影片
港鐵屯門站 B 出口
繼續閱讀
開飯介紹
地方寬敞，融合傳統及現代烹調技巧，主力供應傳統潮州菜式，例如鹵水拼盤、沙薑雞及肉骨茶等。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
街知巷聞的翡翠拉麵小籠包的另一個品牌「翡翠潮州小廚」地址： 位於青衣城1期地下馬會旁邊亮點：全景落地玻璃，一邊用餐一邊欣賞海景招牌菜：潮州蠔烙，至尊鹵水拼盤，方魚蠔仔粥服務：❤️❤️❤️❤️❤️
繼續閱讀
肚餓餓想食沙薑雞，見到翡翠小廚午餐有沙薑雞就即刻入咗去食！坐低即叫沙薑雞配芋頭鹹肉鮮蝦五穀炒飯，等咗十分鐘左右就嚟咗個炒飯。個炒飯都好大碟，師傅炒得好好，飯粒粒分明，唔會炒到黐住，仲要唔油，入面有幾粒小鮮蝦，芋頭切得好細，容易入口，唔怕哽胃又唔會太硬。雖然個飯較為淡口，但好適合配沙薑雞食，食落幾香，唔錯！食咗一陣沙薑雞都嚟，成碟雞擺得好靚，仲有三小碟滿滿配料食，分別有鹹酸菜、菜莆同薑蓉，好開胃。食埋啲雞，覺得似鹽焗雞多過沙薑雞，無乜沙薑味，似鹽焗雞嘅鹹味多啲！但啲雞都好好食，份量夠大份。最後啲炒飯食唔晒，打包走！翡翠小廚啲服務好好，啲姐姐見到我杯茶唔滿就即刻倒滿俾我，好貼心！
繼續閱讀
屯門市中心好多餐廳選擇行黎行去揀黎揀去最終決定揀左呢間黎食佢呢間野有個唔好處係 佢分左兩邊拎飛等位 如果初之去既人真係唔知可以點 佢兩間店鋪其實係互通 意思即係 兩邊都可以點兩邊餐牌既菜式星期六呢日下午茶時間 我同男朋友兩個去左食可能岩岩過午市時間所以唔需要等位就可以拎飛直接入得 入到去其實空間感都幾大嘅不過呢d檯就好細 如果點得多菜式 真係幾迫下 我地就叫左 一籠小籠包 同 潮味二人套餐 因為可以唔洗諗 直接點 侍應服務都幾好 有禮貌 同佢地講點菜都好快黎到幫我地落單小籠包 熱辣辣 好多湯 我成日都好想成粒放入口 但又怕比d上湯辣親 我都係會咬開等佢涼一涼先食我男朋友就勇者無懼成粒食 佢話點少少醋加少少薑絲成粒食係最正 不過我同佢一樣 都覺得 個皮厚身左d 不過湯汁好夠味 嗯 都值得試下既！二人套餐入面有滷水拼盤 胡椒豬肚湯 碧綠龍鳳球 金銀蛋浸菜苗 蠔仔粥 鴛鴦水晶包滷水拼盤我地揀左 豬大腸 鵝件我就好鐘意食豆腐 D豆腐索晒d汁 好好味 如果用黎送飯 真係會超正 鵝件就比想像中肥左少少 不過都好惹味胡椒豬肚湯好好飲！唔會太咸 味道好好 少少胡椒辣辣地既味道 加埋咸菜 好開胃！ 好想飲多兩碗加上普遍商場冷氣都大 真係想飲多幾碗暖下胃碧綠龍鳳球其實係蝦球同雞件 另外執邊有d炸左既菜侍應同我地講 要食左d菜先 因為一陣間就會淋左 唔好食我地一試 覺得個口感同味道都好特別 不過蝦球同雞仔就略重口味可能配白飯會較好金銀蛋浸菜苗個菜苗係白菜仔 個人就覺得d白菜仔唔夠軟身 似係炒左之後再加上湯 所以d菜就無左果種上湯既味道 反之係炒菜既味道 皮蛋咸蛋都好足料蠔仔粥 每人起碼都兩三碗 其實都幾多好飽肚加上好多蠔仔係入面 好鮮甜至於鴛鴦水晶包係我打呢篇食評既時候 先醒起佢無上到比我地食😭 不過都真係好飽肚🙈 或者下次再黎試過！
