翠華餐廳 (欣榮商場)

營業中

休息中

🌸鐵板洋蔥薄牛扒配意粉（洋蔥汁）熱辣辣上枱，薄牛扒嘅份量都幾多，大大塊！牛扒好軟腍，都好有牛肉味！配埋彈牙同埋入味嘅意粉，真係好飽肚🌸冠軍焗豬扒飯份量好足夠，豬扒厚厚又大件，炒飯底好香蛋味，飯粒粒粒分明🌸吞拿魚蛋沙律潛艇，長長嘅潛艇，夾住超滿嘅吞拿魚蛋沙律同埋蔬菜做餡料，鹹鹹香香，一齊食落口都幾清新！🌸芝士奶蓋阿華田西多幾特別！厚厚嘅西多脆邊，外酥內軟，上面鋪滿大量嘅阿華田脆脆仲有芝士奶蓋，甜度適中唔會太甜！🌸粟米雜菌忌廉湯好creamy!🌸芝士奶蓋翠華奶茶，啖啖奶蓋香味，甜度適🌸熱桂圓紅棗杞子茶好足料，暖笠笠幾好飲！餐廳舒適寬敞，好多卡位！上菜速度快

踏入秋冬，好想食鐵板餐~～近近地就黎到翠華食! 同家人點左個鐵板西冷牛扒拼帆立貝, 揚洲炒飯, 白灼菜心苗，炒滑蛋三文治～鐵板西冷牛扒拼帆立貝～西冷牛扒肉質嫩滑，配埋薯菜，真係好正，薯條脆卜卜。個餐配埋羅宋湯，味道濃郁，酸酸甜甜好開胃，另外仲送埋牛油豬仔包，好香口。揚洲炒飯賣相金黃，炒飯炒到乾身又粒粒分明，食落好彈牙，唔錯。白灼菜心苗菜心好靚，食落好爽脆~炒滑蛋三文治滑蛋炒得好香好滑，食完好飽肚~

翠華真係個個香港人都識，水準一直保持得唔錯鐵板京川蝦球炒雙黃麵 - 鐵板上熱辣辣，麵好夠脆，汁夠得嚟唔會太多，大蝦同洋蔥都爽口彈牙印尼炒飯 - 炒得好香，調味好好，粒粒分明，蝦片脆卜卜，串燒有咬口阿華田奶蓋西多士 - 好邪惡，阿華田同奶蓋嘅組合勁夾，又香又甜，西多入邊仲有兩層蛋黃，好特別辣椒腐乳通菜 - 大大碟又翠綠，腐乳好夠凍奶茶 - 香口順滑，茶同奶嘅比例啱啱好環境好光猛好闊落，又乾淨，完全唔迫，好好餐牌提供嘅選擇好多，應有盡有，圖文並茂咁好吸引，用QR code落單又方便，真心唔錯

敝人大陸人，但已在港生活4、5年。向來知曉茶餐廳的基本規矩，也瞭解服務態度。但今天這家翠華仍然是突破我的三觀，令我痛罵自己沒有出息花錢遭罪。坐下舉手點單，男服務員直勾勾看了我一眼，然後就忙別的去了。您哪怕說一句等會都行啊。又看到一位女士我舉手。一句話沒理我，把我桌子上上一位留下的殘羹剩飯收走。幸好她沒把我忘了，過來點單。期間問我什麼湯我立即答中湯。然後哇「冇中湯我問你羅宋定餐湯！！！」聲音又大又兇嚇得我差點一哆嗦。可我只是正常聲量說錯一次而已，好像小學時被老師叫到前面當著全班被罵一樣。本來我今天心情很好，一直也是心平氣和。但各位服務員充斥到整個店的怨氣和憤怒情緒已經完全改變我的心情。後悔又失望下寫下此篇。翠華已不是低端便宜的連鎖品牌，但給了我超越普通茶餐廳的心理陰影。以後絕不會再來，謝謝。

