翠華餐廳 (已結業)

以前去翠華，多數都是為了吃個美味的早餐。 上星期竟然見到尖東開了間裝潢華麗的新店，我們決定一試。我們進來只是7點，晚飯時間才剛開始，霎眼所見卻已經是座無虛席。雖然剛開張沒多久，但果然”有麝自然香“是真的！幸好我們一進店內，忙碌的侍應生也不忘立刻替我們安排座位。而且因為店舖較大，位置也相對寬敞舒適呢！終於開始點菜了，我們點了最愛的鹿兒島豬軟骨菠菜餃米線餐，鹹牛肉炒蛋潛堡伴薯條及晚餐的柚子汁豬批肉餐。首先到的是晚餐的蒜香雜菜湯和表層烘得脆脆的迷你版牛油豬仔飽。如果食慣餐廳的一定知道，餐湯多數是一早煮好，溫度總是不夠熱。但我們眼前的餐湯竟然是熱辣辣的程度，入口前還得吹上一下，在寒冷的天氣下真令人感到溫暖！再來就是依舊香濃的豬軟骨拼菠菜餃米線和鹹牛肉炒蛋潛堡，但首先吸引我們的是賣相相當精緻的鹹牛肉炒蛋潛堡。咬上一口，脆香的芝麻包夾上鹹鹹的牛肉融合濃香蛋味的炒滑蛋，極其香口和美味！這是我們第一次吃，鋪滿芝麻而且烘得平均的芝麻包吃得出是自家烘製的味道，配合各材料的味道果然是與眾不同！是以後再來的必吃推介！！最後來的是日晚餐的柚子汁豬肶肉，酸酸甜甜的醬汁異常開胃清甜，配上大大件的豬肶肉也不覺膩呢！

裝修左成個幾兩個月既分店終於開左, 今日lunch時間決定同同事去朝下聖 XO醬蝦球撈麵 ($50)入得黎翠華都預左貴, 就豪一次叫個蝦球撈麵, 五粒爽滑彈牙既蝦球佈滿過百粒蝦籽加上翠綠林甜既菜芯一條, 配有小辣既XO醬及蔥花上湯, 份量唔算多。um.....蝦球事實係幾彈牙爽口, 仲食到好香既蝦籽咪道, 好食! 撈麵質地只屬普通, 唔太爽口, 有點"林", 但勝在有XO醬加上湯, 幫佢加返少少分。因為呢款唔係午餐, 每日只有一款午時套餐供應, 所以野飲係另計, 叫左個凍飲, 埋計食左$66了 以一個lunch食個茶記都算幾貴。

一間餐廳，比你好食到識飛，但d伙計服務態度咁差，就算你請我都唔會再黎!同埋其實又唔係真係好食到咁囉!是咁的，今朝約埋同事一共四位諗住去新開翠華食早餐，一入去唔駛等位，8點7開始叫左4個早餐，其中3個係早餐B (包括沙嗲牛肉公仔麵，炒蛋，牛油豬)，等左10分鐘到就黎左3個麵加3杯奶茶，另外1個歐陸早餐足足等到9點正先至捨得黎，咁我地另外3個仲有3分炒蛋同牛油豬呢？等到9點10分都唔黎，期間3催4請佢地d伙計，1個2個睇到都當你無到，好難得叫到1個過黎，我地話唔該d蛋同牛油豬打包，個亞嬸又好差態度咁話"幫你跟啦"咁，最後等到9點4都仲無野食黎!!!火滾走出去counter，counter個收銀亞姐塊面黑到無人有，態度又差，最後另外1個男伙計走埋黎，態度都唔係好架啦，不過無咁黑囉! (黎幫襯仲要受你氣呀？)再等左5分鐘先收到3份炒蛋+3個牛油豬，唔知以為炒蛋要好耐架？ 果時已經係9點4，係9點4!! 打工仔幾點開工？正常都9點開工啦，我地又唔知遲去叫，食個早餐差唔多要成個鐘？人地對面香X茶餐廳，快靚正囉! 生意又多過你，試過叫左4個餐，唔駛5分鐘就到晒! 呢間野懶先進個個伙計拎住部機係度落單

一個天朗氣晴的早上, 坐落在尖東加連的翠華要開張咯~~~同一個位置, 原先是萬人迷Starbucks, 但一個月前已經封店, 正等待翠華的來臨.新店還在動土時我每天經過, 每天在想"呢個位通街都係食店, 做唔做得來ga..", 如是者一個月, 我去買早餐, 看到翠華門外企了一班好像在看股票的市民原來是一塊曉變的屏幕閃來閃去, 登出早餐套餐及價錢~嘩, 我真係大鄉里!觀察幾天入面都坐無虛席. 其實我並非翠華粉絲, 只是湊個熱鬧, 賀一賀佢~ 脆脆奶油豬出名到都唔需要多講. 現在好多地方都可以食到類同, 但唯獨我只吃本店出品的.脆脆外皮, 過5分鐘後吃有點煙韌. 包芯已經全浸了牛油香.可惜的是我較喜歡加練奶...一小個的脆脆豬, 價錢就等同出名面包店的牛角酥.來過一段時間人流減退, 會試早餐!