翠苑甜品專家 (北角道)

營業中

休息中

中秋人月兩團圓~~~今日中秋節，就推介一下甜品和糖水的專家！最近我都常去甜品店，現在的甜品店以西式為主，但這間保留中式特色，而且很有傳統風味~~北角這個甜品店~除了充滿人情味的傳統，在甜品味道和收費都不追上潮流，非常難得！ 這次點了芝麻糊， 燉鮮奶和只限星期六日才有的健脾補腎腰果糊~~~有點期待~~ 芝麻糊到啦~~好足料，完全不稀，一口一口芝麻香...好有味！記得要熱食！！芝麻有美白和抗氧化功效，女士們必吃！ 腰果糊~~味道比芝糊清淡，但有腰果香出來，會令人忍不住不停吃！燉鮮奶是值得一讚，因為真係好有奶味，而燉鮮奶香滑，入口口感很好！ 最近食法~發現芝麻糊加燉鮮奶不太行，芝麻糊的濃厚芝麻味會阻擋晒燉鮮奶的味道！但腰果糊和燉鮮奶的配合則非常好！哈哈！大家記得去吃一下傳統的味道哦！最後~中秋節快樂！！！______________________________ 

Suddenly saw this tradition Cantonese dessert shop after dinner, so we decided to have some sweet before typhoon came at that midnight.Having something sweet with the one you love is such a romantic scene. I ordered a walnuts paste, it was full of walnuts aroma, the level of sweet was just good.My boyfriend ordered sesame paste, a bit not thick enough but still smell and taste good.

適逢台灣朋友黎到香港，想當日自己係台灣既時候人地對我推心置腹，帶我食盡台灣地道美食，今次朋友來港，交換角色，作為東道主，點都唔可以失禮，最後一站一定要帶佢去自己心目中甜品既no.1,糖水道翠苑，完美總結一日既行程。小小既翠苑，唔起眼既外觀，毫無特別既店面設計，菜單上只得二十款常見既平凡甜品，但平凡中卻顯不平凡，甜品既味道絕對會令人一試上癮！不過係常見既舊式甜品，又可以煮出一股不常見既古早味，甜品既甜度，黏度皆臻上品，可見煮食時廚師既用心，而價錢都不過係20蚊樓下，加一班嬸嬸有禮貌既服務，食既唔單單係甜品，而係家既味道☺️ 連台灣朋友都忍唔住講：古早味，贊啦！👍

食得多新式既食品就自不然會諗番起傳統老店既特色同懷舊既味道， 之前已經食過幾次，今次就黎個正式既食評。翠苑甜品有數間，幾間都系港島區，已經有好耐歷史了吧。先講講入面既環境，環境其實都幾細，吾超過30張櫈，而且系冇得'I'，會有少少吾舒服吧，試試味道再講。最近既喉嚨吾系幾舒服，男朋友就話冰花燉雞蛋會幾潤，聽到個名都好似幾吸引於是就決定叫呢個啦。試左第1啖，真心覺得，有好重既蛋味之餘，甜度亦剛好，而且有滑溜溜既感覺，呢家同類型既甜品系出面幫襯至少都廿幾蚊，呢度真系好抵

天氣咁焗。但都係要食熱嘅！我都覺得自己勁！但始終都覺得芝麻糊要熱食架！幾滑幾糊！不錯呀！盛為$17但啲服務真心麻麻！我地5個人去食。因為大家都無散紙。所以逐個比錢！佢地。佢地。竟然話我地：咁麻煩！咁係咪一個一個分開食分開比就唔麻煩丫😤

作為糖水迷，每次係北角食完晚餐都要過來翠苑食返碗糖水先得，因為都好難得仲有咁傳統同咁抵食的中式糖水。今次同朋友都係想食腐竹系列的糖水，咁我係留左肚來，當然叫得豐富D啦。腐竹薏米 - 朋友食腐竹薏米 ，佢話得個甜味，不過都可以接受既。腐竹蓮子雞蛋 - 蓮子有好多下，差不多係食極都有。雞蛋太熟，味道一般。整體而言，雖然都價錢都仲係好平，但水準已經有D變左。因為都好耐冇來，今次食完都覺得D糖水好似偏甜左，之前的甜度係恰到好處，希望可以keep 到之前的水準，做到平靚正。