相信大家對翠華唔會陌生香港家喻戶曉的老牌餐廳經過土瓜灣分店好大間一於探店試下質素如何❣️鐵板照燒牛扒配薯菜牛扒上盤約七成熟，有兩大塊份量十足，咬下去非常軟熟，口感柔軟而且多汁，肉味濃厚，配上黑椒汁一流；薯菜有薯條和西蘭花，薯條炸得脆口食到不停～❣️芫荽牛肉滑蛋魚湯飯牛肉和滑蛋身為最佳配搭，配上湯飯同吃不得了😋芫荽的清新味道，令湯飯增添色彩和纖維素，更可用來消除牛肉的油膩感⋯⋯❣️清湯海蝦球米線清湯呈奶白色，湯底鮮甜唔會太鹹～蝦球大大粒，肉結實又彈牙，用料新鮮👍米線腍滑適中，吸滿清湯的香味好掛汁❣️沙嗲牛筋牛腩河粉牛腩牛筋，份量很大一個人未必食得晒😆牛腩好爽好香，可以食到牛嘅肉香，而且咬落爽口又唔韌；牛筋煮得好腍，河粉又滑配香濃的沙嗲湯底，好滿足的午餐～

叉燒肥瘦相間，舊舊厚切，燶邊焦香，蔥花滑蛋蓋飯，配個濃稠蜜汁豉油醬，賣相同味道都相當岀色。碗飯上枱個樣係靚過餐牌張相，怪唔知個名叫神之叉燒飯。 記住加碟菜，翠華油菜係我係茶記食過最高質素的！白灼菜心苗配蒸魚豉油，認真說比酒樓做的高幾班，色澤同口感都一流，豉油調得好好味。焗芝士西蘭花小朋友會喜歡，有拉絲芝士、車厘茄、粟米、白汁。甜品：超感應芝士奶蓋阿華田西多，完全冇過甜，奶蓋微咸，西多士脆邊入面係蘸滿蛋汁金黃色，華田粉有混合脆脆唂咕味勝於甜味，未切開奶蓋已經「感應到」要像熔岩般流動～高度推薦。翠華經典：生磨蛋白杏仁茶，每次都會飲，蛋白份量足料，杏仁茶底味道天然，濃淡適中，入口舒服。

冠軍焗豬扒飯 $75豬扒金黃酥脆，肉質鮮嫩多汁，配上香濃嘅芝士，表面微微焦脆，米飯粒粒分明，煮得鬆軟，完全吸收晒豬扒嘅鮮美肉汁，再搭配香濃嘅蕃茄醬，味道更加豐富。鐵板京蔥牛筋腩 98牛筋腩全部都炆得夠腍夠入味，份量真係多，尤其有我至愛嘅牛筋，口感滑嘟嘟，非常嫩滑，配上香脆嘅京蔥，更增添一種獨特嘅香氣。熱鐵板上，牛筋腩與京蔥一同翻炒，滋味交融，層次分明。瑞士雞翼撈麵 $50 下午茶雞翼經過特製嘅瑞士汁醃製，外軟內嫩，輕輕鬆鬆做到骨肉分離嘅效果。撈麵就煮到剛好軟熟，表面淋上香濃嘅瑞士醬汁，帶有微微嘅香甜味道。荔枝紅莓沙冰 跟餐加$20清爽可口，冰粒細膩，荔枝嘅香甜與紅莓嘅酸互相結合，色澤鮮艷，口感滑順，十分解渴。凍檸茶 跟餐加$3

今日咁啱探朋友，所以就過咗嚟啦，原來土瓜灣都好繁榮，食肆都好多，朋友帶我嚟食叉燒飯♥️三嗰人嗌左叉燒飯，蕃茄焗豬扒飯，魚蛋魚片頭河粉加豬手，手打檸檬茶☺️☺️我哋對叉燒飯相當期待，嘩一上枱果然系一大片厚切叉燒肥瘦適中，仲要系燶邊架，厚切啖啖肉配埋Creamy嘅蛋，一啖飯一啖蛋一啖叉燒🫰🏻🫰🏻蕃茄焗豬扒飯就要等耐少少，因為系即叫即焗，炒底份量充足豬扒都系厚身夠Juicy，系開胃之選🥳🥳魚蛋魚片頭河粉🍜大大碗啲魚蛋好爽口，配咗豬手啖啖肉，仲有手打檸檬茶，近排興手打檸檬茶，真系好好飲😍

