係1樣"好淋",食落成堆野甘!都唔似食麵,而五香肉丁份量太小,得果dd,整體黎講係唔多掂,要講其中1樣ok的,就只得火腿奄列可以

探完朋友落左美孚, 一個人唔知食咩好, 就是但搵間茶記. 翠河我記得好多地方都有, 所以應該穩陣.好耐無食炒小菜, 所以要蝦球花枝片西蘭花$62西蘭花都幾多, 不過較濕同淋, 唔太爽口, 但新鮮既.鮮魷新鮮煙韌, 蝦球都幾爽口彈牙. 整體成碟份量都唔會太少.跟餐飯及飲品+$8, 飯夠大碗, 實夠飽. 飲品華田較淡, 好似落左好少阿華田粉.

收左工時間又過左6點，本來諗住過晒下午茶時間，經過翠河見到下午茶係6點半前，即刻入去食個尾水先。叫左咸蛋蒸肉餅飯，賣相正路，一大舊肉餅中間有隻咸蛋。其實本身肉餅已經夠入味，因為預先醃好，所以無需要再加鼔油上去。肉質算滑，但肥高無乜，味道正常，用以撈飯一流。埋單收37元包飲品，抵食啦。

港式茶餐廳多的是，又便宜價廉物美又保持質素的在美孚區真的不多。全日分時段做特價快餐，只不過三四十元便吃到的碟頭飯，真的抵食。食物質素相對價錢的性價比實在高，揚州炒飯夠大碟，但吃落普通，唔夠乾身，配料少，得叉燒粒同蝦仁，但都好細粒無乜趙頭，肉醬意粉就正常得多，茄醬夠味，意粉軟硬適中。最好食都係魚香茄子，鹹魚味好香，茄子好入味，不過略嫌過鹹。

今日下午我們去咗美孚新邨嘅「翠河餐廳」食下午茶！我們叫咗沙嗲牛肉麵拼豬仔包、豬扒包拼瑞士鷄翼同豬柳漢堡拼煎雙蛋厚多士！沙嗲牛肉麵拼豬仔包嘅公仔麵非常爽口彈牙，沙嗲醬嘅味道調教得啱啱好，唔會太鹹，牛肉嘅肉質亦相當嫩滑！豬仔包烘得外脆內軟，加埋煉奶一齊食，真係好好味！豬扒包拼瑞士鷄翼嘅豬扒包包質好香脆鬆軟，豬扒都幾厚身同多汁！鷄翼鹵得好入味，肉質好嫩滑！豬柳漢堡拼煎雙蛋厚多士嘅豬柳肉味都幾好，煎雙蛋嘅表面好似熟晒，但原來入面係流心㗎，厚多士亦烘得幾香脆！每個下午茶餐都只係廿幾蚊，價錢唔算太貴，都幾抵食！