老友記廚房

營業中

休息中

15/4/2024映完魔鬼山日落，緊係去醫肚😙喺Open rice 搵咗呢間老友記廚房試吓，即刻覺得好運氣，揀啱咗🥰平靚正！！！ 我哋一行七人嗌咗兩個套餐，$328龍躉三寶(金銀蒜雲耳蒸頭腩、翡翠炒斑片、密椒薯仔牛柳粒）和$238精選三寶（鳳梨生炒骨、豉汁蒸白鱔、椒絲腐乳通菜）另後加咗椒鹽鮮魷，每個小菜都夠鑊氣，又好味，份量都好足夠。還有點菜後餐廳奉送每人一盅無味精靚湯，當晚是眉豆雞腳豬骨湯，好足料亦美味。 我自己就最欣賞個翡翠炒斑片及椒鹽鮮魷，前者味道適中，斑片啖啖肉夠新鮮；後者夠鑊氣，除咗炸蒜蓉外還夾雜咗少少鹹蛋黃令整個鮮魷更加香和惹味，伴酒一流😋 當然餐廳都有進步空間，例如個蒸頭腩有點過火，但味道OK，還有鳳梨生炒骨，用的是薄豬扒，上炸漿後略乾硬，整體味道不俗，賣相好。 重點嚟喇，除咗以上嘅餸，我哋仲嗌咗四支啤酒就三罐汽水和四個白飯，全餐消費只係$892，每人除開只係$127.5, 勁抵食🔥🔥面對北上消費熱潮，香港食肆好難維持，希望呢篇食評可以支持吓呢間良心食店，我哋一定會再幫襯，下次可以試吓個龍蝦伊麵餐，真心期待🥰⋯⋯

午市外賣自取，$35連凍飲。我買左兩份，一份午餐同老虎兩份，一份晚餐老虎同仔兩份。仲有個檸底留番黎蒸馬友。呢間小店食過幾款豬肉既菜色都好高水準，除了廚子外，買手/供應商值一讚。肉餅Pizza咁大塊，$35只限外賣現金自取，堂食要$53，而且優惠天天不同。（剛見到今日係蒜蓉蒸馬頭魚，$40），老闆話魚會貴少少，而且呢間海鮮類食物都唔錯，之前老虎仔食過粟米班腩飯（只係ABC類午餐Set），斑腩堅係新鮮班腩，唔係炸魚柳，唔靚魚唔食既老虎仔密密食食鬼哂，呢間小店既廚子係對食物出品堅有要求。

今晚同阿哥去油塘食晚飯，點了立腸炒芥蘭，老友記小炒王。這小炒王幾好味道，是該店出品。我和阿哥食了合共三碗飯，價錢合理可以接受，合適簡單晚飯或飯局三五知己飲番杯都得。

試下呢間油塘街坊茶記大排檔🤓環境好舒服，有各式各樣大排檔菜色💖大熱天時食都唔怕，坐得舒服！✨油鹽水浸蜆 夠晒足料，每隻蜆都脹卜卜！✨蜜椒薯仔牛柳粒 好惹味😍黑椒味濃，牛柳都好入味✨芝麻沙薑雞 有配上芝麻和沙薑醬，香氣和沙薑的微辣味好夠，雞肉嫩多汁菜色有鑊氣，價錢合理❣️一啲都唔嘈吵既，附近街坊值得一試！每一道料理，讓來店用餐的客人都感受到香港大排檔的美味，傳承那個古早味，就是堅持，堅持港味原汁原味🥹

依家食小炒唔一定要去大排檔，好多地區小廚都有唔錯嘅質素。今次去油塘探朋友就試左呢間「老友記廚房」，有驚喜。霸王雞餐牌有炸子雞/霸王雞/沙薑雞，但想食雞嘅鮮味就揀左霸王雞，味道唔錯，肉厚得嚟亦嫩滑。蜜椒薯仔牛柳粒嚟得小廚就一定要叫鑊氣小炒，今次試左蜜椒薯仔牛柳粒。牛柳粒肉質柔軟，配上薯仔，青椒，腰果，口感豐富，加上滿滿嘅蜜糖爆炒，有鑊氣夠惹味。分量比想像多，配飯一流。大堆介！油鹽水浸蜆㨂多味清淡一點嘅油鹽水浸蜆，份量充足，有鹹酸菜做底味提鮮，蜆肉新鮮冇砂，值得一試

嚟到油塘麵包之都， 除咗麵包必食推介鑊氣小炒油鹽水粉絲煮蜆 (白沙蜆)白沙蜆鮮甜冇沙，就咁用油鹽水煮出，簡單鮮味而且更可邊吃邊喝湯，粉絲更把所有鮮味盡吸，做到一滴都不浪費，加埋冬菜鹹鮮清香！酸菜烤魚用咗杉斑肉質爽滑有魚味，有豐富魚油， 烤魚入面仲有寛粉、雲耳、酸菜、芫荽、豆卜、 芽菜，索晒啲味好正 ，湯底飲到淡淡嘅酸味，中間又夾雜住少少辣味，好過癮。蜜椒薯仔牛柳粒人氣必點菜式之一，小炒最緊要夠「鑊氣」，呢味《 蜜汁薯仔牛柳粒》 絕對夠邪惡，大火炒起，蜜糖薯仔甜脆，而薯仔外脆內酥軟，再加上蜜糖的香甜味，牛柳口感嫩滑帶黑椒香味

