老友記廚房

營業中

休息中

【油塘•老友記廚房】@loyaukee.hkππππππππππππππππππππππππππππππ油塘街坊鑊氣小炒餐廳蜜椒薯仔牛柳粒 118$薯仔牛柳粒口感紮實，入口後散發出濃郁的牛肉香味。蜜椒的辣味和甜味搭配在一起，為這道菜增添了豐富的風味。酸菜魚 $148湯色濃郁，氣味撲鼻而來。魚肉鮮嫩，搭配酸菜的酸辣清爽，入口滑嫩爽口。湯汁鮮香可口，非常適合下飯。啫啫油麥菜煲 98$麥菜新鮮爽脆，搭配特製醬汁，鹹鮮美味十足。菜色清新，入口爽口，讓人吃得津津有味。麥菜的營養價值很高，經過這樣的烹調方式，不僅保留了蔬菜的原汁原味，也增加了營養價值。白飯 24$/2餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 388✨✨✨✨✨✨✨✨✨✨✨✨✨#油塘美食 #老友記廚房 #web3油塘老友記廚房油塘草園街8號嘉賢居地下6號舖

晚上，太太和我來到了位於油塘的老友記餐廳。這是我們最喜歡的餐廳之一，因為他們的菜色美味多樣。進入餐廳後，服務員熱情地迎接我們，並帶我們坐到了舒適的座位上。我們迫不及待地點了晚市三寶，這是餐廳的三個招牌菜，我們聽說它們非常美味，所以早就心心念念了。第一道菜是咕嚕肉。它的外表金黃酥脆，裡面的肉質鮮嫩多汁，配上微酸的醬汁，真是絕配。每一口都讓我們感受到了肉的香氣和醬汁的味道，讓人回味無窮。第二道菜是菜心炒牛肉。這道菜看起來簡單，但入口後卻讓人驚艷。菜心的嫩脆配上嫩滑的牛肉，加上炒得恰到好處的醬汁，使這道菜變得美味無比。我們兩人一起夾起試了一口，嘴裡瞬間充滿了濃濃的牛肉香和菜心的清爽口感。最後一道菜是豉汁蒸白鱔。這道菜獨特的豉味和鱔魚的鮮嫩結合在一起，散發出迷人的香氣。每一塊鱔魚都鮮嫩滑爽，入口即化，讓人回味無窮。

餐牌上有各款小菜, 海鮮, 亦有套餐選擇, 價錢大眾化, 最終同朋友叫了3個餸, 個人最推介蜜椒薯仔牛柳粒🔸️芝麻沙薑雞 $128沙薑味好夠, 半隻都好大碟, 雞肉唔乾柴 🔸️蜜椒薯仔牛柳粒 $118平時大排檔必選菜式之一, 牛柳軟腍, 薯仔外脆內軟配埋甜甜地嘅醬汁, 食咗好多舊仲好味過主角, 腰果都好香口🔸️金銀蛋浸白菜仔 $88入面有鹹蛋、皮蛋、白菜仔等, 非常索湯, 味道鮮甜, 好餸飯🍽老友記廚房油塘草園街8號嘉賢居地下6號舖

今晚去完朋友油塘屋企，朋友帶我去佢飯堂老友記廚房。舖頭都好大吓，有一邊全邊都係落地大玻璃，入邊有好多張大枱同埋有啲卡位。感覺開陽闊落。呢間餐廳晚市做埋各式小炒，火鍋同雞煲，種類繁多。我哋今晚兩個人就簡簡單單叫三個餸加一碗白飯share食。老友記小炒王：材料豐富，包括韭菜，鮮魷，魷魚乾，蝦仁，菜譜，腰果及蝦米。腰果炸得鬆化，鮮魷爽口易咬，蝦米及魷魚乾令菜式增加鹹鮮味，韭菜嫩口，加咗菜譜令菜式更惹味。芝麻沙薑雞半隻：分量十足。雞肉肉質彈牙。雞皮唔會好厚，食埋都唔會覺得好油膩。沙薑味好夠。冰梅金沙骨：冰梅汁酸酸味味，令人食慾大增。金沙骨嘅肉同骨中間嘅筋膜位好脆口。另外值得一讚嘅係，一坐低，侍應就會拎一大碗滾熱辣嘅水同餐具俾你清洗。同埋每張枱都有各式各樣獨立包裝嘅調味料。感覺好乾淨。老闆娘整晚都笑容滿面，感覺好親切！

