老厝邊

營業中

休息中

今次去左荃灣廣場附近既呢間台式餐廳食飯。其他地方都有佢既分店，主打係平民向既台式料理，例如滷肉飯、蛋餅、鹽酥雞等。入面裝修成一間台灣地道小店咁，別有風味。花雕醉雞 🐔首先叫左個冷盤花雕醉雞。呢道菜好有酒香味但唔會重，就算唔太飲酒既人都接受到。雞肉滑溜，唔鞋口，清香但唔覺苦。食多幾舊都完全唔覺油膩。滷肉飯接住嚟係滷肉飯。滷肉飯肉量剛好，入面既五花肉同肉醬夠冧夠濃，每啖飯都食到滿滿油香。一個人食一碗細滷肉飯都夠，留番個肚試吓其他餐點。超濃芋泥蛋餅餐牌入面有好多款蛋餅，今次想試吓佢芋泥香唔香口，估唔到都有驚喜。外皮不過不失，不過內餡既芋泥好飽滿同勁香，配合埋入面啲芝士好夾，食落好滿足。覺得膩/驚寡既話建議沾少少醬汁，好食好多。仙草凍鮮奶 （熱）（少甜）杯入面仙草凍份量好夠，多到食唔曬。仙草凍滑溜溜，味甘唔甜，中和到鮮奶既膩。現煮冬瓜鮮奶 （熱）（少甜）呢杯冬瓜鮮奶相對較甜，但係佢啲奶味好出，重奶味過仙草凍鮮奶好多，鐘意奶味既話一定要試，入面既冬瓜味好奶味完美融合👍🏻👍🏻

荃灣都有好多台式食店 老厝邊係一個我會成日翻桌的餐廳 🍴食物種類都好多可以選擇平日夜晚八點連閣樓都大部分滿座 都幾受街坊的歡迎 😆大腸麵線（小）份量對於女士黎講已經足夠 入口酸酸甜甜 頗開胃 亦有5-6 舊大腸 CP值頗高 麵線幼嫩 老少咸宜九層塔蛋抓餅台灣出名的羅勒配料 入口清新 相對健康 配合煎至金黃色的蛋餅 口感豐富 飲品： 凍蜂蜜檸檬愛玉開胃消津之選✅愛玉滑餾Q彈 配上酸甜檸檬🍋汁 如果想食台灣菜 都不失為的其中一個好選擇

我今日放工後，約同好友去位於荃灣大壩街25號舖的老厝邊食古早味台式菜，環境舒適，坐得舒服。我點左個 半筋半肉麵 $78，好友點左個 經典滷味大拼盤 $72，另外點左個 超濃芋泥蛋餅 $44，餐飲係 熱古早味冬瓜茶$18。半筋半肉麵份量不少，牛筋軟腍好味，牛肉是厚切牛肉片，牛味香濃好食，湯底濃郁；經典滷味大拼盤有：豬耳、木耳、豆腐、雞蛋、豬大腸和酸菜，食材滷得入味又好食。超濃芋泥蛋餅好好味，甜甜地的芋泥和肉鬆芝士做餡，煎得香口；古早味冬瓜茶好好飲。

🔸半筋半肉牛肉麵    $78大大碗牛肉麵有三大片鹵牛肉，另外仲有三條牛筋，都係炆得好腍嘅， 有一大嚿蘿蔔同埋雪菜、小白菜墊底，麵條入口爽滑，味偏甜，係一碗好好食嘅正宗台灣牛肉麵。麵嘅湯底係牛肉湯，好深色以為好咸，飲落原來都好清甜。味道：8/10性價比：7/10🔸大腸麵線    $45大腸麵線要咗大份嘅，都畀得好多得鹵豬大腸，麵線就係 以前喺台北食嗰阿宗麵線，好似粉絲咁幼嘅幼麵，口感有啲似食碗仔翅， 味道就比較酸，酸酸地都好開胃。味道：7/10性價比：7/10🔸炸物小食香炸魷魚    $38呢個魷魚鬚炸得好香，係比較多魷魚鬚嘅，卜卜脆 又香口，加咗幾片炸九層塔，更加提味。香鹵排骨    $40鹵排骨望落去似炸豬扒，因為要將豬扒鹵好再炸， 豬扒大大塊 鹵得十分入味，經炸透之後再切成八段，好大塊，所以呢個唔可以叫做小食，應該係大食。味道：8/10性價比：7/10

