翡翠餐廳

營業中

休息中

⭕係附近上堂放飯同同學過黎食，其中一位同學介紹。⭕粉絲海鮮煲味道非常鮮味，海鮮有青口，魷魚，送飯一流。⭕涼瓜魚柳煲涼瓜當時不食，正值夏天要番個涼瓜黎涼一涼，口感爽滑，味道好食。⭕滑雞煲幾乎每次食茶餐廳必叫的小菜，百次不厭，味道夠鮮，口感彈牙。⭕八珍豆腐煲豆腐非常好食停不了手，汁醬非常惹味，豆腐黃豆味濃郁。⭕個人感想：服務態度良好，主動，座位狹窄，送餐速度快。🏘觀塘海濱道133號萬兆豐地下1號舖。

#bluemonday 超忙號星期一 五點幾先食第一餐之後仲要趕著下場appointment 諗著入間 #茶餐廳 可以快靚正而且觀塘海濱呢間之前有朋友推介過 話佢嘅 #黑松露炒蛋 重黑松露相隔一段時間再嚟 menu 冇變過 不過食物質素就。。。#是日常餐 #下午茶 $35 #黑松露炒蛋 #奶醬多 #鮮茄濃湯炸雞翼通粉 黑松露炒蛋好失望😢炒蛋炒得耐咗啲 有點乾 黑松露味係有 不過應該輕手咗 冇以前咁香濃#鮮茄濃湯湯底 簡直係蕃茄鹽水🤮 鹹爆你個腎啲通粉要用滾水沖淡先放得落口興幸 #炸雞翼 係正常 都係大大隻食得茶餐廳，仲要快，唔諗住有好高要求，不過佢個湯底真係搞唔掂🤦🏻‍♀️🤦🏻‍♀️

今日公司多嘢做到傻，午餐唯有落嚟買個飯上返公司，一邊食一邊做埋啲嘢佢…😢😢😢.口水雞飯 ($50)🌶🐔🌶🐔🌶🐔份量都幾多，雞肉肉質正常，冇話好嫩又唔會好嚡～口水汁都幾香，辣中帶少少麻，仲有芫荽、蔥、花生嘅香氣，加埋個味道都幾豐富嘅！白飯大大碗，送雞一流～.熱檸茶茶底唔會苦澀，檸檬都幾多塊，唔落糖就咁飲都唔會好酸，正常味道～～～ 🍋 ☕️ .茶餐廳水準來講都算唔錯，$50包嘢飲都抵食嘅！👍🏻

見呢間茶餐廳喺公司附近，而且又幾多人幫襯，價錢亦唔算太貴，所以Lunch Time就嚟咗試下！佢午市套餐有好多選擇，大概十款咗右，平均都係$50左右。我叫咗個咖哩薯仔牛腩飯 🥔 🐮 🍛 ，佢係港式咖喱嚟，入口係一陣咖喱嘅甜，後勁係輕微嘅辣味，都算香同易入口。牛腩分量算多，薯仔吸晒啲汁都香口，另外仲有啲洋蔥都幾足料；但見我朋友嗰碗牛腩就少好多，洋蔥同薯仔反而好多，睇嚟出品嘅一致性有改善嘅空間～凍檸茶🍋我叫咗少甜，唔會太甜，茶亦唔會苦澀～食物ok，但我哋2個人食要同另外2個唔識嘅食客搭枱，仲要無隔板，衛生意識有待改善😷

以前響呢頭返工，食咗好多年，都算老顧客，今日過空啟德空中花園就順手走過黎食咗餐下午茶，同以前一樣味道，大碟夾肥膩，見倒都覺得有糖尿病，但好好味，黃金西多士口感豐富，軟香超級甜，微微脆，脆脆豬當然係脆啦，脆得黎都幾喊，特別係食完黃金西多士再食脆脆豬，喊味就更加特出，最後輪到講吓杯檸檬茶，冇特別，普通檸檬茶一杯，不過隻杯幾靚，金屬高身杯，拎上手特別涼快，我同老婆一人叫咗一個餐，份量好足，食到頂住個胃咁離開🤣本黎都寫完，臨走先發現杯野飲有粒蟲仔🤦🏻所以衛生減咗分

同小朋友喺觀塘海濱玩完已經無氣力行返apm近近地間西餐無位仲要寸過碼頭古尼見到呢間翡翠大把位咁攰都照入喇點知比想像中好推介牛肉燴意粉最緊要配返可樂加冰底即刻精神返晒嚟扒餐就睇口味我覺得太乾但老公覺得好食跟餐沙津正常唔差嘅