呢間茶餐廳給人一種光鮮既感覺，位於大本型行上去嘉賢居6分鐘左右既路程,餐廳裝潢簡約。我同朋友點了他們既二人海鮮餐，裡面包含了幾個經典的菜式。首先，他們的豆豉蒸白鱔令我驚艷。這道菜既白鱔魚肉嫩滑新鮮，搭配著豆豉的鮮香口感，味道非常美味。魚肉蒸得剛剛好，保持了它的鮮嫩，而豆豉的風味則讓整道菜更加豐富和有層次感。其次，他們的鴛鴦炒飯也非常出色。這道菜以兩種不同的口味組合而成，一半是蝦仁炒飯，另一半是肉絲蕃茄炒飯。蝦仁同肉絲炒飯每樣一半滿足左一個鐘意食2款唔同炒飯既朋友。而且價錢好抵份量都好大碟。接著，豆豉鯪魚油麥菜,搭配著豆豉的鮮香和油麥菜的清爽口感，味道十分美味。豆豉的風味與鯪魚的鮮味相互襯托,唔會好咸。最後，菠蘿咕嚕肉是一道經典的粤菜。呢道菜的咕嚕肉外酥內嫩，搭配著菠蘿的甜味和微酸口感，味道非常美味。菠蘿同紅綠椒加入增添了菜品的色彩和口感。

今日和朋友去了油塘嘉賢居地下的老友記廚房吃午餐，因為她住附近，而且有街坊推薦佢去這間餐廳食，所以我們便去試試。我們點了雜扒飯和和乾炒XO醬海鮮河粉，再加一杯凍檸檬茶和龍鳳檸樂，跟餐送例湯，凍飲加$3，龍鳳檸樂就加$14。 🥩雜扒飯 $63份量足夠，雜扒有豬扒、牛扒、原隻炸雞翼、煎蛋和火腿，炸雞翅是傳統的味道。 🐙🦐乾炒XO醬海鮮河粉$53海鮮有魷魚、蜆肉、蝦、芽菜、蛋，熱騰騰，夠鑊氣。 🥣例湯是青紅蘿蔔豬排湯，味道濃郁。

今日去到油塘探老友，老友記介紹我去食大鱔。他帶我到了嘉賢居，果然有一間叫做老友記的食肆。入去見到餐單有豉汁蒸大鱔。我最鍾意食，因為家人怕蛇，不敢弄，所以在家吃不到鱔。今次有機會大快朵頤，希望食到一餐正嘅。我個老友叫了大鱔一碟，菜一碟，及咕嚕肉。不久咕嚕肉來了很香，菜也炒得不錯，夠鑊氣，因為廚房就在很近的地方，所以熱辣辣。不久大鱔來了，好香，調味夠正，很久沒有機會享受了。所以和老友兩人全部食清好開心。

天氣涼返啲就想食啲鑊氣小炒 見到老友記廚房主打特色中菜 咁就岩曬✌🏼🌶四川水煮魚 $148叫左小辣 辣度岩岩好 事關我地都吾食得太辣 中意辣啲既朋友 可以再加碼除左辣味 麻香都幾濃烈 川菜既靈魂👍🏻鯇魚塊薄切 肉質依然嫩滑 愈食愈入口 辣得過引 魚皮爽脆入面仲有豆卜 芽菜 薯粉豆卜最索湯汁 冇得輸薯粉寛身又腍 好食🍲啫啫生菜煲 $88熱辣辣 落左蝦米 加埋蝦醬 鹹鹹香香好惹味🤤生菜爽口 又有肉碎點綴下 吾會太齋🍖冰梅金沙骨 $98呢個系佢地既招牌菜🏅蜜汁微甜 而冰梅粉酸酸地 幾醒胃 送飯一流份量都多 啖啖肉💭除左小炒 餐廳仲有吾同種類既海鮮食 連龍蝦都有 而且小菜又夠鑊氣 環境又比大排檔好得多😊