繼續閱讀
翡翠小廚闊別好一段時間了，而家終於係屯門市廣場開番，實在太好。最開心的係我喜歡的傳統潮州菜都係齊度。鹵水午市套餐：食潮州野點可以無鹵水，見佢中午有個特價一人餐於是叫來試下，$78有鹵水雙拼及自選粥麵飯，真係好抵。鹵水味道夠香，一人食剛好。今次同3個同事來，都夠每人一片。加$10點了個芋泥，好味呀，夠滑夠香不太甜肉骨茶：同以前一樣都是用一字排，個湯的藥材味剛好，不會太霸道煎蠔餅：是傳統潮州做法，軟滑邊小脆，用薯粉鴨蛋煎果種，好多蠔仔呢！糖醋麵：個麵煎得夠脆，灑上糖，再落醋，食左2塊呢瑤柱翡翠豆腐：呢道雖然不是潮州菜，但好有特色，豆腐是佢地自己做的玉子豆腐，上面有層菠菜，加上菇菌的汁，很美味雜菌牛柳粒：牛柳醃得剛好，腍得來唔會無曬肉味整體都滿意，下次會同屋企人來食！
繼續閱讀
由細到大甚少踏足西區，每次都有惡運，陰差陽錯怎些因仲回舊地。上網搜尋一番，就挑翡翠吧。步入大廳地方寬敞，檯椅寬落，空氣流通，環境舒適寧靜。無論何時何地都會提早到達，坐定定打點一砌，挑定菜色。最愛此處不太忙，家路斯文，環境寧靜舒服，就算星期六晚市都只不過約七成滿。菜色包羅萬有，吸引萬分，見到已非常肚餓。除潮州打滷水及海產名物外，還有燉湯鍋物、炒粉麵飯、特色小菜，幻想一下已唾涎欲滴。連鮮榨果汁都有？係咪真架。鐵觀音，水滾茶靚，甘香茶味，綠茶清爽醒神！張標籤明顯寫錯字喎，什麼金失又見音呢？好玄喎，咒文？佛計嗎？依度係香港人既地方，拒絕殘體字！本幫啤，樽裝手工啤，手工啤沉澱物沉現有趣，甘甘酒醇，不澀不苦，這款不錯。正宗星洲肉骨茶，終於找到您，就係您喇，就係依個味道！居然係潮州冷找到頂級肉骨茶，就連小敏都讚口不絕。必飲肉骨茶，天堂的味道，鮮肉味藥材味甜美極至！深不見底的層次，高深莫測，濃郁香醇神秘順喉，熱熱的灌注入體內，暖笠笠渾身抖顫，滾動每個細胞。川芎白芷燉魚頭湯，最後一盅魚頭湯，兩個分甘同味。高湯底不是魚湯底，幸好依然濃郁香醇，魚頭味藥材味勻稱，鯇魚頭仔骨杉杉無肉食。翡翠小廚出品及菜色明顯在大埔兩間鹿鳴之上，遙不可及。原盅花旗蔘燉竹絲雞湯，試過幾款燉湯膽都一樣是清雞湯，此盅添加點點花旗蔘味，淡淡不濃不甘，飲落舒適。烏雞瘦瘦沒什麼味度，湯渣不要浪費照食。椰青南王雞煲，注明係食人蔘大既雞？味道沒什麼分別，可能藥療掛。湯底有椰青肉、杞子、雪耳、栗子，只有極濃椰子味，沒其他味道略為單調，飲兩碗好膩好滯，覺得口渴了。雞件淡淡茂茂，微弱的雞肉味道。杏汁豬肺湯，滑彈厚身水潤豬肺，沒半點腥嗅。白雪雪的湯汁咸味極強烈，蓋過所有。小敏最初話一齊飲，最後只呷一口。