我今日約同好友去土瓜灣行街，順道去位於土瓜灣馬頭角道33號欣榮商場地下8-10號舖的翠華餐廳食午餐，環境舒適，坐得舒服。我點左個 鐵板套餐係香燒羊扒（7成），配燒汁、牛油豬仔包，餐湯係粟米雜菌忌廉湯，餐飲係手打草莓檸檬茶 $20（跟餐）；好友點左個 照燒豬扒拼帆立貝（照燒汁）配意粉，餐湯係粟米雜菌忌廉湯，餐飲係熱駌鴦（跟餐）。7成熟的羊扒燒得外脆內嫩，羊酥味香，不濃烈，有驚喜👍👍；豬扒拼帆立貝賣相吸引，帆立貝幾大隻，煎得香口又好味，豬扒香脆好食；手打草莓檸檬茶好好飲，有草莓和檸檬的果肉！

🌸美極生炒牛肉飯份量都足夠，熱辣辣上枱，炒飯都幾乾身，粒粒分明👍🏻而配菜同牛肉粒都好豐富，都幾好味！唔知係咪我太耐無食，依家落單時可以選擇少鹽少油，都係我欣賞嘅地方！🌸生炸豬扒麵+太陽雙蛋+牛油豬仔包無太太驚喜，豬扒味道都唔錯，但麵條較為淋身，唔夠彈牙！牛油豬仔包就都係仍然好味！！！！！！！🌸凍香滑奶茶，飲落口都好香濃😍幾好飲！餐廳舒適，上菜速度快，餐廳店員服務態度好友善，抵讚👍🏻

翠華選擇多，質素有保證，去土包還做嘢順便同同事食個靚lunch，普通茶餐廳客飯焗飯、米線、鐵板餐樣樣都好吸引，仲全新推出咗手打檸檬茶秘制海南雞飯 $75 轉雞脾 +$10海南雞飯午餐包咗餐湯同油飯，係蓮藕中式例湯，唔係東南亞嗰隻冬瓜雞湯，呢點幾有驚喜。加咗$10轉雞髀，件件啖啖肉好嫩滑鐵板黑椒鴛鴦扒配薯菜 $73鴛鴦有豬又有牛，配大大份燒汁意粉好飽肚，當然肉質唔會話好上乘，但$73真係唔話得好抵食，仲跟個羅宋湯超滿足，凍飲加$3 ，叫咗凍檸茶，茶底唔澀提神又好飲瑞士汁雞翼（五隻） $65見佢$15/隻都知唔係咁簡單，果然係連埋雞翼尖，份量多又夠入味，香濃得來唔會太鹹，兩個人share加餸啱啱好手打芭樂檸檬茶 $25雖然市面上感覺熱潮已過，但食茶餐廳飲番杯大大杯手打檸檬茶都係好爽！大大杯充滿碎冰同芭樂果粒，甜甜地檸檬好香

小編間唔中都會去吓翠華食野🫢 因為都算就腳同埋嘢食都OK😂 不過好似冇介紹過俾大家🫢 係時候分享吓最近食嘅嘢.🐷神之叉燒飯（限量發售）
小編見到最近有呢一個限量發售嘅叉燒飯 睇落去靚靚囝囝 叉燒肉又香又入味 叉燒嚟講 都算係肥瘦均勻 🫢😂 每舊叉燒都有蜜汁所以都幾香😂 加埋佢哋特製嘅醬油 個味道都幾夾 隻蛋應該係用咗日本蛋/ 溝左日本奶😂 因為食落去係好似用咗3.6牛奶咁樣 個味道係零舍唔同同埋特別香 另外 碗飯嘅份量都幾大😂😂 .🐷鹿兒島風豬軟骨米線
啲軟骨肉質咬落軟綿綿 而且份量都算幾多下肉質都好爽口㗎 😍😍連湯底都幾夠味 再配埋佢哋煮得啱啱好嘅米線 🍜唔錯唔錯.🐷芝士奶蓋x阿華田西多
呢個西多最特別之處 就係佢有個芝士奶蓋 平時飲台式飲品就飲得多芝士奶蓋😂 但係原來食西多士都可以有😏 一切開個多士 上面嘅奶蓋已經好澎湃 咁樣流晒落去下面多士部分 層次感好豐富 面層係濃濃嘅芝士奶蓋 頂上就有呢啲阿華田粉 埋在一齊夠懷舊又好味.🐷手打檸檬茶
最近首打檸檬茶真係全城熱話 估唔到翠華都有出 手打出嚟嘅檸檬茶 堅持用真材實料 而唔係用一啲檸檬沖劑 （坊間有好多用檸檬沖劑嘅手打檸檬茶🍋成個味