今日喺油塘三家村遊樂場打完波，餓到死左。大本營又無咩好食，見到對面“老友記”餐廳都好多人，即刻入左去睇睇。咁啱撞正2點鐘，又可以午餐又可以下午茶。二話不說叫左個 菜脯涼瓜肉碎炒蛋飯同炸脾薯條食菜脯涼瓜炒蛋，一向都係最強炒蛋組合，份量足夠之餘，佢炒得香口夠味，又唔會好油！呢樣對我地愛運動嘅人黎講好重要。一啖蛋一啖飯，兩下唔洗食到碟底！食炸脾一定食生炸，個隻脾個皮炸到脆卜卜，雞脾炸到剛剛好。仲有仲有薯條正呀，識食一定係粗薯條先好食！重中之重，食飯同炸脾點可以無左龍鳳檸樂同咸檸七去送呀！打完波，有美食醫好肚，飲埋杯野，不得了！“老友記廚房”除左午餐下午茶餐之外，我仲見到佢有大量海鮮供應，晚飯小菜都可以，剛巧見到佢做緊長腳蟹優惠，980蚊一隻，個樣都好大隻，需要預訂

今日去咗油塘覓食，好想食中菜，於是見到呢一間老友記廚房，佢嘅裝修都感覺坐得好舒服，於是就入去食個晚餐。我哋總共叫咗三個餸，分別係西蘭花炒鮮魷、麻辣雞煲同生炒骨三餸加兩個飯。我哋坐低咗冇耐已經上菜，所以係好新鮮熱辣辣嘅。佢嘅西蘭花炒鮮魷啲鮮魷好爽，感覺好新鮮，加埋西蘭花唔會炒到過熟，有嗰種爽口嘅感覺。而去嘅麻辣雞煲就份量都好多，而且味道非常濃厚，啱晒鍾意重口味嘅你哋。而佢嘅生炒骨有好多唔同嘅材料，例如菠蘿、洋蔥同無骨嘅生炒骨等等佢嘅醬汁都好出色，酸酸甜甜，非常開胃。而性價比方面，我哋埋單total三百幾蚊，唔算好貴，而佢每碟餸嘅份量都好多，我哋幾乎都食唔晒。

平時去大本營開餐，最近發現左嘉賢居呢間鑊氣小店，小菜都幾出色！ 🥢金銀蛋浸白菜仔皮蛋鹹蛋煮既湯底，濃郁味道無添加，湯汁睇到有咸蛋黃油橙色，皮蛋都軟滑，配料仲有草菇、蒜子、蘿蔔絲、薑，白菜仔掛湯超鮮味，深秋乾燥有個湯浸菜式好開胃🥢蜜椒薯仔牛柳粒用左洋葱、青椒連牛柳爆香，薯仔大大粒好粉嫩，炒到金黃色入味，牛柳粒Juicy，外層封左蜜汁黑椒籽，香辛感觸發食慾。🥢芝麻沙薑雞沙薑雞係我鍾意既菜餚，食落唔會帶油腻感。雞件沾勻自家調製沙薑醬，雞皮薄薄地唔厚脂，連肉食先至真正享受！沙薑醬texture夠濃厚米白色，最欣賞係入口唔會過咸調味平衡，伴少少送飯惹味。雞件唔會斬得好碎，雞肉嫩滑純鮮，尤其雞翼雞搥特別滋味，雞胸肉厚唔粗，份量好足二人份。

因工作關係要到油塘進行探訪，很少很少機會從西到東往油塘去逛......到了油塘地鐵站，真的長知識，聞名不如見面，地鐵站就是大型商場，公共房屋就座立於地鐵站上，一望無際的維港海景，地鐵站在家居住所下，既使人羨慕又妒忌.....完成工作，就約老婆在油塘開餐，商場的大衆化食店已引不起興趣。於是從地鐵站樓梯往下逛，經過三家村遊樂場，不知不覺走到私人屋苑嘉賢居地下的搶眼招牌食店-老友記廚房。這食店地方寬敞，卡位偌大舒適，經老板推介，我們選了：四川水煮魚($148）、沙薑雞半隻（$128）、蒜蓉炒芥蘭（$68）。兩人開餐甚為豐富。水煮魚可選辣度，無骨刺的魚片爽脆非常，份量十足，愈食愈有，沙薑雞肉滑味香，蒜香芥蘭脆卜卜，真是難忘夠鑊氣的一餐。