開業時已經嚟食過，嗰種濃濃台灣風味依然歷歷在目今天剛好又到荃灣，當然要再嚟食，果然水準依舊，難怪越開越多分店必叫半斤半肉面首先個湯底超濃郁又香，整碗份量也不少牛筋有三大條炆得超腍，簡直啖啖骨膠原送落肚牛肉薄薄，都係好淋好鬆化大腸麪線（大）無論麪線份量，柯仔數量 一點也不吝嗇，好飽肚，大份量足夠兩三個人食。而個芡汁調得剛好，食落唔會有飽滯脹肚 。塔香鹹酥雞外皮口感鬆脆，每一口都卡卡聲，好脆，但一啲也不乾身，雞肉汁就同時間必出來，越食越停不到口。香蔥牛肉起絲蛋餅蛋餅款式很多， 啱晒蛋痴一族，正宗蛋餅就是這樣，皮薄餡料多，外層微焦香噴噴，香蔥牛肉料加芝士好澎湃，最重要也包得很紮實。蜂蜜檸檬愛玉有愛玉，正正正，配埋微甜蜂蜜，配台灣食品絕配。

這間台灣人氣古早味食店 ，樓高兩層 裝修 典雅 乾淨食物款式多 價錢合理👍🔸️ 香蔥油乾拌麵💰42 蔥油控必點 蔥油味道 葱香濃郁撲鼻 👍 入口Q彈有嚼勁，滿足我味蕾🔸️炸排骨沙茶麵 💰62 同樣大份量 即叫即炸 色澤金黃 酥脆香口 肉軟有肉汁 配合帶有花生 味重沙茶酱，濃濃的湯汁掛在麵上 ，正呀！😋香噴噴炸雞扒 💰42特大雞扒 炸到脆卜卜 脆粉好薄 雞肉好厚 好juicy肉鬆皮蛋豆腐💰38皮蛋 金香 軟綿 豆腐清涼 嫩滑 和 肉鬆的 惹味嚼口， 三種不同質感 不同味道 配上 特製 醬汁 回味無窮🔸️ 蜂蜜檸檬紅茶 💰22🔸️ 百香雙響 💰28

睇完個早場後, 又想起近排睇戲見到既排骨飯見到佢食得津津有味既樣, 真係好鬼想再食香港冇邊間排酥炸排骨好食, 食開幾間都係又硬又死咸唯獨是老厝邊比較岩心水, 唔會過硬同過咸裝修環境都舒服, 簡約而且落單方便今次食既係便當, 有飯有醃制瓜, 黃芽同埋西蘭花有肉有菜好健康既便當再點左杯熟成鮮奶茶味道唔似平時飲開既台式奶茶點左少糖, 味道岩岩好唔會太死甜服務都正常, 收八達通, 而家俾錢好方便不過如果坐四人台, 兩人去好大機會要搭台另外都推薦食佢既香蔥油嫩雞伴面有時唔想食飯, 又唔想食熱辣辣既湯面伴面係一個好選擇!

