耀哥小廚

營業中

休息中

入到去問有冇位，女收銀態度已極其惡劣話冇位，態度差唔緊要，但完全冇招呼完全唔理你，完全唔稀罕做你生意咁，好耐之前食過，但經過今次極不愉快經歷後，絕不再考慮，無謂買難受

係我樓下既一間私房菜，久唔久都會落去幫襯下因為食物水準真係有，但每次食都要等超過30分鐘先上菜仲要每碟餸都唔平。今次去幫襯更加谷氣，3個人6點半鐘入到坐左張岩岩好既枱，落單個個丫姐仲提醒話晏啲有機會要同人地搭枱因為晚市，咁心諗無謂阻人做生意啦，照坐低叫左3/4個餸有煲仔有菜，每個菜都百三四蚊起，貴既要二三百，諗住好食既野貴啲都正常，如是者一直等到7點十分，三個人一壺茶係到等，平時都呢個時候都上左一兩個餸，今次一碟都無，隔離枱早過我地到都正係黎左一條魚。我地去問啦：「點解咁耐都未黎菜既」落單個丫姐就話：「廚房得兩個爐煮野食架炸，係要等下架啦，你睇下咁多人」我望一望，咦又係喎真係好多人，仲要枱枱都無野食架喎，咁就好笑啦咁你地忙咁耐係到做緊咩。望真啲佢一直都係到做外賣單，原本以為佢做埋手上面張外賣單會理下堂食啲客，無丫佢完全無諗過理，做完一張又一張，一袋二袋咁拎出去。又等左半個鐘，我屋企人就頗有微言，開始口噏噏講話咁耐都無一個餸係咪想做生意架，坐咁耐正係飲左幾杯茶。佢地第一時間唔係話安慰下你，氹下你，全部都唔係架喎，落單個丫姐即刻就講左句「係要等架啦，係咪唔想食先 唔想食可以走喎，還掂都未開

自從第一次食咗佢嘅梅菜扣肉之後，實在驚為天人，從此每次食耀哥我哋都一定會嗌梅菜扣肉，甚至晚上諗唔到食咩，就去耀哥叫兩個小菜其中一個就係梅菜扣肉，因為真係好好食！不過預咗要等，起碼四五個字，因為佢真係即刻整出嚟，但係佢嘅肥膏入口即溶，豬肉又冧又有彈性，真係10分唔錯。其實佢其他小菜都好好食，真係私房菜感覺，有好多配菜。

無時間就真係吾好嚟食喇， 真係會食到火都嚟 一開始落單嗰個阿姐 已經九唔搭八 我有我講佢有佢講 你畀個餐牌我 人哋諗好咗叫邊幾個餸 嗌你埋嚟落單 然後就開始一輪九唔搭八嘅對話 我一邊我有我講食乜餸 佢就一邊講今日有啲乜嘢新鮮，乜乜花蛤扇貝炒蜆咁…… 已經係啲唔鹹唔淡嘅廣東話都算 ，但係可唔可以聽我講完我想叫嘅餸，先至再推介你有啲乜嘢好介紹呢好啦，咁最後就叫4個菜，誰不知逐個逐個嚟，食完每一個隔成10至15分鐘先上第二味菜， 我真係xxxx， 第一個餸菜上枱 我就叫番嗰個 阿姐 即時幫我落單 要三個白飯 如是者 一家三口 就貴煮一碟餸食飯， 到第二味菜嚟到， 自己碗飯都食完咁濟 真係痴X線 ， 應該自己去煮會快過佢最後嘅總結係 ，第一，幫你落單啲阿姐 應該係冇腦兼弱智 第二就問題係廚房 ，我想食嘢先嚟，你就吾俾嘢人食，玩呀而家 ?不過我人好老實，食就係幾好食，不過真係預咗等到燥同埋落單一定落到著火嗌交咁， 你有你講佢有佢講 ，仲要佢又唔明你講乜咁， 難道我落單要講國語😒🔥

