翠苑甜品專家 (書局街)

營業中

休息中

黎到港島食左個tea男朋友心血來潮想食下甜品最後就揀左呢間我嗌左個翠苑芝麻糊芝麻糊好香滑食落唔會有凝固物陣陣芝麻香吸引我好快已經食晒男朋友就嗌左個腐竹蓮子雞蛋糖水 開頭見唔到有蓮子就問個店員佢話我地落單果陣無嗌(但我聽住男朋友係有講)不過個店員轉頭就拎左一碟蓮子黎(有10幾粒)比我地加落去男朋友一路食都讚左兩次好味總括黎講雖然店員態度麻麻 不過又真係幾好食既 !

補腎合桃糊 ($17)芝麻糊燉鮮奶 ($20)平時成日都食西式甜品🍰🍮🍦今次轉下港式口味🤓合桃糊好香濃👅而且好滑😋夠杰身，唔錯👍🏻 芝麻糊mix埋燉奶第一次食👀好特別👐🏻芝麻糊味道濃郁🤤而且唔太甜同燉奶好夾😙幾好幾好😎

同朋友係附近食完日本野，已經勁飽，但由於甜品個胃在係空架，即係呢一餐未圓滿，要食埋甜品先得。今日有寒風得十一二度勁凍，所以唔想食西式甜品,想食埋啲中式熱糖水，就來左呢間食喇。呢間啲糖水ok ga,好味過佢隔離個間乜少甜品。去到等左五分鐘到就有位，可能天氣凍既關係，勁多人來食糖水。咁我嗌左呢個芝麻燉鮮奶。甜度剛剛好。而令我驚訝既係我見到啲鮮奶仲係白色架！我仲以為佢啲鮮奶係會溝埋芝麻一齊燉。一上枱，我見到中間有一pat黑色，越向下but就越多芝麻糊流出來。我地研究左好耐佢呢碗野係點做法😂你又諗唔諗到呢？

要吃傳統糖水，我推薦翠苑。2000年經濟低迷時，我在時代廣場旁遇上它。在鬧市中一個很愜意的補給站。經濟復甦後，舖租狂升，翠翠離開了。近年，她王者回歸，在北角便有2間。建議以港鐵B4出口到此店極方便。外賣回家享用更實際。腰果露只在星期六日提供。比合桃露香，有特色。今次買杏仁露，十分滋潤。今年加了1元，仍便宜。

每逢星期五六日服務飲食業的需求大增，更何況在大時大節聖誕新年假期，我們的電話響個不停WhatsApp的響聲更煩到不堪，好友就是知道我想躲於衣櫃裏逃避公司的追魂call，一大早已經在樓下等候令我不好意思再缺席，專程車我到北角飲我至愛的糖水以開始新的一天。由小吃到大的老字號翠苑糖水相信大家對這個名字應該唔會陌生，可惜因為租金不斷創新高令它搬完一次又一次，這間分店也只是開了三幾年。想當年進入人生另一個階段搬到來北角區，在這個地方度過了十個春夏秋冬，雖然我現在已經離開了，但依然對北角這個地方擁有一份情意結，到現在還記得舊屋的每一個角落。現在每逢星期六日，更令我特別懷念這間糖水店，因為只有星期六日才供應的健脾補腎腰果糊是我的至愛！雖然周邊環境物價飛漲，它的價錢也只是$17，與現時甜品店動輒都幾十元相比，這真是現今僅存的窮人美點。慶幸的是腰果糊不會因為價格平宜而份量減少，一吃便知道這是一碗是高質素的糖水。甜度適中，火喉控制得很好，味道含濃郁腰果香，而且帶有濃郁鮮奶香味，口感豐富，吃後讓人暖笠笠，簡直令人回味無窮。而這間翠苑就勝在店舖位置方便，對正北角地鐵站出口處，吃過飯後想吃碗中式熱糖水，翠苑正是

今次係第二次食呢間啦～本身自己好鐘意食舊式傳統糖水～因為覺得傳統糖水比新式嘅甜品健康～室內環境簡潔，眼見好多街坊look嘅姨姨叔叔幫襯～選擇一張menu都睇曬～呢d傳統糖水舖價格一般都比較低廉～Menu上還有例明糖水的養生功效～竟然有一遍日語的介紹！今次叫左補肺氣，潤五臟，通便嘅凍芝麻糊～芝麻味好香濃，杰度適中，幼滑，相信係即磨唔係開粉架！冰花燉蛋凍食～味道清甜～蛋味香濃～可能我凍食關係，燉蛋質地實了一點～埋單都係$3x，有得座，有冷氣，又好味，又養生健康～去邊搵吖～

加班後準備乘車回家之際，路經甜品店，心血來潮想食碗熱騰騰的糖水！蕃薯糖水配芝麻湯丸 - 薑汁很醒胃提神，蕃薯很稔身，食落很舒服！芝麻湯丸皮薄，芝麻餡不甜很香！熱食更加美味……

晚餐後老公建議到翠苑吃甜品滿足一下甜胃～餐牌上都是大路又傳統的中式糖水, 由芝麻糊, 番薯糖水到桑寄生蛋茶, 甚至龜苓膏都一應俱全.熱合桃糊燉鮮奶: 合桃糊/鮮奶比例大約20:80, 真的不太夠喉, 合桃糊很一般, 老公又覺得燉奶感覺稀身, 味道偏淡. 可以的話還是獨立一個味道好了.熱喳咋: 小妹絕對認為芋頭是喳咋的靈魂所在, 難得這裡煲得又腍又粉, 加上配料豐富, 每口都吃到紅腰豆, 花生, 等等, 更帶有椰汁香, 吃罷實在非常滿足~街坊價錢, 平均每款只是$20 元左右, 飯後跟家人朋友來也是一個好選擇~

(31-5-2014 Sat)同男友行完街後去北角睇佢媽媽,我o地又買糖水俾佢喇,我o地行到o黎呢o度,見有新開o既呢間就睇睇.我要$18.00o既凍合桃糊燉奶,男友就幫佢媽媽要$12.00o既凍腐竹薏米糖水.上到去影好相食得,我o既凍合桃糊燉奶只有細半碗,燉奶幾滑但唔夠凍,合桃糊得薄薄一層好少,合桃味淡淡的,成個都唔太甜,不過真係太少喇.而凍腐竹薏米糖水呢,我冇問佢媽媽覺得點,不過佢都食晒都冇乜問題啦.