翠湖海鮮飯店

營業中

休息中

呢一間位於大埔大元邨街市上蓋嘅小型酒樓，點心做得唔錯，幾好食。呢度嘅蝦餃畀得上出面好多大酒樓嘅出品，蝦餃皮夠薄，入面粒蝦都算大粒，而且肉質新鮮彈牙。叉燒包都做得唔錯，入面真係有叉燒肉，唔係一味得叉燒醬，佢個包嘅皮比較薄身。蔥花煎腸粉雖然有啲淋劈劈，雖然夾嘅時候黐埋一嚿有啲麻煩，不過都夠香，而且咬落去個質地都唔錯。嗌咗四樣點心之中呢個炸鮮奶就麻麻地好味，冇乜鮮奶香味，好彩佢都唔係炸到好油，同埋外層都有微溫兼且係脆嘅。呢間酒樓仔嘅點心整體都唔錯。

位於屋邨街市商場上面嘅一間中菜點心餐廳，午市有點心食。餐廳嘅佈局非常密集，午市人多嘅時候要搭枱。鹹水角上枱嘅時候都仲係熱嘅，但係味道一般，炸得亦唔夠乾身。鮮蝦腸粉賣相一般，腸粉皮偏厚令到成個腸粉十分有飽肚感，鮮蝦算係大隻，但係數量唔夠，所以整個腸粉皮多個餡。雞扎亦都係普普通通，裏面嘅餡都同一般嘅雞札一樣，包括咗魚肚，一件滑雞，同埋芋頭及冬菇。但係賣相同埋味道都係10分普通。總括而言，餐廳嘅質素一般，價錢亦都唔係10分便宜，如果要等位就建議可以選擇其他餐廳。

假日約了親戚食飯，親戚推介到大元街市食飯。，大約6:00到去餐廳，唔算太多人，差唔多7:00食飯時間滿晒座。餐廳面積頗大，格局有點似酒樓，適合一家大細。茶芥，每位$12。藍妹啤酒，$35，4人聚餐啤啤佢。川味鮮沙薑豬手，$88，份量頗多又大件，口感冰涼又爽脆，味道香口惹味少許辣，清爽開胃的一道菜，好適合夏日享用。鹹豬骨大芥菜煲，$98，味道有點似鹹菜豬肚湯，咸鮮微酸幾開胃呢。脆皮炸子雞，$128，份量適中，皮脆肉嫩，味道不俗。大壽包(半打)，$68，因為聽講幾好食，包點入口鬆軟，蓮蓉餡份量多，有少許蛋黃，甜度適中，不俗。紅豆沙，送的，有甜品食好滿足。食物水準不俗，價格合理，服務態度幾好，下次的聚餐之選。

有驚喜既飯店見佢開左大元咁多十年決定一試 睇下地道飯店屹立不倒之謎5個人叫左5個餸芝士龍蝦伊麵黃金磚麻辣蒜蓉豬手三色椒薯仔炒牛仔粒蒸沙巴龍躉麻辣蒜蓉豬手第一個到份量勁多賣相幾吸引豬手皮爽脆又夠入味作為開胃小菜一流由於太肚餓 食剩3舊先記得影相😂之後黎芝士龍蝦伊麵一開始賣相唔吸引諗住應該冇咁好食食落龍蝦好新鮮 好彈牙 如果個芝士味再濃啲就好不過都好味第3到 黃金磚豆腐皮好脆 有胡椒粉淡淡味道入邊就豆腐好滑 呢道好好好好味好多人都叫呢道菜 應該係招牌菜第四 三色椒薯仔炒牛仔粒呢度餸有驚喜薯仔外脆內軟又入味最緊要係牛仔粒不斷食完想再食一啲都唔靭最後想上埋條沙巴龍躉即刻撈起即劏即蒸而且蒸嘅時間啱啱好裏面嘅肉係好滑 唔會蒸過龍亦都唔會唔熟呢間性價比極高一定會再encore

屋邨商場下的飯店吾知係咪開左好耐第一次食味道不錯服務幾差（當茶記好了）地方吾大坐得幾迫炸子雞不錯上湯大蝦伊麵好味甜豆班腩一般清蒸班頭腩色香味全失紅酒牛尾好味又夠淋

今日去飲茶高興地叫左叉燒包，叉燒包入面竟然有釘，搞到隻牙痛，跟住要人冇人嚟，最後都係換一碟牛肉。再到埋單計數時仲嬲豬，個四眼收銀員服務態度極為惡劣粗聲粗氣，以後都唔嚟幫襯🙅🏻‍♂️🥶

呢間野好似改過兩次名，不過入面D主力員工就係同一班人，記得以前佢D點心係好食的，不過今日幫襯發現水準下降，但係就價錢好平，都抵食的。蝦餃好食，有兩粒蝦，蝦肉新鮮，餃皮都薄潮州粉果的皮好軟，一夾就散晒，入面D餡雖然新鮮，但係就無以前咁好食蝦腸都好味道，真材實料，蝦肉都係好新鮮，咬落去脆口彈牙雞包仔味道一般，薑味唔重，餡料份量就好似少咗D金沙米網腸就最差，食唔到鹹蛋王(金沙)味，米網係脆嘅，不過入面主要都係白羅蔔，味道同口感都有點怪