老兄苔

營業中

休息中

台灣夜市最令我心心念念就係地瓜球🥰但係香港真係搵唔到嗰款🥹全部都係嗰種來貨嘅翻版地瓜球🫠好彩依家太安樓開左間見到嗰部炸地瓜球嘅壓鍋我就知道我冇嚟錯啦🤩🌟原味/梅粉地瓜球($28)首先試咗原味先一份應該有10粒到炸到金黃色脹卜卜好靚仔💖外脆內Q，口感煙靭食到番薯嘅天然甜味重點係入邊一定要係空心‼️真心同台灣夜市有得比🧡終於喺香港搵到似樣嘅地瓜球😭另外揀左夜市必食嘅梅粉味酸酸甜甜夠過癮

星期日嘅下午嚟到太安樓掃街，不過原來好多舖頭下午都係未開嘅。嚟到呢一間食地瓜頭嘅舖頭，見到冇乜人排隊帶着非常之低嘅期望諗住試一試啦。我哋叫咗雙拼地瓜球，一半係梅子粉，而另一半就係朱古力加花生！兩款都非常之好味！個地瓜球嘅質地係外脆內軟，而且地瓜味都非常之出色！我個人就鍾意梅子粉味多啲，香港好少食到梅子粉味嘅地瓜球，自從去台灣食完之後我而念念不忘，喺香港食得返都好感動！花生朱古力就正常發揮，呢一個組合點會唔好食呢？

第一次經過西灣河太安樓，口痕想買啲小食。見到有間橙白色招牌小店，賣台灣小食，行咗埋去睇吓有咩食。第一次喺香港見到喺台灣食過嘅地瓜球買嚟試吓。好驚喜，我覺得仲有少少好食過喺台灣食😱佢完全做到空心，但又有Q彈感，仲要有得加梅粉。價錢唔貴，都係$28一份，有成10粒咁多🥳！一個人食晒一包都唔覺得滯，食吓食吓唔覺就食晒成包，絕對會再有下次！😋😋😋👍🏻同埋下次去都想試吓佢其他啲嘢食例如滷肉飯。

有一排冇嚟過太安樓，點知比我發現咗間正嘢，聽講開咗幾個月，主打台灣小食，我見到佢部地瓜球機，就覺得好熟面口，睇返啲相發現喺台灣夜市見過一模一樣嘅，好！就買一份試吓啦！買咗份原味，10粒好大粒，都係$28！抵食！一咬落去，外脆內煙靭，空心彈口，同正宗台灣地瓜球一樣，未到比起我舊年去台灣食更好味！😋食完忍唔住，兜兩個圈再返嚟試埋個滷肉飯約$40，非常唔錯，啲滷肉肥瘦適中，完全唔會覺得肥膩👍小朋友叫埋鹽酥雞$35，佢哋好鍾意！食飽飽，好滿足！以後多一個理由再嚟太安樓！支持良心小店！

唔明點解咁正既特色台式小店咁少評論🤔好少寫食評都忍唔住要黎推推佢，唔想又一間真正好食既小店執笠🥹呢度賣既野係出面其他台式餐廳比較少見，好有特色除左地瓜球（食過2次原味最正）係我香港食過最接近台灣既口感同味道之外，其餘既菜式都食得出陣台味同老闆既心思我已經叫左幾次keeta個一人餐，食完係會飽得好滿足，細食既女仔可能食唔哂排骨酥湯（鍾意到之後單點大份，圖為大份配米苔目，都有7-8粒排骨+6-7舊白蘿蔔）湯底入味唔會死鹹，口感順滑，排骨軟硬度適中，仲有燜到淋唔會一絲絲既白蘿蔔滷肉飯（圖為一人餐份量）滷肉味濃而且份量好足，仲配埋香菇，會一啖接一啖咁食甜品（圖為未溶雪既狀態）米苔目冰（無名，我作的）呢個係個app就咁叫甜品玩神秘，但送到黎真係意外的驚喜米苔目口感煙韌，好適合做甜品，加埋重慶冰粉會食到既配料例如山楂，花生碎，酸酸甜甜清爽解膩係一開始會冰住哂，不過好快就溶，半冰半溶果陣食冰冰涼涼好爽另外仲有肉羹（圖為一人餐份量）酸酸地微辣，肉食得出鮮味仲好似有少少軟骨，仲有D菇呀配菜呀咁，整體比較濃郁，鍾意食羹類既可以試下