女人嘅聚會，唔最後食返個糖水，總會有種唔完整嘅感覺，於是就返返嚟我地嘅老地方食糖水估唔到翠苑會係北角又開多間分店，生意之好可想言之。我地例叫合桃糊，貪佢夠特別，香港唔係好多糖水鋪有賣。呢度嘅合桃糊keep到一貫水準，非常之香滑，甜而不膩，有陣淡淡嘅合桃香，次次都好快食完

跟一家人難得過黎東區行山，臨返去九龍前特登黎翠苑買返碗馳名糖水，好耐無食，依然咁高質又無加價。紅豆沙一碗好多渣！十五蚊真係抵到呢... 雖然個碗細左d，但係d渣仲多過d紅豆湯！充滿蓮子、百合、紅豆既渣，全部都煲得好淋身，尤其是蓮子好鮮甜，煲到半融既狀態～糖水甜度都唔會過甜，老人家食都會合適！心機之作！除左紅豆仲有綠豆沙！都係$15乍喎。比較起紅豆沙，綠豆沙既渣就少得多啦！綠豆湯味道清甜，呢幾日咁潮濕，周身唔舒服，飲返碗感覺好清熱。渣方面有少少海帶，綠豆就少量啦，感覺無咁抵食

以前每逢出銅鑼灣都會到某間老字號中式糖水鋪，為的是一碗桑寄生蓮子蛋茶。近年經濟氣候不景氣，商鋪租金飛升，眼見很多小本經營的老鋪光榮結業，幫襯多年的中式糖水鋪，雖然客似雲來亦不例外。愛人知道小妹懷念那種情懷，每逢來到北角都帶我來這間中式糖水鋪，令我重拾美好回憶。這間亦屬老鋪，裝潢簡陋，但客如輪轉。一鋪三四個店員打點一切得井井有條，順暢非常。愛人最愛杏仁糊，糊質細滑，杏味香濃。中式碗更增加自家制的感覺!桑寄生蓮子茶，蓮子煮得夠腍身，茶味甘香清甜。滿足晚飯後對甜品的訴求。

本身我係想食燉奶我同佢講要燉奶佢就畀咗燉蛋我老實我都唔知想食乜嘢喺燉蛋燉奶之間揀咗好耐決定要燉奶所以我咪唔理囉所以咪 冇同佢換番但係好彩燉蛋都唔錯賣相都ok未食已經傳出陣陣蛋味食落口更加不得了蛋味very濃應該幾足料可惜唔係幾夠滑夠曬熱呢個地方好亂樓面做嘢非常求其可能做咗咁多年都係有種惰性客人入嚟完全冇 想招呼嘅意思想食就食啦求其啦所以完全搞亂咗啲訂單就係咁燉奶變咗燉蛋其實呢間嘢已經喺度開咗好多年為北角嘅街坊提供唔少溫暖

This dessert outlet has the best traditional HK dessert including authentic 腐竹蓮子薏米湯 & cold variants of traditional pastes (e.g. Black Sasame, Walnut & Almond) as well as Steam Milk. Options includes Lotus Seeds & Eggs in most soup desserts

很懷念翠苑桑杞生蓮子糖水，所以和友人飯後去光顧同様地今次都喺叫桑杞生蓮子糖水，吃落十分失望。味道大不如前，冇左桑杞生味，糖水又甜唔知是否換左廚房，短期內不會再光顧

七姊妹道有兩間糖水舖，肯定人多就靠得住啦。楊枝甘露不是我試過最好的，芒果唔夠豪，酸味及甜美不够浓郁。芝麻糊炖奶就非常精彩了。芝麻糊非常之滑，伴炖奶一齐就非常靠得仼。最后桑寄生蓮子蛋茶打包唔該！

行到攰攰地，打算入去食番碗糖水，上去openrice睇睇，呢間糖水舖好似唔錯，點知勁中伏!!!!一入到去揀咗個無乜人角落，諗住慢慢嘆，點咗碗合桃露，一食勁甜，而且有啲「酸縮味」，食左兩啖已經唔想要。當時全場得三個客，我又收到email,趕住覆，覆咗5分鐘，姐姐已經問「坐咗咁耐，快啲啦!使唔使坐咁耐都唔走!」我當下呆曬，哇！乜依家興喝顧客，如果有得揀，我會比「零」，前後坐咗15分鐘都無即閃人。

玩完長笛真係要補補氣，頭都暈啦。。。呢間傳統甜品，好食又經濟，值推👍🏻👍🏻雖然坐得迫，但勝在佢啲甜品傳統得來又有新意，價錢唔貴，真係值得推同支持架⋯⋯支持小店