翠源星小廚

營業中

休息中

諗住母親節中午返去同阿媽食個飯，費事自己煮。預早兩日經平台訂咗幾個小菜，預訂母親節11:30送到，亦收到訂單確認。到當日上午我仲check過平台訊息，確認我嘅訂單準備緊，點知到11:30先突然收到平台訊息，話餐廳取消我訂單。臨時臨急，突然失哂預算，要周圍搵地方買外賣，真係一肚氣。預早兩日落單都咁，真係無聲出。你唔接單可以一早講，唔係咁衰到送餐時間先取消，玩人咩。如果你唔做外賣，何必要放自己上去網上平台？嘥自己亦嘥人哋時間。

叫個外賣，快就係快手，但係個牛雜係酸酸餿餿嘅，最好食係個水餃，都少得好可憐，得兩粒，菜就食食吓又虫，頭先真係有個衝動打返電話去同佢哋講，因為我真係住附近，又驚佢哋加料比我，所以算數了，冇下次。

今日同屋企人黎左e 間茶餐廳晚飯，入去店員冇幫我地測體溫，直接入座。入到去都好迫下，同多人。隔離枱有食客係咁咳😢，跟住我地調左位，但都聽到其他人都有咳。係不安嘅情況下，急急咁食完餐飯。講返食物，菜單以小菜為主。我地叫左嗜嗜雞煲，同黃金蝦。雞煲都幾好食，多雞，而原本嘅豬潤變左做素鮑片。味道都唔錯。黃金蝦，炸粉較厚，食落都有咸蛋味，蝦仁冇味😟例湯係菜干湯，飲落都ok 嘅🤨最後食到一半仲有長腳蚊飛黎...

如果你睇到個標題，以為有咩驚世美食，小弟喺度鄭重道歉。個標題純粹係因為有感而發，行完山求其搵間餐廳食野嗟。好彩我來食之前無睇過食評，如果唔係我一定唔會入來，因為其他食評，彈到呢間餐廳一文不值。不過，其實又唔係真係咁差嘅。食評繼續睇圖。不過呢度嘅例湯絕對值得一讚。隨飯附送嘅節瓜湯，有蠔豉、淡菜、豬骨、雞腳、杏仁，超好味，簡直唔使落味精都食得到鮮味。另外，其實個楊州炒飯都抵讚嘅，平時食開嘅楊州炒飯（係揚州來嘅），只係普通嘅白飯底，但係呢度嘅楊洲炒飯，蛋炒飯底均勻，食落啖啖蛋香，其實真係幾好味。同埋，一個午餐，送例湯又送飲品，喺而家嘅香港，去邊度搵啊。最後，呢度有得畀八達通，咁樣又加多幾分啦。所以，究竟一樣食物好唔好味，首先你要睇下自己付出幾多。如果你要喺一間普通屋邨餐廳食到高質素嘅食物，唔係話唔得，不過如果佢嘅質素好普通嘅話，唔係意料中事咩？

翠源星既薯條，拎過黎個阿姐都話咁少既，我都話咁少既，有個好寸嘴既阿姐話咁既份量係正常既wor,咁都叫正常份量，唔好玩啦，之前食開都沒咁少…… 難怪你既生意愈黎愈少啦…… 祝你繼續係咁落去，以後唔會有人幫親……

其一，食物質素低劣。咖哩和牛腩分開煮完才混成一小碟，就叫做咖哩牛腩，不是一起炆的，前所未見。咖哩不獨浠如水，味亦如水。常餐湯麵的「湯」稱不上湯，幾乎無味，說是湯也只是安慰之說，違良心之言。其二，伙計服務態度參差。不否認，有一個阿叔的服務態度是良好的，待客有禮，招呼周到。然有幾個師奶的服務態度奇差，落錯單不在話下，食材沒有了竟可在離我五六米處咆哮，大叫沒有，嚎叫一番後遲遲沒有前來重新落單，理虧在你，難道還要客人恭恭敬敬走到你面前跪求你落單？埋單時竟還理直氣壯，滿有自信地睥我、仇視我，理虧在你，竟還可以有如此野蠻之舉，稀奇至此，令人大開眼界，這已不是服務態度的問題，是做人的基本！Ps.本人此生未曾寫過食評，未曾憤然如此，未曾食之不得下嚥，但我實在不忍見到更多人受苦受氣，即使花二十多分鐘寫此食評也是值得的！客人是應受基本尊重的！盼諸君謹記！

叫左個咖喱雜扒飯轉意粉，我第一次聽話轉意粉要加六蚊，都算啦，跟住同我講話雜扒要加咖喱汁？我話係啊，無架咩，佢話張單係無架，不過我比你啦，哇，多謝曬你啦真係，上到黎，d扒好似小兒麻痺咁，得半塊，d咖喱汁好似黃藥水咁稀，仲要無味既，叫佢攞張外賣紙上黎，明明就有咖喱雜扒飯，上面又無寫明轉意粉加六蚊，唔係錢既問題，收我65蚊我都比70唔使找啦，態度問題，粉面轉出前一丁佢就有寫明加錢，無寫明即係唔使加啦，街坊生意都咁樣