新年前後，好多老朋友相約見面聚下舊，今日朋友約咗去油塘老友記廚房食飯，餐廳是一間好有鑊氣嘅街坊小炒，室內地方寬敞,坐得舒適。芝麻沙薑雞：半隻份量都不少，淋上用沙薑為主嘅獻汁，再灑上芝麻，風味獨特，皮爽肉滑，味道咸咸香香好夠味！豉汁蒸白鱔：豉汁味道調配得剛剛好，味道沒有蓋過白鱔的鮮甜味，魚肉的質感不算彈牙但沒有泥味。金銀蛋浸白菜仔：用皮蛋、鹹蛋同爆香嘅蒜頭烹煮而成的湯汁，再加入鮮嫩白菜仔一起煮熟，口感滑嫩鹹香、滋味豐富。

老友記廚房 • 油塘如果大家去完鯉魚門或者附近，想簡簡單單食一餐而唔想捱貴價海鮮，呢間餐廳值得推薦俾大家。呢間茶餐廳晚市有唔少小菜可以試下，好岩成班人一齊食住吹水😋😋..✅ 芝麻沙薑雞 (半隻) 🐔 $128半隻雞嘅份量都夠3-4人份量，雞肉入口嫩滑，唔會太肥。雞表面亦有鋪一層沙薑蓉，沙薑味濃而唔鹹，整體幾出色，個人會推薦呢道菜😙..✅ 蜜糖薯仔牛柳粒 🐮 $118呢道菜亦係另一道多人叫嘅菜式，但得好亦好考功夫。牛柳粒厚身，有咬口，食落有油香；薯仔經過油炸而唔會太稔；菜式甜味掌握得唔錯，另外加有腰果，洋蔥青椒，配料豐富😙..✅ 金銀蛋白菜仔 🥬清湯加上香菜仔，白菜用左比較中間嘅芯段，又稔又甜；鹹蛋皮蛋份量都多，湯式另些飲得出皮蛋甘甘甜甜嘅味道。👍🏼

❤️油鹽水浸大蜆(例牌)湯底係胡椒豬肚湯，加上芫荽、芹蒜、蒜🧄和辣椒🌶️等配料調味，有少少辣好惹味😋。蜆夠新鮮，肉鮮甜冇沙。入面重有我最愛嘅粉絲～粉絲吸收晒湯底嘅精華，好入味😋❤️霸王雞半隻雖然半隻，睇落份量都好多！雞肉嫩滑啖啖肉～😋 薑蔥和辣椒絲放在雞上，好入味～❤️金銀蛋浸白菜仔金銀蛋為白菜仔添上少許鹹味。白菜仔鮮嫩爽脆！總括來說，全部菜式都大大碟份量足，完全唔吝嗇！👍🏻餐廳環境闊落，有圓枱又有卡座，坐得舒適～

👨🏻‍🍳老友記廚房 (油塘)📍油塘草園街8號嘉賢居地下6號舖 「油塘中式小菜都有咁出色既酸菜魚😻」 想食小菜，見到油塘呢間新開小菜好多好評，去試試😽 👍🏻🍽️酸菜魚 $148bb辣😝辣度岩岩好，酸度都岩岩好好惹味，系平時川菜既酸菜魚味😋值得一讚既系佢個🐟魚🐟，做得好脆同爽口😆豆卜、芽菜、木耳都嗦哂味！！ 🍽️蒜蓉炒白菜仔 $68餐牌無，只系輕輕問一句，佢地話有🥹有住家味🤤 🍽️蜜椒薯仔牛柳粒 $118少有甜味的牛柳粒，似加了蜜糖🙈配飯開胃 #老友記廚房

係油塘搵野食搵下搵下愈行愈入，發現呢間餐廳又幾有驚喜。呢間地道既港式小廚，環境夠大夠光猛，坐得舒服唔逼。小菜價錢唔貴，另外仲見到有套餐可以嗌，岩晒一班人黎食飯。酸菜魚 $148 勁大鍋酸菜魚，見到都多料係入面。味道上酸同辣都好適中平均，唔會太過辣食唔到既感覺。魚肉片都幾多片，應該係新鮮草魚黎，食落肉質好爽嫩個口感幾正。個鍋底仲有寬身薯粉，吸晒個湯味好好食。菜心炒牛肉 $88 呢碟都好大碟，好多牛肉片之餘有d菇片薑片，炒出黎好香。菜心唔油，食落唔鹹，幾有鑊氣之餘最都幾香口。豉椒炒蜆 $98碟炒蜆好多隻，蜆肉都幾大隻而且都好鮮甜，配埋d豆豉同辣椒一齊炒，味道辣辣地幾開胃。白飯 $12@1叫左兩碗白飯，3個餸每人一碗白飯，兩個人食都幾飽，港式嘅炒小菜真係無得輸

