老友記喜點 (已結業)

尋日試左老友記喜點任食邊爐，限時兩個鐘，姐姐話有雞煲、蟹煲、豬骨煲揀，本身自己鐘意食蟹就揀蟹煲。一嚟整籠點心先，一人一粒蝦餃同應該係西洋菜餃，粒菜餃幾特別！個蟹煲唔算好好好特別，純粹係薑蔥炒蟹，但隻蟹都多肉👍🏾之後到打邊爐，肥牛係”橡筋牛”，不多說，反而幾粒手打丸喜出望外，仲有啲魚片都好好食！本身標價$158/大人，我地兩個人應該$316，但埋單姐姐收$416，我問點解會貴左，啊姐話豬骨煲同蟹煲貴啲嘅🤨 依到略嫌有欺騙之嫌，因為啊姐一開頭比四個選擇我，亦無講豬骨煲同蟹煲係貴啲。不過我無同佢嘈，所以最後一人$208埋單。整體嚟講，唔算十分特別，但如果食雞煲+任飲任食邊爐嚟講，$158 一個人都算幾抵，啱一大班人打邊爐，飲啤酒吹下水！題外話，姐姐服務態度幾好，值得一讚！

最簡單的就是最好，平 靚 正！店內裝潢欠奉，地方不寬堂，約五百平尺左右竟放了6-7張檯，一檯坐6-8人，都滿了，店員先端上雞煲，好味👍🏻，並有次序地送上點心，邊爐食物，最後的甜點，每樣食材看得出是這店自制作的，不馬虎，總括來說！👍🏻👍🏻👍🏻店主非常親切，熱情送客到門外十多米遠。從不寫食評今次第一次!

網上睇到勁多人介紹老友記雞煲抵食又好味，我同老公去試左朗屏呢間雞煲火鍋先食雞煲再火鍋🍲雞煲雞好滑好野味😋火鍋材料新鮮尤其係手打肉丸🍡同自家包🥟真係👌兩個人316蚊任飲任食又有點心同自煲五花茶飯後又有甜品糖水真係抵食又好味招呼親切好有人情味老公仲話下次可以約朋友同事黎食值得大家去試

在朗屏，發現了一間餐廳叫老友記喜點！原來這餐廳有早茶、午市、晚市的一間餐廳👍🏻！當中的雞煲和打邊爐真係好好食😋，用料新鮮，食材吸引，味道一流！在店舖的職員都好有禮貌和細心的安排，真係食出一份溫暖！如果，經過朗屏的朋友不妨入去一試，除左以上的推薦外，這餐廳還有自選菜式和加工海鮮，真係服務好細心喔！誠意邀請大家支持這間小店，享受一下舌尖上的驚喜😘

老友記喜點 👍🏻用心製作，食出人情味！一食難忘，今日經過附近，心血來潮去幫襯他,食物果然充滿驚喜、新鮮、好味👍🏻❤️經過朗屏的朋友，可以值得一試😋支持你

一諗到打邊爐平靚正嘅選擇一定係依度雖然佢環境一啲都唔好感覺好似大排檔最緊要係食物優勝價錢實惠我哋一行六個人就嚟咗打邊爐＄158任食總會包一份海鮮俾我哋添一坐低好快就上咗佢哋嘅點心一籠係送嘅正正常常啦因為其實佢哋都有點心賣嘅蝦餃大大粒勁多蝦好快我哋個雞煲就已經上咗啦雞煲十分野味！差唔多食完我哋就叫佢加湯我哋就打邊爐你都海鮮10分新鮮又大隻又新鮮尤其是鮑魚同埋花甲👍🏻手打肉丸嘅牛肉丸一食就知道係牛肉球嗰啲肉😂一定係整點心嘅時候預留埋夜晚打邊爐啦！佢仲有一張紙係可以任點！咁當然海鮮就唔可以啦以咁嘅價錢來講真係超值有又包汽水啤酒可能因為小店無點裝修和宣傳所以冇乜人識得走來食！其實喺朗屏西鐵站行落嚟唔使唔5分鐘就到㗎啦超方便

第一次寫食評 元朗食雞煲好多但依家差唔多係最抵(因為我未發現更抵)158 唔洗加一 送一隻蠔同鮑魚食物種類唔多 但我覺得好足夠至少基本上想食嘅都有食物未必最好 但食嘅過程好温暖我同朋友兩個去食 兩個女仔唔係食超多所以食食下就停左手但個店員就會行黎問我地有無嘢要加？(好似去左人地屋企食飯嗰種 而唔係不停打擾嗰種)食完好好食嘅桂花糕之後 我地個朋友過左黎接我地走 個老闆仲問佢洗唔洗食甜品？成件事好有趣順帶一提 早餐我都喜愛喺老友記食粥 十幾蚊大大碗好足料😋😋😋

好耐之前食過，記憶中小菜夠鑊氣及味道不錯，現在主打邊爐放題、雞煲和羊腩煲。我們點了雞煲、炒蟹、生炒骨、什菜煲、涼瓜煎蛋和椒鹽骨腩。最後還送了桂花糕，因為免費，不予置評。整體來說，沒有鑊氣，味道差，不會再食。但雞煲~不夠香口，雞不新鮮炒蟹~完全沒有蟹味，完全不新鮮生炒骨~這個不錯，豬肉沒有過度醃製什菜煲~味道可以，但份量較少涼瓜煎蛋~好咸好咸，太多豉油，咸到不能吃椒鹽骨腩~簡直浪費了食材，煮得不夠乾身，椒鹽不夠，不野味。

先黎蒸點心過下口癮，一上雞煲，香到充滿期待，食落少少辛辣，不過真好味，老板娘話辣味有得調校，不過要食正宗重慶風味，點都要試少少辣。乾雞煲有專人睇火，差唔多就撈起啲雞，再放湯打邊爐。2小時有汽水啤酒任飲，上台嘅火煱夠晒料，不過都仲有得自助拎。冷氣供應，打邊爐都打得好舒服，而且老板娘同員工非常友善，幫埋手影相同傾計，值得一試。價錢相宜，另外亦有午市及晚市套餐供應，有茶飲有電視睇，方便一家大細，可以電視撈飯。哈哈哈~~