土瓜灣這間翠華特別乾淨寬闊，座位又多。所以縱使附近食肆林立，都仍時不時入去幫襯。食物出品維持水準，而且不時有新花樣。好像今日見它新增了「Chill爆手打檸檬系列」，還有幾種口味呢。我們一行三人叫了三款食物，全部跟餐，有得食有得飲，好抵。鐵板餐：雜果沙律汁吉列魚柳拼吉列蟹柳配薯菜，羅宋湯～～ 魚柳和蟹柳都大份量，吉列香脆，淋下蒜蓉汁時吱吱作響。薯菜有薯條和西蘭花，索汁惹味。咖哩餐：咖哩香煎豬扒飯～～ 翠華的咖哩向來好食又夠香。煎豬扒有兩塊。下午茶餐：瑞士雞翼撈麵～～瑞士雞翼是翠華招牌，這份撈麵有三隻雞翼，好豐富。加配：焗芝士西蘭花～～ 只需二十多元，抵食又好食。飲品：香滑奶茶 、手打芭樂檸檬茶 ～～ 每一啖都有芭樂果肉和檸檬的酸甜滋味，好飲。

翠華既自製魚四寶河係我好喜歡吃的， 但隨著翠華越嚟越少分店，真係好耐無食過。今次有幸行經過翠華，就去點番自製魚四寶河回味一下。賣相同以往一樣，都係好standard，質素同以前好似有少少分別，都係一樣有魚腐，春卷，魚蛋同墨魚丸，但湯底好似無以前咁濃郁既魚湯味。其他都差不多。不過48蚊嚟講，都叫做合格。服務就同普通茶餐廳一樣。唔會好大期望。水唔會再有侍應送上，宜家都係自助既。 快快食完填飽個肚就ok了。

嗌左兩個茶餐：❤️自製魚蛋片頭河配熱檸茶有四粒魚蛋和兩片魚片頭，兩者都彈牙👍🏻😋。河粉滑溜唔會淋。還有蔥花令湯底更清新。檸茶揀左濃d。有5片檸檬🍋咁多，唔會慳👍🏻。檸檬夠新鮮，有檸檬香～茶唔澀唔苦，有茶香～❤️瑞士雞翼撈麵配生磨蛋白杏仁茶有三隻雞翼，隻隻都大大隻，甜甜的瑞士汁為雞翼添滋味👍🏻😋。生磨蛋白杏仁茶夠晒熱！蛋白份量夠晒多。又有得食又有得飲，正！❤️冠軍焗豬扒飯配手打芭樂檸檬茶芝士焗完呈拉絲狀👍🏻 ，配酸甜蕃茄醬🥫，十分開胃惹味😋。還有紅蘿蔔粒🥕和車厘茄。有幾塊豬扒，份量足👍🏻。豬扒夠新鮮，肉嫩不嚡口。手打芭樂檸檬茶好大杯！芭樂切成碎粒，邊飲邊食👍🏻。芭樂唔甜，配檸檬十分清新！❤️另外嗌左翠華最出名嘅小食：脆「嘩」奶油豬。奶油豬剛剛焗起，十分香脆！😍😋落左奶油微甜。雖然邪惡但食完唔夠喉嗌多一份！😹🙊