二訪老友記廚房，上次同朋友嚟打邊爐 很不錯今日同老公二人嚟試下呢度既小炒。餐廳環境闊落，我哋坐架座，坐得好舒服 ，店員好有善，仲主動介紹食物添，呢度小炒真心不錯 好有鑊氣 值得推介芝麻沙薑雞半隻 $128芝麻沙薑雞 非常入味 雖然是半隻，但份量都不小，兩人絕對夠食，厚肉得嚟肉質亦非常嫩滑蜜椒薯仔牛柳粒 $118牛柳粒肉質軟腍又入味 配上蜜椒、薯仔、腰果等 好惹味豉椒炒蜆 $98豉椒炒蜆 份量足夠 味道鮮甜又有鑊氣 好美味送飯一流

朋友住油塘附近，帶左我去一間茶餐廳食，估唔到好有驚喜！小菜好夠鑊氣！餐廳食物份量好足料，碟碟都好大碟，好抵食！尤其係佢地嘅小菜，真的很有特色，非常物超所值。1）四川水煮魚魚肉非常嫩滑，口感爽脆，味道鮮美。不過，如果再加辣一點的話，會更加惹味。一種麻辣鮮香的感覺，非常開胃。2）豆豉鯪魚炒油麥菜好夠鑊氣，炒得香氣四溢。油麥菜的口感脆嫩，完美地平衡了整道菜的風味。平平凡凡既餸，但炒得好惹味！3）福建炒飯一碟非常經典的茶餐廳碟頭飯。炒飯的米粒飽滿，每一口都散發著炒過的香氣。炒飯搭配豐富，有蝦仁、雞肉等，整體口感豐富多樣，好耐冇食過…好好味又大碟，我同朋友2個人都食唔曬～最後打包拎返屋企。4）蜜椒薯仔炒牛柳粒蜜椒炒起好香口，牛柳粒好淋，唔硬唔鞋口～完全唔覺得係茶餐廳炒出嚟，好高質！餐廳員工友善，好客，有禮貌～^_^估唔到油塘有一間咁好既茶餐廳～

餐廳有好多款式可以選擇，廣東小炒、火鍋、雞煲、海鮮，套餐…..，真係好過去大排檔，起碼坐得舒服啲。酸菜魚，太耐冇食好期待，上菜後第一時間就梗係飲番碗湯先啦，酸中帶辣的味道，令人胃口大開，魚好滑冇骨啖啖肉，配料仲有木耳、豆腐卜、寬粉同芽菜，足料又好吃😋。蜜椒薯仔牛柳粒，牛柳粒軟淋惹味，配料有煮得入味的薯仔🥔，加埋洋蔥🧅、青椒🫑同nuts的配搭，增添不少口感。老友記小炒王，韮菜新鮮爽脆，有🍤蝦、腰果、八瓜魚、墨魚同紅椒🌶️，炒得好夠獲氣的惹味小菜。鴛鴦炒飯，一邊是白汁蝦仁，另一邊是鮮茄雞肉，兩款燴汁吃起來花樣更多，把燴汁拌勻味道香濃，十分滋味😋。

第二次來「老友記廚房」，皆因想回味上次的豉汁蒸白鱔，反正係油塘地鐵站行過去都係6分鐘左右，食完返屋企15分鐘搞掂😊我們點了晚市三寶$238就有豉汁蒸白鱔、咕嚕肉，另外蔬菜類點了菜心炒牛肉，的確係性價比高的好選擇😄豉汁蒸白鱔能保持水準，擺盤精美，鱔魚肉質鮮嫩，蒸熟後更加彈牙，搭配豉汁的香氣和鮮味，回味無窮！如果你喜歡海鮮和濃郁的醬汁，絕對不能錯過這道美味佳餚❤️咕嚕肉搭配著糖醋醬汁的酸甜滋味，外皮金黃酥脆，內裡保持著肉的柔軟，口感酥脆，係開胃的選擇😊菜心炒牛肉係美味的家常菜，經常外出吃飯的我其實好鍾意食，兼且呢度啲牛肉唔韌，菜心鮮嫩，調味適中，相當不錯👍今日天氣很冷，多點了一個太極鴛鴦炒飯($72)，分別以茄汁和白汁作為調味。茄汁部分以番茄烹調，內裏有很多雞肉，炒飯酸甜口味，能激發我們的食慾，亦為炒飯帶來豐富的色彩；白汁部分則以奶油調製，味道濃郁而滑順，爽口彈牙的蝦肉配着白汁飯來吃很配合，很快便給我們吃清光😬