此湯大埔太興做得超級出色，這碗就完全不入流。滷水鵝件，比鵝片好味高質，肥美皮薄肉嫩，清香滷水醃味，連骨損過癮暢快。我倆表示不見豆腐，可否轉大豆芽墊底或其他呢？竟被拒絕，真係勁浪費！碟碟都大大舊豆腐做底，食豆腐都夠飽，無需再點其他菜色啦。滷水鵝片，厚皮鵝片肉質削削不嫩滑，帶鞋帶硬有點乾，給多點牙力趙吧！滷水味濃略咸略濁，滷浸過火咯。滷水掌翼，滷水味道清爽，不過咸不過濃，掌皮爽脆，翼皮黏滑，翼肉嫩滑有趙口。滷水鵝肝，濕潤軟滑綿綿，肥美油脂不乾硬過火，濃濃甘甜回香無限，放在嘴裡打滾捨不得吞下去。滷水鵝腸極度爽脆，掛上清爽滷水汁泛著天然腸甜味，不得不讚。滷水鵝頭瘦猛猛無肉食，我最愛的鵝腦不見了！趙趙損損其滷水鵝骨味道，像甘蔗般吸得乾乾，完成。墨魚滷得過咸帶濁，腍劈劈不嚥韌不彈不爽脆。鵝紅，滿星 5 粒米芝連無得彈。色香味十足，滑溜先脆後嫩入口爆汁，辣湯完全滲透，惹味萬分，可遇不可求。乾煸四季豆，鑊氣磅礴香噴噴熱辣辣，重重肉碎醬料，不手軟不吝嗇，豐盛地堆得滿滿。外脆內嫩的四季頭，鮮嫩搭著咸辣肉碎，滋味可口。甜梅菜扒芥蘭，趙落勁爽似菜芯沒有芥蘭的甘苦味度，去皮使得更爽脆多汁。淋上微暖厚杰梅菜芡，甜甜略嗆，襯托著芥蘭同吃味道剛好。蒜蓉炒芥蘭，感覺兜出來沒有炒過，沒有鍋氣的蒜蓉炒芥蘭。明顯地灼熟回鍋兜個蒜蓉汁，幾乎感覺不到的微溫，只是接近室溫。幸好非常爽嫩甜美多汁，菜莖可口無渣，菜甜味濃郁。蝦醬菜芯，粗碌爽甜噴水，葉夠翠嫩不鞋，清淡蝦醬咸鮮吊吊味，不重手不過份，錦上添花。金不換三杯雞煲，熱騰騰發出悅耳的呼叫聲吱吱咋咋，索一索氣味芬芳舒筋活骼。雞肉嫩滑微脆，保存肉汁，三杯醃味濃郁有著金不換清香，肉多骨少非常好食拍手掌。鳳梨生炒骨，肥騰騰油膩甘香，不太食到瘦肉，大大條骨在正中，咕嚕汁甜酸度勻高，使得口水大量分泌，食慾暴走更肚餓。椒鹽魷魚鬚，大少均勻條條粗碌魷魚鬚，靚靚仔仔目不暇給。薄薄一層炸粉鬆化不硬，溫柔地保護著，不油膩伴著同吃。爽滑嚥韌鮮味魷肉，優質出品滾上喼汁更滋味。椒鹽鮮魷，厚厚炸漿油淋淋，質感鬆散。鮮魷咸得出奇，不爽偏腍。半煎煮黃花魚，以冬菇絲、芹菜、芫茜助味，非常醒胃清新。皮香肉嫩，煎過的魚皮格外香口索汁，極端嬌嬌的細少魚肉，魚汁澎湃甜美，連湯都想灌晒落肚。蘿蔔最愛腍腍的，吸盡魚味高湯，好味好味。星洲辣炒蟹，試新野再中伏。半點辣也吃不到，泰式雞醬甜淋淋，而且搞到我對手黏黏的。甜味濃帶微酸，雖然蟹肉新鮮，不過完全唔夾，不好吃。米通配炒蟹搭甜酸醬，試一塊沾醬食，不喜歡。欖菜炒飯，師傅功架十足，內功非凡，炒得飯粒乾爽嚥韌，沒有濕淋淋。簡單的調味，純真無邪，欖菜微咸提鮮，蛋香四溢，大大啖入口味道均稱，美味絕頂。方魚肉碎蠔仔粥，靜態的演繹，緊緊夠熱燙嘴。細小彈彈爆汁蠔仔，韌韌少量肉鬆，讓清甜方魚高湯盛著，有著鮮味咸香仍是可口。
繼續閱讀