翠華餐廳 (已結業)

#翠華餐廳 (中環)中環威靈頓街15-19號地下至2樓-----🐷胡椒豬手（$69）-去親翠華都係食魚蛋粉 豬軟骨米線 奶油豬 set lunch set dinner 個d 今次想試下特別野 就叫左呢個豬手 點知咁就中伏啦 首先胡椒豬手無乜胡椒味 純粹好鹹 非常鹹 鹹到單食食唔落 要配飯食 而豬手質素本身都唔靚 豬肉味好淡 最恐怖ge係 d豬毛無剃乾淨🙈🙈食落好多位都好似鬚根咁吉吉地 好驚嚇😂下次都係唔好貪得意亂試新野🤷🏻‍♀️-----👶🏻B仔整體評價：1/10個👍🏻👶🏻B仔抵食程度：4/10個👍🏻（份量都多ge 但唔好食😂）👶🏻B仔環境評分：6/10個👍🏻👶🏻B仔味道評分：1/個👍🏻👶🏻B仔回頭機會：0/10個👍🏻-----#swallowhongkong跟住我一齊吞食香港啦！🤤#swallowcentral

翠華唔係每間都有出爐麵飽，中環威靈頓就係其中一間，行完ifc，都會去睇吓。出爐菠蘿红豆飽颇為出色，金黃脆香酥皮飽內有大量香甜紅荳蓉，熱辣辣香噴噴，飽身柔軟充實，甚為美味，每次要食夠兩個，倍感滿足。

I was presented with a cockroach in my food, and when I complained the staff didn’t even look like they cared that much. At least didn’t force me to pay, but could of least said sorry...

#翠華餐廳 中環威靈頓街15-19號地下至2樓---今朝趕住返工 路過翠華見唔使排隊 快快手買左個吞拿魚餐包（$9）攞到手隔住個紙袋仲熱辣辣 令B仔滿心期待😝點知希望越大 失望就越大 熱就熱啦 但係唔好食ge野 幾熱都係唔好食ge 先講個飽 真係好油 整個飽 同個紙兜仔都充滿左油 作為早餐 真係好油膩 晨早流流就油到甘 真係有d唔開胃🤮然後d吞拿魚餡唔知點解好重胡椒粉味 似係廚房唔小心倒瀉左一堆胡椒粉落去🙈B仔本身係一個極度愛飽之人 但係都唔想食曬佢 絕對無下次......——B仔整體評價：2/10個👍🏻B仔抵食程度：4/10個👍🏻B仔環境評分：外賣B仔味道評分：1/10 個👍🏻B仔回頭機會：0/10個👍🏻 跟住我一齊吞食香港啦！#swallowcentral

如果大家喺蘭桂坊飲嘢飲到通宵， 你翠華食個早餐就啱啱好喇， 之前食過一個沙爹牛肉公仔麵配熱咖啡 仲有炒蛋同埋多士附上， 沙爹牛肉辣辣地配上熱咖啡好醒神， 沙嗲牛肉肉質好冧， 咬落去好鬆軟， 同時又唔會太辣，充滿沙嗲風味 有埋炒蛋同多士， 炒蛋亦都炒得非常之軟滑， 加上小小胡椒粉調味就更加好， 咁多嘢夾埋 都只不過係50蚊鬆啲， 喺中環呢個地區價錢算係咁

由於玩太晚，從東涌到香港地鐵站已經是七八點了。急著幫同行的長者找吃的，就誤打誤撞的走進了翠華。晚上八點多的翠華已不再人潮洶涌，我們可以慢慢看menu點餐。事先也沒做好功課。我還不餓，點了杯【奶茶】，他們點了【羅漢齋炒麵】、【鹿兒島豬軟骨米線】、【四寶米線】。【奶茶】甘香味濃，正符合我的口味，沒加糖也很好喝！【羅漢齋炒麵】這個就有點差，雖然上面覆蓋的菇菌類很吸引，可惜麵太油。【鹿兒島豬骨鮮蝦菠菜米線】味道濃郁，味道還不錯！可以試試看哦！【四寶米線】燙頭清淡但十分好喝，魚蛋Q滑彈牙，很好吃

一向都喜歡飲翠華的蛋白杏仁露，其本每次去都會飲，但今日下午去中環呢間，竟然俾左杯唔知咩俾我，成杯野拎出黎個賣相已經令我唔開胃，杯邊勁多泡，但諗住好飲就算，點知一飲，沙糊嗎？口感完全不同，酸的，還有1塊（成杯唯一的蛋白）切成三角形的蛋白，又老又硬，發生咩事？就當我是第一次飲也不至於咁求其吧？！

國慶長假期間香港的餐廳仲忙過平日，又要招呼打工仔又要款待國內遊客。八點半的中環翠華已坐無虛席。早餐循例都係蛋、包、麵加啡。翠華的啡算係幾間茶餐廳中較為出色的了，烘焙豆香味十足，亦冇苦結味 。奶油脆豬名不虛傳，皮够脆口。若有本錢，再加塊牛油上去，必定好正。五香肉丁的肉丁太干太柴，非常敗筆，下次都係點沙嗲牛肉算數。