這間耀哥在顯徑邨，每晚如果在正常晚飯時間幾乎必要等位。今晚夜了吃飯，所以一去就有位。但吃過就知點解會多人幫襯，真係味道不錯啫啫雞煲，足料就一定，重點是味道，不會太咸，食材吃得出不是茶記那些普通。幾新鮮。雞肉不實又有鮮味，可惜冇咩汁，真係想連汁撈飯清。炒左碟菜苖，這個真不得不說，吃時滑滑的但絕不油又不水，而且很新鮮，我很少在街吃菜會覺得這樣。就是純炒菜會比肉類食品更好味，這個做得到。可惜只是和太太二人吃，無法再叫太多。無怪乎很多客來都必吃海鮮或貝類。這店的入貨水平必很好。所以個個都放心吃。

老豆生日又係我地一家聚餐嘅時候喇本身打算老媽子煮嘅，不過就就佢啦，左楝右楝，大家話好耐冇食呢間，就book呢間啦壽星仔生日揀菜，小炒王一定唔少得啦，老爸話呢間都唔錯，不過都係冇我妹子屋企樓下嗰間咁好食咁多料洋蔥牛仔骨D獻汁略嫌太多魚香茄子煲最正喎，咸度適中，魚香夠香八寶豆腐煲，材料豐富有蝦又有冬菇等等甜酸鱸魚，我本身個人就麻麻地食魚嘅，不過啲魚肉都好滑，但個汁D味就over得滯總括嚟講成餐飯都唔錯，係等上菜嘅時間耐左少少

d人話大圍多好野食呢句真心啱嘅耀哥小廚就係好好既例子😍雖然同大圍站一d都唔近 但都有唔少捧場客😊小編認為粟米斑腩一定要推介比大家 斑腩炸至脆身 加上多汁多粟米 魚香茄子炒到非常之有穫氣🔥 茄汁炒到淋淋地肉碎仲帶d鹹香👍本來以為嗌湯飯會好頹 點知都ok wo有菇有牛肉仲有消暑勝瓜夏天嗌佢冇錯加啦！仲有佢一個餐包可樂 抵到爛❗️

起菜極慢，餓死都未有得食店員態度極差，二樓冷氣極凍，有老人家想較細小小都唔俾食物質素一般，勝在夠熱，但一小時先上道菜，食完好似無食過咁。預約左8點但係8點20分先有位，一圍九個人係路邊呆等。三隻字，無下次

我地一行3個， 6:55pm 到耀哥小廚太多人， 上2樓搭台， 好快點左3個餸， 點知一等等左10個字， 中間催左2次不果最後上左2個餸炒小白菜班腩煲, 入味， 夠熱， 係好食的加2碗白飯15min ko 晒， 第三個餸（芝麻雞）都未上到， 1小時10min 都未整好一個餸！食完埋單都未有總體來說， 餸菜係幾好味， 入味， 材料足， 但上菜真的超級慢！！ 呢間小店無take two除左我地， 搭台的另外2人也等了超耐， 廚房根本都做唔切， 就咪開咁多台客啦

禮拜日夜晚過左黎食 滿哂位 不過又未洗等位三個人 叫左三個菜 咕嚕肉 霸王雞 仲有薑汁芥蘭坐低左超過半個鍾先黎第一碟咕嚕肉 咕嚕肉得兩舊菠蘿 但肉就ok既 不過吾太脆 以超慢速度慢慢食完碟咕嚕肉 第二碟都仲未黎 差左一個鍾多d先上齊三碟 但霸王雞幾好食 肉好滑如果等得既話 呢間味道都吾錯既

琴日晚去幫襯，一入門口已經唔想招呼既樣，全程黑口黑面，毫無招呼。我知佢地做慣熟客，而我都決定唔會做你地既熟客。野食係ok的，但價錢貴、環境差，最重要係態度惡劣，不值得推介。