睇完大熱《九龍城寨》勁肚餓，行過荃灣廣場對面就係一條食街，有十幾間餐廳。今日食呢間係飯堂之一，好掛住蛋餅滷肉飯🤤原來轉左用QR code落單，好方便👉🏻滷肉飯有分大同細，我哋肚餓得滯點左兩個大滷肉飯🐖🐖🐖除左有一兩舊特別肥，滷肉基本上肥瘦均勻，唔係好咸，醬汁撈勻啲珍珠米係岩岩好夠味。仲可以揀多飯，啱晒大胃王。👉🏻超濃芋泥蛋餅芋泥小小甜，同肉鬆芝士🧀perfect match，攤到最後食都仲係暖暖地。👉🏻炸大雞排建議兩個人或以上share，呢塊雞排超大塊。脆皮係用蕃薯粉，超級脆。如果有個他他汁之類點下就仲正。

香噴噴炸雞扒便當🐓🐣🐔🐥 ($72)塊雞炸真係冇諗過會咁大塊啊🐓 炸皮都唔會好厚 反而都幾厚肉啊🐣炸到酥脆酥脆 真係幾正啊🤤🤤除咗飯之外 都會有少少炒粉絲🍜半筋半肉麵 (蔥油乾拌)🍜🐄 ($78)拌麵一開頭都擔心食食吓會好乾🌵 但食都最尾都冇啊🤤🤤牛肉同牛筋都好入味 而且唔會好韌😬😬起司肉鬆蛋餅🧀 ($40)🙋🏻‍♂️🙋🏻‍♀️都覺得好好食啊 起司同肉鬆鹽鹽香香🧂再配上煎到好香脆嘅蛋餅幾好食啊🤤🤤再點埋旁邊嘅醬汁食就更加正啊🤤🤤🤤🤤珍珠黑糖鮮奶🧋🧋 ($28) 講到台灣菜 當然唔少得珍珠黑糖鮮奶啦🧋黑糖好多夠哂正啊 珍珠好似咬口😬😬 但又唔會咬到牙軟啊 整體都幾好飲 唔會太甜啊🤤🤤熟成奶茶 ($24)口感順滑香醇 茶味都好足 比例好平衡🤤🤤

喺荃灣，行咗嚟呢條街因為呢度有好多小餐廳，行吓行吓見到呢間台灣菜館，似乎幾啱呢日嘅胃口，咁就入咗去食晏😊叫咗 $70「眷村牛肉麵」，有「紅燒湯、麻辣湯、蔥油乾拌」3款可以選擇，咁揀咗「紅燒湯」；再加一個$24「燙青菜」😋「眷村牛肉麵」：飲啖湯先，有頗為濃郁嘅牛肉味；牛肉係牛𦟌，煮得夠軟熟；仲有一件白蘿蔔煮得好腍；呢碗「牛肉麵」整體嚟講都幾好味😋「燙青菜」係「生菜🥬」：味道清淡，簡簡單單感覺幾健康😁

老厝邊❣️老厝邊是一間充滿台灣風味餐廳，位於荃灣西站附近🤪裡面的裝潢令我有台灣九份的感覺。餐廳內有兩層，地方頗大。地下有提供箱子放隨身物品，唔怕冇位放，夠曬貼心。掃QR code自助落單，十分方便。菜單料理種類多，粉面便當小吃都有，唔驚唔啱食🤭🌟滷肉飯🐷$36必點台灣經典滷肉飯。滷肉可見五花腩肉丁形狀，入口即溶，肉汁都唔會太鹹。搭配一粒粒珍珠米，非常可口。飯量可以選擇多或少。除咗滷肉飯之餘，仲可以揀滷肉米粉。🌟經典滷味大拼盤$70份量大，餸菜多。有豆腐、豬耳、木耳、酸菜、雞蛋、豬大腸。如果有選擇困難症，絕對可以點呢個同朋友share❤️🌟台式蒜片香腸🍖$38煎香的台式香腸，搭配一片片香蒜和金不換。入口非常香口🤭🌟燙青菜🥬$26生菜伴隨着肉燥汁。新鮮青菜帶有肉味，唔怕唔夠味。🌟飲品🍸1⃣️凍椰果蜂蜜檸檬🍋$24冰&糖都可以根據個人口味而選擇多與少。蜂蜜檸檬帶有濃烈檸檬味，但加咗蜂蜜。開胃得來唔會太酸。2⃣️珍珠麥香奶茶☕️$26珍珠不少，奶味濃。甜度剛剛好。❣️總括而言，價錢親民，地點方便。性價比都算高。店員姐姐都幾有禮貌。