台灣既小食文化總係令人念念不忘，今日就黎到西灣河被人稱為香港小士林既太安樓掃街，咁當然唔可以錯過台式地瓜球依款經典小食🥰原味地瓜球同友人分食，份量岩岩好👍🏻因為店員話係岩岩炸起既最後一份，即刻買左，咬落去外層酥脆，有糯甜既口感，外脆內軟都幾滿足🤍唯一美中不足既係口快快要左原味，食到後面口感較單一，如果叫其他味道應該有更豐富既味道層次，會比較驚喜😆

西灣河太安樓一向被譽為小士林，入面有各種唔同嘅小食店，係港島人其中一個掃街嘅好地方。而老兄苔呢間新開嘅小店就特意購入台灣夜市專用嘅地瓜球機，香港只此一家！今次真係唔使搭飛機✈️就有去咗台灣嘅 feel佢哋嘅地瓜球都係手工炮製，粒粒金黃，入面空心同埋食落外脆內煙靭嘅，QQ彈彈好滋味~花生朱克力口味香甜但依然食到地瓜嘅味道，食落唔會油膩，好還原到傳統台灣味道，值得一試😋（仲可以去埋來來食仙草同芋圓，完整台式體驗）

太安樓叫得做香港小士林，當然有唔少台灣美食，呢間老兄苔專賣地瓜球，餐廳仲推出唔少特別口味，例如肉鬆沙律醬、椰蓉朱古力因為自己好鍾意食梅粉，價錢方面又同原味一樣($28/10粒)，所以就決定嗌份梅粉地瓜頭試吓🤓因為嗰陣時係朝早，所以全部地瓜球都係整定擺咗一段時間，店主會再額外加啲梅粉落去🫙攞上手唔算好熱，亦都因為係整定嘅關係，咬落去唔脆、有少少硬，不過的確好煙韌，而且梅粉嗰少少鹹味可以中和返地瓜球嘅油膩感，兩者真係好夾👍🏻建議大家夜晚先去食，地瓜球應該就會新鮮啲好味啲😋

🇭🇰Hong Kong - Sai Wan Ho📍老兄苔梅粉地瓜球_____________________________唔知大家去台灣夜市最中意食咩呢，每次去到夜市我最念念不忘一定係地瓜球。每次係香港食個種地瓜球唔知點解一定係實心、有餡或者唔係就咁地瓜咁簡單。最近去開太安樓掃街，發現新開咗間買地瓜球即刻買黎試下。有型型式式嘅味道有咸有甜，最後我都係叫返梅粉味。地瓜球確確實實係台灣夜市食開個款空氣感十足，亦都非常煙韌。亦都大大粉。加上梅粉酸酸好好味，但店員好重手，大量梅粉有幾粒係極酸。整體黎講味道口感唔錯，但奈何唔係即整凍咗就有啲唔係幾好食。📍西灣河筲箕灣道57-87號太安樓地下A39-A號舖

呢間系太安樓新開嘅台式小店主打各款唔同口味嘅地瓜球當然亦有其他台式小食～總共有6款口味 而史努比就揀咗佢寫住人氣嘅美奶滋肉鬆😎👍🏿美奶滋肉鬆地瓜球 $32一份有成11粒咁多 仲要粒粒都勁大粒 脹卜卜咁😳咬落去脆卜卜🤪食落又唔會覺得好淋油 炸得幾好～老闆系用西瓜紅番薯嚟整嘅食落比起普通番薯更加甜但唔系死甜嗰隻👍🏿番薯味好pure 唔會甜到漏外面淋咗啲台式mayonnaise Mayonnaise嘅味道偏甜😗史努比唔太鐘意呢款sauce肉鬆份量唔多 所以都唔系好食得出😅雖然中間系空心 但值得一讚嘅系口感超煙韌真系估佢唔到😂食落勁有咬口😎煙韌控一定好鐘意❤️味道: 7/10性價比: 8/10*不設加一服務費*鋪頭外面有個小型立食區 史努比覺得個地瓜球唔錯嘅 大大粒份量又多可以一試 不過冇話好驚喜😂建議嗌原味 因為醬料同肉鬆有啲畫蛇添足嘅感覺😗店員都好細心 遞咗張tissue比我哋*不過唔知佢系咪因為見到史努比影相先咁做*😛整體評分：味道: 7/10環境: 6/10服務: 6/10衛生: 6/10抵食: 8/10回頭率: 3/10-