幫襯過好幾次，幾乎每次都出現同一問題，就係"起菜慢"，不論爆唔爆都係咁慢。當然“味道佳”就係點解我哋忍完一次又一次都再幫襯嘅主因。主要推介以下菜式，避風塘茄子，面頭好香脆好乾身，唔油膩。蜆芥鯪魚球，爽口彈牙。重慶雞煲，入味、唔太成而且雞件好滑肉好嫰。

經朋友介紹11/6首次於此餐廳,感覺不錯,雖然價格錯亂，也樂意介紹朋支。佢在20/6與2位朋友用餐,隔大約10人,因天氣較熱,那肥佬不斷用搖制把我們檯牆上分體冷氣調較,風口直接吹在我食物上,當時我將風葉作移動,隔有1名女士立即破口大罵我們,態虔其劣並以"事頭婆"表示不滿意就唔好食,以後不要再光臨。最後這位兇惡"事頭婆"將我們order食物放在轉移她朋友10人,完全不可以接受服務態度,我們也憤怒離開，並將整個過程拍攝下來。這位事頭婆應關門祇做自己親朋生意，忠告: 她老公你在廚房辛勞工作但你事頭婆努力在樓面黑口黑面罵客人

物價騰貴，想買好一點的菜，弄得滿身大汗，倒不如出街吃，點一、兩道小菜，也許價錢都不會相差很遠，而且更來得輕鬆自在。每次經過耀哥，總看到一大班喝啤酒的男子漢或是一家大小坐在門外的兩張大枱，看來頗受街坊歡迎。今晚我和老公點了三道菜：咕嚕肉、蝦醬通菜及陳皮煎中蝦。樓面有三位阿姐，服務中規中矩，幸好有check單，發現價錢寫多了，馬上叫阿姐改回。老實講不會對服務有過高期望，沒有收取加一服務費，基本服務算是可以了。反而小菜的味道和份量都令我很滿意。中蝦可說是大蝦SIZE，煎得香脆，肉質也爽。咕嚕肉沒有肥肉，卻也一點不靭，不像其他茶餐廳咬下去只有粉和肥肉。通菜則很有鑊氣，只略嫌多油。整體來說也很有水準，結果吃盡每一粒飯和碟上的餸﹗

大圍四周村屋林立,不少居民將三層住家改為餐廳,飯店或是士多之類,同區另一名店生昌亦是類似的店舖,競爭可說不少. 雖然是平日的晚上,客人不多,但地下一層太熱了,都給安排在二樓,感覺上環境寧靜點,有私人空間,不過冷氣不足是最大問題. 翻開餐牌看看,價錢一點不貴,一句到底.........街坊價! 仗著男士多,點菜由攪手大王發辦,十多個小菜也不愁清不了. 辣子雞煲 : 雞件比較細,但辣汁是收得夠乾,可惜辣味太輕,失去了辣子這個含意. 黃金鮮魷 : 咸蛋黃醬粉掛得平均,將魷魚緊緊包裹,而且油份瀝得清,碟底不會有太多油,又夠香口,不錯. 秘制橙花鱔球 : 有創意,其實橙汁的清香果味能將白鱔的泥味僻除,但酸性又似乎破壞了鱔片的肉質,是夜咬落雖然味道不錯,酸酸甜甜的,但有點韌. 金沙蒜香骨 : 大路貨色,蒜味足,炸得香口,肉又夠厚. 椒鹽九肚魚 : 店方對炸物是有一手,九肚魚醬粉夠薄,又不會太油,魚炸得外酥內軟.薑蔥霸王雞(半隻) : 雞是處理不錯,肉夠滑溜,不過薑蔥落得太輕手,失去了霸王的神韻. 東江鹽焗雞(半隻) : 鹽焗雞亦有同樣情況,肉質夠滑,雞味不足,來貨問題,非戰之罪,有時都是一句,食靚