呢間台灣野選擇好多，野食都幾地道☺️酥炸排骨便當($68)排骨有一層炸衣幾香脆同帶啲木薯粉嘅口感😋 有啲椒鹽味而且鹹度適中，仲有啲配菜同粉絲😙三杯雞起司蛋餅($42)呢個蛋餅幾有驚喜! 三杯雞排幾滑嫩同香，芝士半溶加埋脆脆哋嘅蛋餅皮點埋醬油膏好味😍炸甜不辣 ($34)甜不辣煙煙韌韌幾正🥳野飲方面都有好多選擇，推介蜂蜜冬瓜愛玉🥰📍老厝邊🍽️ 7.9/10#janfoodiary_台灣菜

星期六又周圍去搵好野食，經過荃灣廣場附近見到一間鋪頭食台灣菜，所以就入去試下。好彩6點早食飯，唔駛等位，之後就好多人排隊啦～今次叫左三杯雞排蔥油拌麵、蕃茄牛肋條湯麵、起司肉鬆蛋餅、百香雙響蕃茄牛肋條湯麵：酸酸甜甜，麵條有彈性，牛肋條尚算腍，份量足夠三杯雞排蔥油拌麵：沒想到有兩大塊雞排，份量好足，麵條有彈性起司肉鬆蛋餅：熱辣辣，如果肉鬆多d會更好百香雙響：我叫少甜冰，有椰果及珍珠，好味這間店還有其他小食和飲品，可惜今日只是兩個人食，下次還想再來一次去試其他食品。

🍚滷肉飯（小）$36呢個必點，大份又抵食😋，個飯既醬汁適中，滷肉同飯份量都仲係好多，話係小份，其實份量都幾多，幾大碗。滷肉肥瘦分佈均勻，煮到好入味，肥肉入口即溶，瘦肉幾淋👍👍水準依然！🍗塔香鹹酥雞 $40望住個色澤，以為會炸到過火啦🫢，點知食落去有驚喜🤩。外層炸粉不厚，入口鬆脆，雞肉口感嫩滑。塊九層塔都充滿椒鹽味😋😋。🧋經典珍珠奶茶$26茶味清香，不澀。珍珠份量好多，佔左1/3杯，珍珠口感新鮮煙韌。✏️沒有加一服務費

講到古早台灣美食，其中一間係有幾間分店既「老厝邊」，平時幫襯開銅鑼灣分店，今日係荃灣廣場睇戲，原來對面已經有一間😌手拍涼拌小黃瓜(小辣）青瓜爽口清新，醬料調配得恰到好處，醋既調配酸度適中，而且好香蒜蓉味，帶微辣，好醒胃招牌牛三寶麵（配蔥油乾拌）牛三寶即係牛肉、牛腱同牛筋。食落牛肉同蘿蔔都有濃郁既湯汁，燜得肉質鬆化，口感軟嫩，唔係湯渣feel。我一反傳統配蔥油乾拌麵，口感Q彈有嚼勁，拌左惹味既香蔥油，比原本配湯麵既更加吸引滷肉乾拌麵麵條比配蔥油乾拌麵麵質較柔軟，但粗d彈牙d，外貌似港式油麵。滷肉肥瘦均稱，入口即化，肉香濃郁。醬汁濃郁，麵條掛汁，完美融合台式起司肉鬆蛋餅香酥既蛋餅帶d煙韌，配上滿滿拉絲芝士同香甜肉鬆，加埋酥軟與鹹香，簡單美味，係出色既小食選擇