耀記滷水店

營業中

休息中

蒜蓉粉絲蒸鮮魷：一向最鍾意清蒸嘅方法食海鮮，今次呢個魷魚非常新鮮彈牙，切咗花刀嘅魷魚除咗增加口感之外，仲可以沾上更多蒜蓉汁，而墊底嘅粉絲同樣地都係吸滿晒啲蒜蓉汁同埋魷魚嘅鮮味。唯一要挑剔嘅位就係如果可以再多啲粉絲就好啦！椒鹽豬扒：份量非常多，大概都有十塊豬扒。每一塊都炸至金黃色，外酥內嫩，冇咩多餘油分。食得出有提前醃製過，非常惹味。加埋蒜粒、辣椒末同埋蔥花，送飯一流，可惜今次只有兩個人食，已經飽到食唔落飯啦～

最近好耐都無同朋友聚一聚同埋食耀記，所以就約時間嚟食呢間，再試老闆手勢。我個朋友係熟客仔，所以一早同老闆落好order, 老闆當日就會買新鮮食材嚟煮。我地一行6人就叫個8個菜首先就上左個辣酒煮螺，辣味十足，非常惹味。冬風螺亦非常新鮮。之後我地仲叫老闆用淨低嘅辣湯底煮麵，啲麵掛曬啲辣湯，非常好食！！之後仲叫左龍蝦2食，蒸荷葉飯+粉絲炒底。龍蝦勁新鮮，鮮甜彈牙！果然係老闆即日新鮮買嘅龍蝦。每次來必叫的乳鴿，一咬落去爆曬啲肉汁出嚟，皮脆肉嫩。另外再加個啫啫班腩煲。魚肉新鮮無霉味。最後嚟個煎蠔仔蛋埋個靚尾。咁耐無來老闆都仲keep 到水準，食完又要再約定下次食了。

已經幫襯左幾年，最近好生意改成一晚做兩轉客，每轉限時2小時既私房菜，，今晚人均$420，食物質素同味道明顯下降，環境擠迫，開2大1中2細枱，聲音極度嘈吵，某女店員（疑似新任老闆娘）態度禮貌欠奉，由以前可以慢慢享受美食同暢談暢飲既好地方變成趕食既餐廳，叫左8餸1湯，最後一道菜上時已經過左1小時30分，還有15分鐘交枱就趕右切埋蛋糕，全餐都急住食，如果唔介意趕食既可以考慮，豉椒聖子米粉底，個味咸到一個點，其他食物一般，成餐晚飯感覺好似食放題般趕急

高質滿足既晚餐同事farewell晚飯叫左滷水拼盤，墨水鵝腸，滷水牛腩，椒鹽鮑魚，炸子雞，龍蝦兩食，涼拌聖子，薑汁芥蘭同JJ唐生菜菜單早半個月前個大廚傾定好，每道菜都無得彈，同事們冇諗過鮑魚可以椒鹽，仲要可以外脆内嫩，爆汁炸蠔同樣驚喜，每個人都話兩隻都唔夠喉炸子雞都係我必食推介之一，外皮脆肉嫩爆汁，同出面原全唔同龍蝦同薑蔥粉絲又係絕配，膏同頭爪配荷葉飯估唔到咁好味涼拌聖子不得不讚，送酒一流好多嘢食都係同大廚要求菜牌無架

今日有幸路過個青衣，朋友介紹呢間不起眼的街坊菜，估唔到十分有驚喜！朋友一馬當先叫椒鹽鮮尤、菜遠牛肉炸麵、淨魚蛋、椒鹽豬扒同埋金銀蛋浸娃娃菜。淨魚蛋第一名上枱，未食之前我都想像唔到有幾特別，但原來係100分彈牙爽口，食完一粒又一粒，最後要encore叫多一會碗椒鹽鮮尤同椒鹽豬扒冇得輸，兩樣都炸到好香口，但又唔會厚粉或者油淋淋，仲要每樣都大大碟，食得好滿足菜遠牛肉炸麵又係估唔到咁大碟😂啲麵好脆口，我哋要搶食晒脆麵先，如果唔係啲汁就會整淋晒😂啲牛肉又係多到鋪晒面㗎喎！今日有少少只可以試到幾樣家常菜，但真係幾樣都冇得彈，呢餐好滿足呀

今次係朋友極力推薦嚟耀記食晚飯, 一行8人。老闆好好, 就算餐牌上冇嘅款式, 只要佢煮到既都會盡量滿足你既要求, 當然價錢比菜譜貴少少啦, 但整體價錢係合理同抵食既! 平均每人$200左右, 但食到捧肚, 煮得又好味!因位置交偏，主要係街坊生意，所以煮得特別用心。食飯前數日我地已將大部份想點既款式預先話定比老闆知, 所以我地一坐落枱, 基本上不到10分鐘就有得食! 爽!豬肺湯 - 湯料好多，當一碟餸咁食都得，湯又夠火喉，豬肺好味！鹵水雞亦、蛋 - 呢度真係要必食鹵嘢，雞亦鹵水入晒味但唔過咸，蛋好軟熟但又夠鹵水味！蒜蓉粉絲蒸蟶子 - 蟶子好夠鮮味，又冇蒸過時，只係食到有少少沙，整體唔錯！椒鹽九肚魚 - 原本對呢款冇乜興趣，諗住留番啲quota食其他嘢，但老公話真係炸得唔錯，唯有一試啦，果然同出面食開嘅唔同，肉特別嫩，炸粉又好薄，魚味比平時食開的濃，真係不能睇少！川椒炒辣牛肉 - 幾香口，都夠辣，但其他款式太吸引喇，顯得呢款失色左。鹵水鵝 - 鵝有少少肥，肉好鬼嫩，令我食左好幾件，如果碟底放多啲鹵水豆腐就好喇！嘻！香辣鹽水粉絲花甲 - 呢款係我哋叫老闆特別煮的，鍾意食辣嘅朋友會非常鍾意，連