十二月仍然好熱，今日和同事在油塘工作完畢，本身已行到慶恰恰，真是唔想再繼續行去大本型，這間在三家村遊樂場附近的餐廳打救了我們。*餐廳似乎是附近街坊和工友們的食堂，午市餐牌都有幾多選擇，其中湯米線和湯飯最吸引，濕濕地易入口，另外位同事則叫了炒烏冬。套餐包熱飲和例湯，一個價錢：$53。*🏅白胡椒雞湯燒鴨米線🏅鮮肉碎蠔仔湯飯🏅XO醬海鮮炒烏冬熱奶茶 +$0七喜咸檸底 +$7可樂龍鳳檸底 +$9燒鴨米線除了有幾件燒鴨，還有紫菜和粟米粒，而白胡椒雞湯也很夠味。蠔仔湯飯真材實料，蠔仔飽滿新鮮，湯底還加入了唐芹粒和菜甫，鮮甜美味。炒烏冬有蝦仁、魷魚和蟹柳，XO醬雖偏淡，但味道也不錯，而且乾爽不油膩。

今日去油塘探朋友,其實都好耐無去,朋友推介這家「老友記廚房」有卡位又有圓枱,地方寬敞,坐得舒適。服務員招呼週到,又有禮貌。餐牌上有好多選擇,早市:有歐陸式早餐,傳統港式早餐和三文治餐。午市:有炒粉麵飯仲有快餐,送中式例湯及熱飲。晚餐:有港式小菜,惹味煲仔菜,雞煲和火鍋。我地點咗2個快餐📍白胡椒豬肚雞湯飯 $53一上枱就有驚喜,熱辣辣嘅一大碗白胡椒豬肚雞湯,配埋一碟白飯。湯底濃郁,支竹、豬肚和雞件都好多,成碗食曬,值得推介👍📍鎮江醋炆蘿蔔豬軟骨飯 $53豬軟骨軟滑,酸酸甜甜,蘿蔔索咗啲汁,好入味。餐湯:粟米紅蘿蔔豬骨湯真材實料,飲咗唔覺口渴。餐茶:熱咖啡和熱檸水熱咖啡又香又濃。食完飯飲杯檸檬水,覺得好舒服。下午茶餐炸雞髀配薯條和熱檸檬水 $39雞髀炸得鬆脆,雞肉嫩滑。薯條炸得香脆,好食,的確唔錯。老友記廚房油塘草園街8號嘉賢居地下6號舖

假日去油塘探朋友, 晚飯去咗樓下一間小菜餐廳食晚飯。餐廳環境開揚, 食物款式選擇多, 揀咗個「精選三寶」, 包含兩款精選人氣小菜, 再自選一款菜蔬, 價錢合理。精選三寶 HK$238鳳梨生炒骨:份量都幾多, 每粒無骨啖啖肉, 肉質彈牙, 不過炸皮厚咗少少, 個汁平均包住每粒生炒骨, 甜酸做得恰到好處。配飯食一流! 豉汁蒸白鱔:白鱔鱔肉有鮮味, 魚質有彈性, 配上鹹香惹味嘅豉汁, 同樣係配飯唔錯嘅選擇。自選菜式: 菜心炒牛肉炒得有油光得黎唔會太油, 菜心爽脆清甜, 牛肉好林。【太極鴛鴦炒飯】HK$72蛋炒飯飯底, 分別加上兩款醬汁, 個汁做到好滑易掛汁, 足夠撈起包住每粒飯粒, 白汁甜甜地, 有唔少爽口嘅蝦仁同埋翠玉瓜, 很有層次; 茄汁果邊甜甜地、微酸開胃, 雞肉絲嫩滑, 配上索咗汁轉林嘅洋蔥絲, 兩款味道做得好match好好味!