見到呢個「皇牌馬來咖哩牛腩飯」個名咁架細，又係十大signature 之一，就試下啦。賣相好靚，非常多咖哩汁，惹味又唔太辣，撈飯一流牛腩都ok嘅，不過有少少韌，牛筋都腍，薯仔好入味，不過得兩舊。價錢就貴咗d，無野飲都要$72。

平時返工放Lunch都會揀樓下就腳的翠華，主要因為唔洗等位而且食物選擇多樣，餐廳用餐都好舒適，雖然價錢有d偏貴左。今次我叫左沙嗲牛肉炒河，賣相都幾吸引，牛肉好大塊，好多汁，因為加左好多椒，所以內汁人面都好濃辣香味，好適合我呢d中意辣的人，沙河方面我覺得中規中舉，食左幾淡就已經無咩想繼續食，主要都係牛肉同汁最吸引。著白色西裝的朋友要注意小心d肉汁彈到件衫上面。我的朋友叫左豬軟骨米線，因為比較平，咁我都試食左下，豬軟骨的味道比較淡口，米線係幾易入口，但係都係有d淡口，無咩特別的驚喜，唔推薦大家叫。

今日小編真係來回地獄又折返人間呀，首先早餐食個米芝蓮級數既沙爹牛麵，午餐竟然要食垃圾級地獄麻辣米線。 Ｏ個種難食法真係千言萬語都講唔盡呀！ ＦＩＲＳＴ，　Ｄ湯都唔知咩味？麻辣？完全唔覺得，只係覺得佢地純粹落既羹老乾媽辣椒落去溝水噹湯底，蝦球正常，米線過捻，其實都唔知自己食梗Ｄ咩，食唔到三分一已經放棄啦！有邊個仍然話中環呢間翠華好食可以直接ＢＬＡＣＫＬＩＳＴ佢！去譚仔ＯＲ南記食好過，又平Ｄ！呢個ＦＲＩＤＡＹ　LUNCH就甘浪費左！

很久沒有來中環吃早餐，週末10點經過翠華餐廳，地下已經坐滿了，要上一層樓至二樓坐，加設了長的木枱及梳化雅坐。早餐選擇的套餐多達10種，亦可單獨點脆嘩奶油豬及鮮奶麥皮，滋味套餐為較高級的選擇，用料有鮑汁海螺粒、美國肥牛、海蝦米等，相對價錢接近＄50左右。今天只點了簡單的香滑奶茶一杯及奶油豬一個，質素一般，奶油豬的皮不夠脆，奶茶仍保持水準香濃，香濃及油滑，埋單$35。侍應服務也不錯，要求改單時效率也很快並態度友善

-翠华餐厅主要是粤港风味，之前听说他家的鱼丸粉、饺子、炼乳面包不错,果然是真的,太好吃了，味道很不错，价格也不太贵，此次去香港没吃到什么特色的东西，然后觉得自由行比较好，能够吃好吃。-第一次用梦想旅行找美食，就找到这家了，这里老板很友好，怕我点多，但是其实我是吃货啊，哈哈，虾仁饭、蜂蜜柠檬茶、鱼丸粉好好吃啊，港味十足，午餐吃起来比较便宜100内哦。另外就是前几天香港刚好下大雨，拖着行李逛真的是要命，后来在网上搜了一个叫“Freedrop免提王”的平台在上环寄存了行李，幸好他们的寄存点都很方便和挺多的，而且收费也不贵，一个价钱寄存一整天，不然真的想把行李给扔了，后来下午血拼完和花了$20 坐了摩天轮看夜海景，然后再步行去上环取回行李充实的回上海去了。哈哈

星期日好彩地book到參觀大館，時間是晚上九點，所以早些到中環，吃完晚飯先去大館參觀。係中環食自然去翠華，想信中環翠華係全港最大的茶餐廳。價錢比－般茶餐廳貴少許，但食物質素有一定保證。海南雞飯 - 雞肉好滑，可惜不能食雞皮，否則連雞皮－起食更滋味。跟餐有一碗白飯及老火湯，份量足夠。韓式比目魚扒 - 比目魚煎得好翠口，魚肉好滑，配雞蛋炒飯，炒飯不油膩，粒粒飯食落有咬口。再配沙律，生菜好新鮮。最後飲杯涷咖啡，感覺相當滿足。雖然這間茶餐廳的價錢比－般茶餐廳略高，但食物質素唔錯，食物選擇種類頗多。

四點翠華下午茶想不到不需等位，上到一樓還有好多吉枱，又唔係咁多大陸人喎，朋友叫了魚蛋片頭河，我就叫了撈麵和珍珠雲吞，keep 到水準，味道可以，最出色都係凍奶茶。