老虎堂黑糖專売 (已結業)

風頭一時無兩既黑糖珍珠奶茶，終於一試岩岩黎到香港個時，平均要排２個鐘頭以上，自問冇耐性又係鄉下妹，點會特登出去排隊買黎試。終於終於～咁岩經過見到冇乜人，大概有２－３位係前面排隊等左大概１０鐘就到手。叫左波霸厚鮮奶，拎上手仲係暖暖地，虎紋唔算突出或者好靚，不過都要影張相留念。攬勻後，冰塊依然好多，融唔晒，可以飲到陣陣透心涼既感覺甜度適中，唔會過甜，黑糖味道亦唔會好假珍珠不過不失，有咬口。整體黎講，對佢冇咩特別好印象可能已經過左氣，維持唔到之前既水準。個人最愛都係珍ＸＸ

平時好少行經元朗廣場後門，今日行過，見到有間老虎堂，而且唔使麥排隊，當然要叫返杯黑糖波霸厚鮮奶飲下，好中意杯野飲有好濃奶味同黑糖味，而且好飽肚，雖然細細杯，但飲完已飽左一半

今天去完eurogogo 吃東西後突然有個沖動想落2層去下面元朗廣場新開的老虎堂飲紅茶，於是去了飲醇紅茶19元正， 見老虎堂的店員都同老虎堂差不多一樣，就用八達通跟店員下單要一杯醇紅茶，在等候時見到紅茶不是用新鮮開的，而是用預先調配好的，還有不能走糖，只能半糖，而冰量就可以要走冰少冰及多冰，等了一會兒後就有紅茶喝了，喝下去感覺有點像黑色涼粉的味道，到最後喝完了，雖然半甜還是很甜只是杯的外型還是很美觀呀！

見今日唔係咁多人排隊，就試下黑糖珍珠鮮奶但市面上咁多間台式飲品鋪都有出，價錢都唔平，所以就好想試下d正宗，整黑糖珍珠鮮奶好出名嘅鋪頭飲啦！網上都有睇過好多唔同嘅人講邊間好飲，d黑糖好正嘅post，但都好壞參差，都唔知試邊間好。經過見到老虎堂，而且都是有好多人講過佢嘅黑糖好味嘅專門店，唔洗排隊，就決定試下啦！個日都唔算多人，叫左大概五至十分鐘就攞得啦，出黎個黑糖效果好靚，即刻要用黎打下卡先！一飲果然係咁好味，果然網上嘅人講左咁多都係要自己試下先知！我揀左波霸，好煙韌，唔會淋pat pat。飲得出佢個黑糖味，唔會好甜，岩岩好！絕對會為左佢而再飲多次！

今日約左到元朗辨証件，辨完証一個人食飽行街，囗渴，突然諗起元朗開了我的最愛，即行去買杯～去到不用排隊，只見幾位中學生亦都買左杯，影下相，打下卡好在多囗一問有沒有細珍珠，店員解答細珍珠叫珍珠厚鮮奶，和黑糖波霸厚鮮奶一樣，只係用細珍珠！上次荃灣站話我知冇……好濃既黑糖味，配上鮮奶，有點似淡奶，細珍珠囗感煙韌！我亦特別喜歡細珍珠，因為大珍珠比較飽肚！味道係黑糖既甜味再帶出奶味！再台灣一日飲一杯，諗住香港冇！而家已經在香港有多間分店，睇黎我又增肥了！

元朗廣場開左新店，唔使排隊，聽左咁多人講話好飲，又或者太甜，想自己買杯試下一飲之下，味道係可以既，唔太甜，有黑糖味，但有一樣野令我覺得成件事好唔爽係，飲左幾啖，就完～睇返原來半杯都係冰～好失望！希望貴公司檢查一下，如果你自己買杯野飲，係咁樣樣，會咩感受