翠河餐廳 (青山道)

營業中

休息中

奶奶前一晚講過呢度嘅奶油豬仔包好味, 咁第二朝走去試, 點知侍應話豬仔包未返 全部以多士代替。我痴心妄想以為"茄汁珍宝腸煎蛋"的珍宝腸是原條......其實得兩片 煎蛋全熟就無咁過癮 沙爹牛肉麵的沙爹被麵湯沖走, 剩下的牛肉便是有「嗱」味的牛肉。 咖啡有酸味啊~~吉列魚柳好滑, 雜果沙律感覺健康, 清爽, 非常對胃 可惜奶茶的茶葉在杯底, 喝着粒粒令人想忽視之味

食宵夜同朋友去左翠河食叫左個菠蘿雞扒焗意粉頂丫.................咬咬下塊雞扒咬唔開吐返出黎見到都覺得好嘔心成塊未熟好似未煮過咁....叫佢即刻換...佢只係拎返我食過果個再去焗又冇禮貌，唔好意思同對唔住都冇講一手就拎走我碟野真係要black list　呢間野好嘔心.....而家諗起都想作嘔 究竟塊雞扒有冇煮過架？

今晚一行3人到長沙灣搵食... order咗3個小菜腰果炒菇丁: 唔夠味! 而且都幾油~ 鎮江焗豬扒: 個汁好開胃, 但肉質有點死實實蝦醬通菜牛肉: 唔係好得! 牛肉唔夠淋! 通菜好老而且多渣服務方面: 叫侍應攞嘢, 要催幾次先有

去完銀行入錢之後, 於是試吓呢間嘢叫咗我個例牌 : 沙爹牛肉面 + 凍奶茶但係未食完個面佢問我:"仲要唔要 ga ?"我話"未"佢收咗 !?!?!?!?!? 我飲緊奶茶姐, 都未食完 !咁衝動做咩呢 ?同埋 d 嘢都唔係好食得去邊唔會再嚟食

呢間餐廳經常經過但冇食過,幾大間,有四部大電視,我可以一路食,一路睇精探b.仲有私家洗手間,可惜冇影相.....但個後門不是常開,要小心唔好撞玻璃...食宵夜,唔想食太多,所以,叫左港式豬扒飽$15+熱檸賓$12,咁夜食豬扒飽都係第一次豬扒飽好食,唔係超級香脆個種,但個飽都脆脆地,新鮮,材料足,除左豬扒,配料有生菜,蕃茄,酸青瓜(估佢唔到)切開兩份,仲用靚牙簽吉住,好細心~可以見得大場面一大啖咬落去,似厚左嘅三文治,幾實在,唔太肥,少少脆,少少麵包香,幾好唔係話惹味,但唔錯,會再食仲有杯飲品有成4片新鮮檸檬~朋友叫d宵夜飯,超大碟,特別係咖喱飯,$3x,一大碗咖喱,好多薯仔.不過,d夜班伙計年紀較細,一時唔記得例湯係咩會令顧客懷疑,開左全日,呢個鐘數都唔知例湯係咩?係咪好難飲....答案係不知道,我地冇叫到.可能侍應剛開工,未知姐