中午12點鐘入去不算太多人，仲有好多枱！咁都需要搭枱，依家係疫情！搭枱黐到密質質，態度又十分之差！雖然係茶餐廳嚟，但係坐咩位都可以有自由選擇權。食物方面梅菜扣肉飯鹹到死！雪菜米粉竟然係酸到食唔到，最後走嘅時候埋單，只係叫你唱錢姐，換兩張$20都唔得，講話好忙唔搞我唔搞啊‼️嗰一刻根本就冇人得閒死，收銀姐姐態度極差，以後一定唔會再去光顧，叫所有同事都唔會再去食‼️十分之差嘅體驗從來未食過態度咁差嘅茶餐廳

下午茶時段，三點三order西炒飯，約十五分鐘上，一車六至七碟，好明顯一齊炒，一齊炒or出不是問，一食落去凍的，極其微熱，下次不會再來，環境可以，入坐時入座率五成，服務員服務正常，但我沒有叫佢地換過碟，算吧.......而家出外食野質素甘上下

早餐時段，人流不多點早餐好快就有任配2款肉食配湯粉麵加飲品，盛恵$37牛扒都算大塊，不過好油膩原本幫鋸扒，不過太油膩都係放落湯度清清下😅肉質不算太un... 幾好意粉反而偏硬，份量不多後來才上既咖啡，無乜香味，有d失色順帶一提係依家個世代，竟然只收現金，有d 麻煩

觀塘海濱道這邊有幾間餐廳， 今次試下翡翠餐廳， 是茶餐廳的格局， 星期日下午都幾多人。 唔想食午餐所以就點了個常餐$34沙爹牛肉公仔麵、 牛油厚多士、炒蛋＆凍咖啡跟餐加$3， 還有沙爹牛肉庵列配沙律 ＆熱咖啡$35。沙爹牛肉公仔麵整體味道正常， 不過湯底好似水汪汪的， 牛油厚多士和炒蛋味道一般般。沙爹牛肉奄列配沙律幾好✨， 沙嗲配奄列味道夾， 牛肉口感嫩滑， 生果沙律酸酸甜甜好清新。 咖啡味道香濃， 飲品質素幾好。讚一讚這裏的上菜速度非常快， 落單不夠一分鐘店員已經把食物送上來。😉

喺觀塘海濱花園附近搵到一間茶餐廳，依間野叫翡翠餐廳，喺出邊睇餐牌選擇都好多，入面嘅格局都好大，啱晒我同朋友一齊食飯，聽講呢度嘅紅豆冰真係唔錯㗎，就一於試吓啦，呢度嘅紅豆冰有六個選擇，我就要左杯奶茶紅豆冰，味道都唔錯奶茶味都做得好好，茶香奶滑配上紅豆又唔錯喎！

位置近海濱長廊，比較偏遠，地鐵站行過來最快都要10分鐘，不過都有好多棒場客事源係品質Ok ,附近又唔多競爭對手✨餐廳環境✨餐廳成個場好大，7-80人都應該放到🕞輪後時間🕤早餐時份都唔洗點等🥢推介食品🥢1️⃣ 番茄雞翼米線，配黑松露炒蛋再拼奶油豬平時加錢先食到，竟然套餐包埋絕對加分食落勁脆，多牛油多煉奶，好好味！ 本身跟米線，不過早餐來講，有點肥所以改左米粉味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）🧑🏻‍🍳侍應服務🧑🏻‍🍳：服務員好多，經常記得熟客食咩，加幾分親切感🔆總結一下🔆：回頭率高食物品質高 ，早餐可以經常食

荒謬招呼！無禮貌，唔想做就閂門喇！搞乜嘢啫！坐低十五分飯都未食完，餐茶都未飲，就叫我地走！儍架！又不停想收哂我地啲碗碗碟碟，乜都收哂！啲食物不過不失，唔太好亦不太差！

今日跟朋友又入到去翡翠餐廳食飯，撞正午飯時間特別多人，我哋等了大概5分鐘先可以安排入座。 餐廳都算大間，座位也比較多，在門口入口處見到食物嘅牌，價錢大眾化更包括飲品。 最後我叫了一個口水雞可以選擇跟薯粉或飯，我叫了跟飯，價錢包括飲品。 送到來是睇落好似幾大碟但係食起上嚟原來好少肉因為他們不是去骨的，大概只有大半隻雞脾。 而且口水雞味道只得辣完全冇其他香味。 雞肉又唔夠滑，味道方面感覺有點失望。 好在價錢唔貴又包飲品，簡簡單單一餐也可以接受的。

有豬膶湯味既豬膶米，湯底多薑，真情飲晒啲湯都唔口干，加埋啲炸蒜好香。多士有得轉奶醬多，不得了，食到晒兩塊。人均：60#test_kwuntong....#hkfood #hkfoodblogger #hkfoodreview #hkig #hkfoodie #travelhk#foodstagram #eatstagram #foodie #foodblog #foodig #instafoodie #foodporn #foodreview #foodhunt #foodbeast #life #tasty #먹방 #맛집 #인스타푸드 #홍콩 #먹스타그램 #일상#comida #delicioso #comer #gusto@eat_travel_weekly @ufoodhk